रोमियां 12:8 - ओङ राजपूत

⁸ जानु होंसला ब़न्धावणे चा वरदान मिड़ला, ओ होंसला ब़न्धाता रिहो, ते दान ङेणे आला खुले मना लारे दान करो, जको अगुवाई करे, ओ लगन लारे करो, जको दया करे, ओ खुशी लारे करो।

रोमियां 12:8 ပူးပေါင်းရင်းမြစ်များ

मत्ती 25:40

“तब राजा वानु उत्तर ङी, ‘मैं तम्हानु सच्‍च किहे पला कि तम्ही जको माये यां छोटे कनु छोटे भावां महु कुई हेके लारे करले, ऊं माये ही लारे करले।’

प्रेरितां चे काम 11:23

ओ ओठे पुज़ती कर, ते नरीकारा चे अनुग्रह नु ङेखती कर मगन हुला, ते सब नु उपदेश ङिला कि तन मन लाती कर प्रभु लारे मन लाली रिहा।

प्रेरितां चे काम 13:12

बल्ति हाकिम ने जको कोच्छ हुले हुते, ङेखती कर ते प्रभु चे उपदेश कनु हैरान हुती कर विश्‍वास करला।

प्रेरितां चे काम 13:15

व्यवस्था ते भविष्यवक्‍ता चा किताबा महु पढ़ने चे बाद प्राथनाघरा चे सरदारा ने वानु केहले, “हे माये भऊ, अगर लौका वास्ते तम्चे कनु उपदेश ङेणे वास्ते कुई वचन छी तां तम्ही सुणावा।”

प्रेरितां चे काम 15:32

यहूदा ते सीलास जको खौद्द वे आप ही भविष्यवक्‍ता हुते, घणीया बाता लारे भावां नु उपदेश सुणाती ते हिम्मत ब़न्धवाली।

प्रेरितां चे काम 20:2

बल्ति पौलुस ओ सारे प्रदेसा मां हुती कर नेरा चैला नु मिलती कर वांची हिम्मत ब़न्धवाली, ते यूनान देशा मां जती पुज़ला।

प्रेरितां चे काम 20:28

ऐवास्ते आपणी ते पुरे झुन्डा ची ङेख-रेख करा, जाये मां पवित्र आत्मा ने तम्हानु नु मुखिया ठहराले कि तम्ही नरीकारा ची कलीसिया ची रखवाली करा, ओणे तम्हानु आपणे पूता चे लुहींया लारे मोल गेहती गेले।

प्रेरितां चे काम 4:36

ओठे यूसुफ नांवा चा हेक शक्स हुता जको साइप्रस मां पैदा हुला हुता ते लेवी गोत्र चा हुता। प्रेरित ओनु बरनबास (जाया मतलब “शान्ति ङेणे आला”)केहते।

रोमियां 12:13

नरीकारा चे लौका नु जको कोच्छ जरुरी हो, ओचे मां वांची सहायता करा। मेहमाना ची सेवा करने मां लाग़ले रिहा।

रोमियां 13:6

ऐवास्ते लगान वी ङिया, कांकि शासन करने आले नरीकारा चे सेवक छी, ते सदा ऐह कामा मां लाग़ले रिही।

1 कुरिन्थियां 12:28

कलीसिया मां नरीकारा ने हर हेके नु अलग़-अलग़ पद्दवी ङिली, पेहले प्रेरितां नु, ङुजे भविष्यवक्‍ता, नु तीजे शिक्षका नु, ते ऐचे बाद सामर्थ चे काम करने आले, बल्ति चंगाई करने आले, ते भलाई करने आले, अगुवाई करने आले, ते नेरी भाषा ब़ोलणे आला ची भरपूरी ङिली।

1 कुरिन्थियां 14:3

पर वे जको भविष्यवाणी करे, लौका ची आत्मिक बढोतरी शाबासी ते सब्रा नु उग़ते बधावे।

2 कुरिन्थियां 1:12

कांकि अम्ही आपणे विवेक ची, ये ग़वाही उपर घमण्ड करु, कि दुनिया मां ते खास करती तम्चे बीच मां, अम्चा व्यवहार नरीकारा चे जरिये ङिली गेली पवित्रता ते सच्‍चाई सहित रेहला, जको संसारिक ज्ञान चा कोनी, पर हेको नरीकारा चे अनुग्रह चा नतीजा हुता।

2 कुरिन्थियां 11:3

पर मैं ङरे कि जिंवे नाग़ा ने आपणी चलाकी लारे हवा नु भरमाती ङिले, कङी इसड़े ना हो कि तम्चे मन मसीह चे प्रति पवित्रता ते भग़ती कनु भटकती ना जाओ।

2 कुरिन्थियां 8:12

कांकि अगर मना ची तियारी हो, तां दान ओचे अनुसार ग्रहण वी हुवे, जको ओचे कनु छै, ना कि ओचे अनुसार जको ओचे कनु कोनी।

2 कुरिन्थियां 9:11

तम्ही हर बाते मां हर-तरहा ची उदारता चे वास्ते जको अम्चे जरिये नरीकारा चा धन्यवाद करवावे, धनवान करले जावा।

2 कुरिन्थियां 9:13

तम्ची ये सेवा नु सबूत मनती कर वे नरीकारा ची महिमा करे, कांकि तम्ही मसीह चे सुसमाचार ची आज्ञा मनते हुले स्वीकार करले ते तम्ही नरीकारा चे लौका वास्ते ते सब ची सहायता करने मां उदारता ङिखाणली।

2 कुरिन्थियां 9:7

हर हेक जन जिसड़े मना मां सोचे उसड़ा ही दान करो, ते ना ही काये दब़ाव मां, कांकि नरीकार खुशी लारे ङेणा आला लारे प्रेम राखे।

इफिसियां 6:5

हे सेवक, तम्चे जको मालिक छी, आपणे सच्‍चे मना लारे कद्दर ते आज्ञा मनते हुले, जिंवे मसीह ची आज्ञा मना यूंही वांची आज्ञा वी मना।

कुलुस्सियां 3:22

हे सेवक, जको शरीरा चे अनुसार तम्चे मालिक छी, सारीया बाता मां वांची आज्ञा चा पालन करा, तम्ही बन्दा नु खौश करने आला चे समान ङिखाणने वास्ते ना, पर मना ची खराई ते नरीकारा चे ङरा कनु।

1 थिस्सलुनीकियां 2:3

कांकि अम्चा उपदेश तम्हानु समझाणे ची कोशिस करे पला, ना कि गुमराह करे ते ना अशुद्ध मना लारे, ते ना छल कप्पट लारे।

1 थिस्सलुनीकियां 2:8

ते यूंही अम्ही तम्ची लालसा करते हुले, ना कि नरीकारा चा सुसमाचार, पर आपणी-आपणी जान वी ङेणे नु तियार हुते, ऐवास्ते कि तम्ही अम्चे प्यारे हुती गेलते।

1 तीमुथियुस 4:13

जब तक मैं ना आवे, तब तक पवित्र वचन पढ़ती कर सुणावणे मां ते उपदेश ते सिखावणे मां लाग़ला रिहो।

1 तीमुथियुस 5:17

जको अग़ुवे आच्छा प्रबन्ध करते हो, खास करती वे जको वचन सुणावणे ते सिखावणे मां मेहनत करी, ङोन गुणा कद्दर चे लायक समझले जाओ।

1 तीमुथियुस 6:18

ते भलाई करो, ते भले कामा मां धनी बणो, ते उधार ते सहायता ङेणे मां हमेशा तियार रिहो।

इब्रानियां 10:25

ते अम्ही अराधना सभा मां लगातार भेले हुवणे मां सुस्त ना हुती जऊं जिंवे कई हुती वी चुकले हेके ङुजे नु शाबास करते रिहा ते ऐ बारे मां होर वी ज्यादा गोढु हुती जावा, जिंवे कि तम्ही ङेखा ही पले, ओ ङिओ गोढु आता जाये।

इब्रानियां 13:17

आपणे अग़ुवा ची आज्ञापालन करा, वांचे अधीन रिहा, वे तम्ची आत्मा चे पाहरेदार छी, वानु तम्चे बारे मां हिसाब ङेणा, वांचे वास्ते ईं काम खुशी चा विषय बणला रिहो। अगर हेक कष्ट भरला बोझ बणा, तां ईं तम्चे वास्ते फायदेमन्द नी हुवी।

इब्रानियां 13:22

हे माये भऊ, मैं तम्चे कनु बिनती करे पला कि ऐ हिम्मत चे उपदेश चीया बाता नु मनती गिहा, कांकि मैं तम्हानु ईं ब़ोहत थोड़े शब्दा मां लिखले छै।

इब्रानियां 13:24

तम्चे सारे अग़ुवा ते सारे नरीकारा चे लौका नु माया नमस्कार केहजा, इटली वासीया चा तम्हानु नमस्कार।

इब्रानियां 13:7

जको तम्चे अग़ुवे हुते, ते जेह्णे तम्हानु नरीकारा चा वचन सुणाला हुता, वानु याद राखा ते ध्यानारीत वांचे चाल-चलन चा अन्त ङेखती कर वांचे विश्‍वास चा अनुसरण करा।