रोमियां 12:6 - ओङ राजपूत

⁶ ते जबकि ओ अनुग्रह चे अनुसार जको अम्हानु ङिला गेला, अम्हानु अलग़-अलग़ वरदान मिड़ले, तां जानु भविष्यवाणी चा वरदान मिड़ला आला हो, ओ विश्‍वासा चे अनुसार भविष्यवाणी करो।

रोमियां 12:6 ပူးပေါင်းရင်းမြစ်များ

मत्ती 23:34

ऐवास्ते ङेखा, मैं तम्चे गोढु भविष्यवक्‍ता ते ब़ुध्दिमान ते शास्त्रीया नु भेज़े पला, ते तम्ही वांचे महु कईयां नु मारती नाखा ते क्रूसा उपर चढ़ावा, ते कईयां नु प्राथनाघरा मां कोड़े मारा ते हेक शहरा कनु ङुजे शहरा मां दुरकाणते फिरा।

मत्ती 25:22

“ते जानु ङोन घड़े मिड़ले हुते, ओणे वी आती कर केहले, ‘हे मालिक, तु मनु तां ङोन घड़े सोंपले हुते, ङेख, मैं ङोन घड़े नेरे कमाले।’

लूका 11:49

ऐवास्ते नरीकारा ची ब़ुध्दि ने वी केहले, ‘मैं वांचे गोढु भविष्यवक्‍ता ते प्रेरितां नु भेज़ी, ते वे वांचे महु कईयां नु मारती नाखे, ते कईयां नु सतावे।’

प्रेरितां चे काम 13:1

अन्ताकिया शहरा ची कलीसिया मां कई भविष्यवक्‍ता ते उपदेशक हुते, बरनबास, ते शमौन जाये ङुजे नां नीगर हुते, ते लूकियुस कुरेनी, ते मनाहेम जको चौथाई देश चे राजा हेरोदेस चा मित्र हुता, ते शाऊल।

प्रेरितां चे काम 15:32

यहूदा ते सीलास जको खौद्द वे आप ही भविष्यवक्‍ता हुते, घणीया बाता लारे भावां नु उपदेश सुणाती ते हिम्मत ब़न्धवाली।

प्रेरितां चे काम 2:17

“ ‘नरीकारा ने केहले कि आखरी ङिहां मां इसड़े हुवी कि मैं आपणी आत्मा सारे इन्साना उपर उतारती ङिही। बल्ति तम्चे पूत ते तम्चीया छुवेरीया भविष्यवाणी करे, ते तम्चे जवान दर्शन ङेखे ते तम्चे बुजर्ग खाब ङेखे।

प्रेरितां चे काम 21:9

ओचीया चार कुंवारीया धूवा हुतीया, जको भविष्यवाणीया करतीया।

रोमियां 1:11

मैं तम्चे लारे मिलणे ची इच्छा राखे, कि मैं तम्हानु कुई आत्मिक वरदान ङिये, जाये कनु तम्ही मजबूत हुती जावा,

रोमियां 12:3

कांकि मैं ओ अनुग्रह चे वजह जको मनु मिड़ला, तम्चे महु हर-हेक नु किहे पला, कि जिसड़े समझणे चाही छै, ओचे कनु बढ़ती कर आपणे-आप नु ना समझो, पर जिसड़े नरीकारा ने हर-हेक नु काबलीयत चे अनुसार बांटती ङिले, उसड़े ही ओचे अनुसार आपणे-आप नु समझणे चाही छै।

1 कुरिन्थियां 12:18

पर सच्‍चमां नरीकारा ने अंगा नु आपणी इच्छा चे अनुसार हेक-हेक करती शरीरा मां राखले।

1 कुरिन्थियां 13:2

ते अगर मैं भविष्यवाणी कर सग़े, ते सारे भेद ते सब तरह चे ज्ञान नु समझे, ते माया विश्‍वास इसड़ा मजबूत हो कि माये वचना लारे पहाड़ आपणी जग़हा कनु हटती जाओ, पर प्रेम ना राखे, तां मैं कोच्छ वी कोनी।

1 कुरिन्थियां 14:1

ऐवास्ते प्रेम चा सुभाव राखते हुले, आत्मिक वरदाना ची धोन्‍न मां रिहा, खास करती भविष्यवाणी चे वरदाना ची।

1 कुरिन्थियां 14:24

पर अगर सारे भविष्यवाणी करु लाग़ो, ते कुई अविश्‍वासी जा ब़ाहरले लौक भीतर आती जाओ, तां वा सुणती कर ओनु आपणे पापी हुवणे चे बारे मां एहसास हुती जई, ओ आपणे विवेक नु टटोली।

1 कुरिन्थियां 14:29

भविष्यवक्‍ता महु ङोन जा तीन ब़ोलो, ते बाकि लौक वांचे वचना नु परखो।

1 कुरिन्थियां 3:5

अपुल्‍लोस कूण छै? ते पौलुस कूण छै? सेर्फ सेवक, जाये जरिये तम्हा लौका ने विश्‍वास करला, हर-हेक ने प्रभु चे जरिये सोंपली गेली जिम्मेवारी नु निभाले।

1 कुरिन्थियां 7:7

मैं ईं चाहवें कि जिसड़ा मैं छै उसड़े ही सारी इन्साने हो पर हर-हेक नु नरीकारा चे तरफु खास वरदान मिड़ले आले छी कानु कुई तरह चा ते कानु कुई तरह चा।

2 कुरिन्थियां 8:12

कांकि अगर मना ची तियारी हो, तां दान ओचे अनुसार ग्रहण वी हुवे, जको ओचे कनु छै, ना कि ओचे अनुसार जको ओचे कनु कोनी।

इफिसियां 3:5

पेहले ओ भेद लौका नु कोनी बावड़ला गेला ते हमा पवित्र आत्मा लारे भविष्यवक्‍ता ते प्रेरितां नु बावड़ला गेला।

इफिसियां 4:11

ओणे कईयां नु प्रेरित, ते कईयां नु भविष्यवक्‍ता, ते कईयां नु सुसमाचार प्रचारक, ते कईयां नु रखवाले, ते कईयां नु विश्‍वास करने आला चे उपदेशक हुवणे चा वरदान ङिला।

फिलिप्पियां 3:15

सो अम्चे महु जितने आत्मिकता ची समझ मां मजबूत हुती चुकले, हाओ विचार राखो, ते अगर कुई बाते मां तम्चे आपस मां विचार ना मिलते हो तां नरीकार ओ वी तम्चे उपर उजागर करती ङी।

1 थिस्सलुनीकियां 5:20

भविष्यवाणीया नु तोच्छ ना समझा।

2 पतरस 1:20

पर सबकनु बङी बात हा छै कि तम्ही जाणती गिहा कि पवित्रशास्त्र ची कुई वी भविष्यवाणी बन्दे चे आपणे विचारा लारे ना हुवी।