रोमियां 13:7 - ओङ राजपूत

⁷ ऐवास्ते जाई कोच्छ उधार छै ओनु चुकाती ङे, जानु लगान चाही छै, ओनु लगान ङिया, जानु चुंगी ङेणी चाही छै, ओनु चुंगी ङिया, जाये कनु ङरणे चाही छै, ओचे कनु ङरा, जाया आदर करना चाही छै, ओचा आदर करा।

रोमियां 13:7 ပူးပေါင်းရင်းမြစ်များ

मत्ती 17:25

पतरस ने केहले, “हव्वे, ङिये वे।” जिसे बेले ओ घरे आला, तां ईशु ने ओचे पूछणे कनु पेहले ही ओनु केहले, “हे शमौन, तु का सोची पला? धरती चे राजा जा चुंगी जा कर् काये कनु गिही, आपणे पूता कनु जा पराया कनु।”

मत्ती 22:21

वाणे ओनु केहले, “कैसर चे।” तब ओणे वानु केहले, “जको कैसर चे छै, ऊं कैसर नु ङिया। ते जको नरीकारा चे छै, ऊं नरीकारा नु ङिया।”

मरकुस 12:17

ईशु ने वानु केहले, “जको कैसर चे छै, ऊं कैसर नु, ते जको नरीकारा चे छै, नरीकारा नु ङिया,” तब वे ओचे उपर ब़ोहत अचम्भा करु लाग़ले।

लूका 20:22

का कैसर नु कर् ङेणा वाजिब छै जा कोनी?”

लूका 20:25

ओणे वानु केहले, “जको कैसर चे छै, ऊं कैसर नु ङिया ते जको नरीकारा चे छै, ऊं नरीकारा नु ङिया।”

लूका 23:2

ते वे ईं केहती कर ओचे पर दोष लाऊं लाग़ले, “अम्ही ऐनू लौका नु बहकाते, ते रोम चा कैसर राजा नु कर् ङेणा मना करते, ते आपणे आप नु मसीह, राजा केहते हुले सुणले।”

रोमियां 12:10

भाईचारे चे प्रेम लारे हेके-ङुजे उपर दया करो, आपस मां हेके-ङुजे नु आदर चे लारे आपणे आप कनु ज्यादा समान ङिया।

रोमियां 13:6

ऐवास्ते लगान वी ङिया, कांकि शासन करने आले नरीकारा चे सेवक छी, ते सदा ऐह कामा मां लाग़ले रिही।

इफिसियां 5:33

जको घरा आला छै, आपणी घराआली लारे आपणे जिसड़ा प्रेम करो, ते घराआली वी आपणे मुणसा ची इज्जत करो।

इफिसियां 6:5

हे सेवक, तम्चे जको मालिक छी, आपणे सच्‍चे मना लारे कद्दर ते आज्ञा मनते हुले, जिंवे मसीह ची आज्ञा मना यूंही वांची आज्ञा वी मना।

1 तीमुथियुस 5:13

ते ऐचे लारे ही लारे वे घर-घर फिरती कर आलसी हुवणे सिखती जई, ते सेर्फ आलसी कोनी, पर बक-बक करतीया रिही ते नेरा चे कामा मां टांका अड़ावी ते बेफालतु चा बाता ब़ोली।

1 तीमुथियुस 5:17

जको अग़ुवे आच्छा प्रबन्ध करते हो, खास करती वे जको वचन सुणावणे ते सिखावणे मां मेहनत करी, ङोन गुणा कद्दर चे लायक समझले जाओ।

1 तीमुथियुस 6:1

जितने दास छी, वे आपणे आपणे स्वामीया नु बङे कद्दर चे लायक समझो, ताकि नरीकारा चे नांवा ते उपदेश ची निन्दा ना हो।

1 पतरस 3:7

यूंही हे घराआले, तम्ही वी समझदारी लारे घराआलीया लारे जीवन बितावा। ते असतरीया नु निर्बल चीज जाणती कर वांचा कद्दर करा, हा समझती कर कि अम्ही ङोनी जीवन चे वरदान चे वारिस छिऊं, जाये कनु तम्चीया प्राथना रुकती ना जाओ।