रोमियां 13:1 - ओङ राजपूत

¹ हर-हेक इन्सान अधिकारीया चे अधीन रिहो, कांकि कुई अधिकार इसड़े कोनी, जको नरीकारा ची ओर कनु ना हो, ते जको अधिकार छी, वे नरीकारा चे ठहराले आले छी।

रोमियां 13:1 ပူးပေါင်းရင်းမြစ်များ

मत्ती 6:13

ते अम्हानु परीक्षा मां ना आण, पर बुराई कनु बचा, कांकि राज़ ते पराक्रम ते महिमा सदा दुधे ही छी।’ आमीन।

यूहन्‍ना 19:11

ईशु ने पिलातुस नु केहले, “अगर उपरु अधिकार ना ङिला जईया तां दुधा माये उपर कुई अधिकार ना हुवीया। ऐवास्ते जेह्णे मनु दुधे हाथे पकड़वाले, ओणे ब़ोहत ज्यादा पाप करला।”

प्रेरितां चे काम 2:41

ऐवास्ते जेह्णे पतरस चे वचना नु स्वीकार करले ते बपतिस्मा गेहला, ते ओही ङिओ लगभग तीन हजार बन्दी वांचे मां शामिल हुती गेली।

रोमियां 12:21

बुराई कनु ना हारा, पर भलाई लारे बुराई नु जीतती गिहा।

रोमियां 13:2

ऐवास्ते जको कुई अधिकारा चा विरोध करे, ओ नरीकारा ची आज्ञा चा विरोध करे, ते विरोध करने आले ङण्ड भोग़े।

इफिसियां 5:21

ते मसीह चा कद्दर करते समय हेके ङुजे चे अधीन रिहा।

1 तीमुथियुस 2:2

राजा ते हाकिमा चे वास्ते प्राथना करा, ताकि अम्ही चैन ते शान्ति समेत पुरी भग़ती ते गहराई चे लारे जी सग़ु।

तीतुस 3:1

लौका नु याद ङिवा, कि हाकिमा ते अधिकारीया चे अधीन रिहा, ते वांची आज्ञा मनो, ते हर हेक आच्छे कामा वास्ते तियार रिहो।

यहूदा 1:8

ठीक यूंही कोच्छ लौक तम्चे मां घिरती आले ते वे गन्दे खाब पुरे करने वास्ते आपणे शरीरा नु अशुद्ध करी, ते प्रभु ची सामर्थ नु तोच्छ जाणी, ते ऊंचे ओहदे आला नु बुरे-भले किही।

प्रकाशितवाक्य 1:5

ते ईशु मसीह चे तरफु जको भरोसेमन्द ग़वाही ते मरले आला महु जीता हुवणे आला महु पलेठी चा ते धरती चे राजा चा हाकिम छै तम्हानु अनुग्रह ते शान्ति मिलती रिहो। ओ अम्चे लारे प्रेम राखे ते ओणे आपणे लुहींया लारे अम्हानु पापा कनु छुड़ाले छै।

प्रकाशितवाक्य 17:14

वे मैमणे लारे योद्ध करे, ते मैमणे वांचे कनु जीतती जई, कांकि ओ प्रभुआं चा प्रभु ते राजा चा राजा छै, ते जको हकारले गेले, ते चुणले आले, ते विश्‍वासी छी ओ ओचे लारे छै, वे वी जीतती जाये।”

प्रकाशितवाक्य 19:16

ते ओचे ओढ़णा उपर ते ओची सतले उपर ईं नां लिखले आले छै कि, राजा चा राजा ते प्रभुआं चा प्रभु।