रोमियां 13:11 - ओङ राजपूत

¹¹ ते समय नु पिछाणती कर इसड़े ही करा, ऐवास्ते कि हमा तम्चे वास्ते नीङे कनु सुज़ाक हुवणे ची घड़ी आती पुज़ली, कांकि जिसे बेले अम्ही विश्‍वास करला हुता, ओ समय चे हिसाबा लारे अम्चा उद्धार गोढु छै।

रोमियां 13:11 ပူးပေါင်းရင်းမြစ်များ

मत्ती 16:3

ते सवेले किहा, ‘आज़ अन्धारी आवी, कांकि आसमान लाल ते धुंधला छै।’ तम्ही आसमाना चे लक्षण ङेखती कर ओचा भेद बावड़ सग़ा, पर समय चे चैन्हा चा भेद कां ना बावड़ सग़ा?

लूका 21:28

जिसे बेले ये बाता हुं लाग़े, ते सिधे हुती कर आपणे ठोङ उपर चती कर ङेखजा, कांकि तम्चा छुटकारा गोढु हुवी।”

1 कुरिन्थियां 10:11

वांचे उपर बितलीया आलीया ये घटना नमुना हुता जको अम्चे वास्ते चितावनी चे रूपा मां लिखलीया गेलीया कांकि अम्ही ओ युगा मां छिऊं, जको अन्त चे गोढु छै।

1 कुरिन्थियां 15:34

खबरदार हुती जावा, पाप करने छोड़ती ङिया। ईं मैं तम्हानु कायल करने वास्ते ही किहे पला कांकि तम्चे महु कोच्छ तां नरीकारा नु जाणी ना।

इफिसियां 5:14

कांकि जको ज्योति छै वा सारा नु सोज़ले ङिये, ऐवास्ते ईं केहले गेले, “हे नूहले आले जाग़, ते मुड़दा महु जीता हुती ऊठ, ते मसीह ची ज्योति तम्चे उपर चमकी।”

याकूब 5:8

तम्ही वी तसल्‍ली राखा, ते आपणे मना नु मजबूत करा, कांकि नरीकारा चे आणे ची घड़ी गोढु छै।

1 पतरस 4:7

सारीया बाता चा अन्त तुरन्त हुवणे आला छै। ऐवास्ते काबु हुती कर प्राथना वास्ते चौकस रिहा।

2 पतरस 3:11

जबकि ये सारीया चीजा, यूं करती पिघलणे आलीया छी तां तम्हानु पवित्र चाल-चलन ते भग़ती मां आच्छे हुवणे चाही छै।

2 पतरस 3:9

प्रभु आपणे वायदे चे बारे मां देर ना करी जिसड़ी देर कोच्छ लौक समझे पर तम्चे बारे मां तसल्‍ली करे, ते ना चाहवी कि कुई नाश हो बल्कि ईं कि सब नु मन फिरावणे चा मौका मिलो।

1 यूहन्‍ना 2:18

हे जवानु, हा आखरी समय छै, ते जिसड़े तम्ही सुणले कि मसीह चा विरोधी आणे आला छै, ओचे अनुसार हमा वी ब़ोहत सारे मसीह-विरोधी उठती खड़े हुले छी, ऐचे कनु अम्ही जाणु कि हा आखरी समय छै।

प्रकाशितवाक्य 1:3

धन्‍न छी वे लौक जको ये भविष्यवाणी चे वचना नु पढ़े, ते वे जको सुणे ते ऐचे मां लिखलीया आलीया बाता नु मने, कांकि समय गोढु छै।

प्रकाशितवाक्य 22:10

बल्ति ओणे मनु केहले, “ये किताबे ची भविष्यवाणी चा बाता बन्द ना कर, कांकि समय गोढु छै।

प्रकाशितवाक्य 22:12

ईशु ने केहले, “ङेखा, मैं ब़ोहत जल्दी आणे आला छै, ते हर-हेक नु ओचे कामा चे अनुसार बदला ङेणे चे वास्ते प्रतिफल माये कनु छै।

प्रकाशितवाक्य 22:20

ईशु जको यां बाता ची ग़वाही ङिये, ओ हा किहे, “हव्वे! मैं ब़ोहत ही जल्दी आणे आला छै।” आमीन। हे प्रभु ईशु आ!