रोमियां 13:13 - ओङ राजपूत

¹³ जिंवे ङिहां मां अम्ही रिहुं वी, यूंही अम्हानु सिधी चाल चलणी चाही छै, ना कि लीलाक्रीड़ा, ते पियक्‍कड़पन, ना व्यभिचार, ते लोचपण मां, ते ना ही झग़ड़े ते ईर्ष्या मां लाग़ले रिहा।

रोमियां 13:13 ပူးပေါင်းရင်းမြစ်များ

लूका 1:6

ते वे ङोनी नरीकारा चे सामणे धर्मी हुती, ते प्रभु चीया सारीया आज्ञा ते विधिया उपर निर्दोष चलणे आली हुती।

लूका 16:19

“हेक धनवान बन्दे हुते जको बैंजनी ते मलमल ची ओढ़णी घालता ते हर ङिओ सोख-विलास ते धूम-धाम लारे रेहता।

लूका 21:34

“ऐवास्ते चौकस रेहजा, कङी इसड़े ना हो कि तम्चे मन हठीले, ते नशेबाज, ते ऐ जीवना ची चिन्ता लारे सुस्त हुती जाये, ते वे ङिहें तम्चे उपर फन्दे चे समान अचानक आती पड़ो।

प्रेरितां चे काम 2:15

जिसड़े तम्ही समझा पले, ये लौक नशे मां कोनी, कांकि हालि तां पाहर ङिओ चा हुला।

1 कुरिन्थियां 3:3

कांकि तम्ही हमा तक संसारिक छिवा। ऐवास्ते कि जब तम्चे मां जलन ते झग़ड़े छी तां का तम्ही संसारिक कोनी? तां का संसारिक इन्साना ची रीति उपर ना चला?

गलातियां 5:19

शरीरा चे काम तां उजागर छै, हराम काम, गन्दे काम, लोचपण,

गलातियां 5:21

जलन, नशा खोरी, असतरीगमन, ते यांचे जिसड़ी नेरी-नेरी कामे वी छिती, यांचे बारे मां मैं तम्हानु पेहले केहती ङिये कि इसड़े-इसड़े काम करने आले नरीकारा चे राज़ चे वारिस ना हो सग़ी

इफिसियां 4:1

ऐवास्ते मैं पौलुस जको प्रभु ची सेवा करने ची वजह कनु कैद मां छै, तम्हा कनु बिनती करे पला कि जिसी बुलाहट कनु नरीकारा ने तम्हानु हकारले, ओचे अनुसार जीवन बितावा।

इफिसियां 4:17

ऐवास्ते मैं किहे पला ते प्रभु नु ग़वाह बणाती कर तम्हानु चिताती कर किहे पला कि जिंवे नेरीया जातिया चे लौक आपणे मना ची बेकार रीति उपर चली यूंही तम्ही ना चला।

इफिसियां 5:15

ऐवास्ते ध्याना लारे ङेखा, कि किसड़ी चाल चला पले, बेवकूफ आलीकर ना, पर समझदारी लारे चला।

इफिसियां 5:18

दारु पीती कर मतवाले ना बणा, कांकि ऐचे लारे लोचपण हुवे, ऐकनु दूर रिहा, ते पवित्र आत्मा लारे भरीते जावा,

इफिसियां 5:8

कांकि पेहले तम्ही अन्धारे मां हुती पर हमा प्रभु मां आणे चे बाद तम्ही ज्योति मां आती गेली, ज्योति ची ऊलाद्धी आलीकर चला।

फिलिप्पियां 1:27

तम्चा चाल-चलन ईशु मसीह चे सुसमाचार चे लायक हो, चाहे मैं आवे चाहे ना आवे, तम्चे बारे मां ईं सुणे कि तम्ही हेक ही पवित्र आत्मा मां मजबूत छिवा, हेक ही मन हुती कर सुसमाचार चे विश्‍वास चे वास्ते मेहनत करते रिहा।

फिलिप्पियां 2:3

आपणे स्वार्थ जा कूड़ी बढ़ाई वास्ते कहीं ना करा, पर नरमाई लारे हेके ङुजे नु आपणे कनु आच्छे समझा।

कुलुस्सियां 1:10

ताकि तम्चा चाल-चलन प्रभु चे लायक हो, ते ओह सारे प्रकार कनु खौश हो, ते तम्चे हर-प्रकार चे भले कामा चा फल लाग़ो, ते नरीकारा चे ज्ञान मां बढ़ते जावा।

कुलुस्सियां 3:5

ऐवास्ते आपणे-आपणे अंगा नु मारती नाखा, जको धरती उपर छी, यानि गन्दे काम अपवित्र, बुरी इच्छा, गन्दी आदत, लोभ जको मूर्ति चे बराबर छै।

1 थिस्सलुनीकियां 2:12

कि तम्चा चाल-चलन नरीकारा चे काबिल हो, जको तम्हानु आपणे राज़ ते महिमा मां हकारे।

1 थिस्सलुनीकियां 4:12

ऐचे कनु कलीसिया चे ब़ाहर चे लौक तम्चे जीणे चे ढगां चा कद्दर करे। ऐचे कनु तम्हानु कुई ङुजा उपर वी निर्भर नी हुवणे पड़ी।

1 थिस्सलुनीकियां 5:17

लगातार प्राथना मां लाग़ले रिहा।

याकूब 4:5

का तम्ही हा समझा कि पवित्रशास्त्र बेकार चा बाता बावड़े। जिसे नरीकारा ने पवित्र आत्मा नु अम्चे भीतर नाखले, नरीकार घणी इच्छा राखे, कि अम्ही विश्‍वास चे लायक बणले रिहुं?

1 यूहन्‍ना 2:6

जको हा किहे कि मैं नरीकारा मां बणला रिहे, ओनु ईशु मसीह चे समान जीवन जीणा चाही छै।

2 यूहन्‍ना 1:4

मैं ब़ोहत खौश हुला कि मैं दुधे कोच्छ ब़ाला नु वे आज्ञा चे अनुसार, जको अम्चे ब़ा ची ओर कनु मिड़ली हुती, वे सच्‍चाई उपर टुरते हुले पाले।

यहूदा 1:23

ङुजे लौका नु जाखते महु झपटती कर काढ़ती गिहा, वांचे उपर दया करते बेले चौकस रिहा। पर ओ ओढ़णा कनु वी नफरत करा जको शरीरा चे जरिये कलंकित हुती गेले।