रोमियां 14:13 - ओङ राजपूत

¹³ ऐवास्ते उग़ते कनु अम्ही हेके-ङुजे उपर दोष ना लाऊं, पर तम्ही ईं ठानती गिहा कि कुई वी आपणे भावां चे सामणे ठेस जा ठोकर खाणे ची वजह ना मेहलो।

रोमियां 14:13 ပူးပေါင်းရင်းမြစ်များ

मत्ती 16:23

ईशु ने मुड़ती कर पतरस नु केहले, “हे शैतान, माये सामणे कनु दूर हो! तु माये वास्ते ठोकर ची वजह छी। कांकि तु नरीकारा चीया बाता उपर ना, पर तु इन्साना चीया बाता उपर मन लावी।”

मत्ती 18:7

ठोकरा ची वजह कनु संसारा उपर हाय! ठोकरा चे लाग़णे जरुरी छै, पर हाय! ओ इन्साना उपर जाई वजह कनु ठोकरा लाग़ी।

मत्ती 7:1

“दोष ना लावा कि तम्चे उपर वी दोष ना लाला जाओ।

लूका 12:57

“तम्ही आप ही फैंसला कां ना करती गिहा कि वाजिब का छै?

लूका 17:2

जको कुई यां छोटा महु कानु ठोकर खुलाओ, ओचे वास्ते ईं भले हुवीया कि घर्टी चा पोड़ ओचे गले मां लटकाला जईया, ते ओ समुन्दरा मां नाखती ङिला जईया।

रोमियां 11:9

ते दाऊद किहे, “वांचे खाणे वांचे वास्ते ही जाल ते फन्दा, ठोकर ते ङण्ड चा वजह बणती जाये।

रोमियां 14:10

तु आपणे भावां उपर कां दोष लावी? जा ते बल्ति तु आपणे भावां नु कां तोच्छ जाणी? अम्ही सब चे सब नरीकारा चे न्यां सिंहासन चे सामणे भिले रेहणे पड़ी।

रोमियां 14:3

ओ, जको सब कोच्छ खाणे आला छै, ओनु तोच्छ नजरीये लारे ना ङेखो, जको सब कोच्छ ना खई, यूं करती, सब कोच्छ ना खाणे आला, ओचे उपर दोष ना लावा, जको सब कोच्छ खाये, कांकि नरीकारा ने वानु ग्रहण करले।

रोमियां 14:4

तु कूण छी जको ङुजे चे सेवक उपर दोष लावी? ओचे मजबूत रेहणे जा ढेती जाणे ओचे मालिका कनु ही सम्बन्ध राखे। बल्कि ओ मजबूत ही करला जई, कांकि प्रभु ओनु मजबूत कर सग़े।

रोमियां 16:17

हमा हे माये भऊ, मैं तम्चे कनु बिनती करे पला, कि जको लौक वे शिक्षा चे विपरीत, जको तम्ही गेहली, फूट नाखणे, ते ठोकर ङिवाणे ची वजह बणी, ते वानु भांपती गेहले करा ते वाकनु दूर रेहले करा।

1 कुरिन्थियां 10:32

तम्ही ना यहूदिया वास्ते, ना नेरीया जातिया ते ना नरीकारा ची कलीसिया वास्ते ठोकर ची वजह बणा।

1 कुरिन्थियां 11:13

तम्ही खौद्द विचार करा। का बिना ठोङ ढकले असतरी नु नरीकारा कनु प्राथना करने शोभा ङिये?

2 कुरिन्थियां 5:14

कांकि मसीह चा प्रेम अम्हानु बेबस करती नाखे, ऐवास्ते कि अम्ही ईं समझु कि, जिसे बेले हेक सब वास्ते मरला तां सारे मरती गेले।

2 कुरिन्थियां 6:3

अम्ही कुई बाते मां ठोकर खाणे चा कुई वी मौका ना ङिऊं, ताकि अम्ची सेवा उपर कुई दोष ना आओ।

फिलिप्पियां 1:10

इठे तक कि तम्ही आच्छीया महु आच्छीया बाता नु प्रिय जाणा ते मसीह आणे चे ङिओ तक सच्‍चे, पवित्र, ते बिना कसूरा चे बणले रिहा, ते ठोकर ना खावा,

1 तीमुथियुस 5:14

ऐवास्ते मैं हा चाहवे, कि जवान बांढीया बीहा करो, ते ब़ाले जमाओ ते घर ब़ार सम्भालो, ते कुई विरोधीया नु बदनाम करने चा मौका ना ङियो।

याकूब 2:4

तां का तम्ही आपस मां भेद-भाव कोनी करला ते बुरे विचारा लारे न्यां करने आले कोनी ठहरले?

याकूब 4:11

हे माये भऊ, हेके ङुजे ची बदनामी ना करा। जको आपणे भावां ची बदनामी करे, जा ते बल्ति आपणे भावां उपर दोष लावे, ऊं व्यवस्था ची बदनामी करे। ते ऊं व्यवस्था उपर दोष लावे, ते तम्ही व्यवस्था उपर टुरणे आले कोनी, पर न्यां करने आले बणती जावा।

1 यूहन्‍ना 2:10

जको कुई आपणे भावां लारे प्रेम राखे ऊं सोज़ले मां टुरे, ओचे जीवन मां इसड़ी कुई गलती कोनी जाकनु कुई ठोकर खा सग़े।

प्रकाशितवाक्य 2:14

पर मनु दुधे विरोध मां कोच्छ बाता केहणीया, कांकि दुधे इठे कोच्छ इसड़े छी, जको बिलाम ची शिक्षा नु मनी, जेह्णे बालाक नु इस्राएलीया चे आग़ु ठोकर ची वजह राखणे सिखाले कि वे मूर्तिया उपर चढ़ालीया गेलीया चीजा खाओ, ते व्यभिचार करो।