रोमियां 13:12 - ओङ राजपूत

¹² रात घणी बीतती चुकली, ते ङिओ निकलणे उपर छै, ऐवास्ते अम्ही अन्धकार चे कामा नु छोड़ती कर ज्योति चे हथियार कसती गिहा।

रोमियां 13:12 ပူးပေါင်းရင်းမြစ်များ

रोमियां 13:14

बल्कि ईशु मसीह चे सुभाव नु धारण करती गिहा, ते शरीरा चीया इच्छा नु पुरीया करने मां ही ना लाग़ले रिहा।

1 कुरिन्थियां 10:11

वांचे उपर बितलीया आलीया ये घटना नमुना हुता जको अम्चे वास्ते चितावनी चे रूपा मां लिखलीया गेलीया कांकि अम्ही ओ युगा मां छिऊं, जको अन्त चे गोढु छै।

1 कुरिन्थियां 7:29

हे माये भऊ, मैं ईं किहे पला कि समय कम छै। ऐवास्ते हमा कनु वे जको परनीले आले छी इसड़े रिहो मनती गिहो अणपरनीले छी।

2 कुरिन्थियां 10:4

कांकि अम्ची लड़ाई चे हथियार संसारिक कोनी, पर अन्धकार ची शक्‍ति नु ढाती नाखणे वास्ते नरीकारा ची सामर्थ छै।

2 कुरिन्थियां 6:7

सच्‍चाई चे वचन लारे, नरीकारा ची सामर्थ लारे, धार्मिकता चे हथियारा लारे जको सज़्ज़े ते खब़्ब़े हाथा मां छी,

इफिसियां 4:22

कि तम्ही पेहले चाल-चलन चे पुराणे सुभाव नु जको भरमाणे आली लालसा चे अनुसार भ्रष्ट हुता जाये, उतारती नाखा।

इफिसियां 5:11

अन्धकार चे कामा मां वांचा भईवाल ना हो बल्कि वानु चिताती ङिया।

इफिसियां 5:8

कांकि पेहले तम्ही अन्धारे मां हुती पर हमा प्रभु मां आणे चे बाद तम्ही ज्योति मां आती गेली, ज्योति ची ऊलाद्धी आलीकर चला।

इब्रानियां 10:25

ते अम्ही अराधना सभा मां लगातार भेले हुवणे मां सुस्त ना हुती जऊं जिंवे कई हुती वी चुकले हेके ङुजे नु शाबास करते रिहा ते ऐ बारे मां होर वी ज्यादा गोढु हुती जावा, जिंवे कि तम्ही ङेखा ही पले, ओ ङिओ गोढु आता जाये।

इब्रानियां 12:1

ये वजह कनु जबकि ग़वाहा ची इसड़ी बङी भीड़ अम्हानु घेरले आले छै, तां आवा, हर हेक रोकणे आली चीज ते उलझाणे आले पापा नु दूर करती कर, वा द्रोड़ जिसे मां अम्हानु द्रोड़ने छै, धीरज लारे उग़ते बधते जऊं,

याकूब 1:21

ऐवास्ते, सारी मलिनता ते बैरभाव ची बढ़ोतरी नु दूर करती कर, ओ वचना नु नरमाई लारे ग्रहण करती गिहा, जको दिला मां राहला गेला ते जको तम्ची जानी चा उद्धार कर सग़े।

याकूब 5:8

तम्ही वी तसल्‍ली राखा, ते आपणे मना नु मजबूत करा, कांकि नरीकारा चे आणे ची घड़ी गोढु छै।

1 पतरस 2:1

ऐवास्ते हर-तरहा चा बैरभाव ते छल ते कप्पट ते डाह ते बदनामी नु दूर करती कर,

1 पतरस 4:7

सारीया बाता चा अन्त तुरन्त हुवणे आला छै। ऐवास्ते काबु हुती कर प्राथना वास्ते चौकस रिहा।

2 पतरस 3:11

जबकि ये सारीया चीजा, यूं करती पिघलणे आलीया छी तां तम्हानु पवित्र चाल-चलन ते भग़ती मां आच्छे हुवणे चाही छै।

2 पतरस 3:9

प्रभु आपणे वायदे चे बारे मां देर ना करी जिसड़ी देर कोच्छ लौक समझे पर तम्चे बारे मां तसल्‍ली करे, ते ना चाहवी कि कुई नाश हो बल्कि ईं कि सब नु मन फिरावणे चा मौका मिलो।

1 यूहन्‍ना 2:18

हे जवानु, हा आखरी समय छै, ते जिसड़े तम्ही सुणले कि मसीह चा विरोधी आणे आला छै, ओचे अनुसार हमा वी ब़ोहत सारे मसीह-विरोधी उठती खड़े हुले छी, ऐचे कनु अम्ही जाणु कि हा आखरी समय छै।

प्रकाशितवाक्य 1:3

धन्‍न छी वे लौक जको ये भविष्यवाणी चे वचना नु पढ़े, ते वे जको सुणे ते ऐचे मां लिखलीया आलीया बाता नु मने, कांकि समय गोढु छै।

प्रकाशितवाक्य 22:10

बल्ति ओणे मनु केहले, “ये किताबे ची भविष्यवाणी चा बाता बन्द ना कर, कांकि समय गोढु छै।