रोमियां 12:5 - ओङ राजपूत

⁵ यूहीं अम्ही जको ब़ोहत सारे छिऊं, मसीह मां हेक शरीर हुती कर आपस मां हेके ङुजे चे अंग छिऊं।

रोमियां 12:5 ပူးပေါင်းရင်းမြစ်များ

यूहन्‍ना 17:11

मैं उग़ते संसारा मां नी रिही, पर ये संसारा मां रिहे, ते मैं दुधे गोढु आवे पला। हे पवित्र ब़ा, आपणे ओ नांवा ची ताकत लारे जको तु मनु ङिले, वांची रक्षा कर, कि वे अम्चे आलीकर हेक हुती जाओ।

रोमियां 12:4

कांकि जिंवे अम्ची हेक देह मां ब़ोहत सारे अंग छी, ते सब अंगा चे हेक जिसड़े काम कोनी,

1 कुरिन्थियां 10:17

ऐवास्ते, कि हेक ही रोटी छै तां अम्ही वी जको घणे छिऊं, हेक शरीर छिऊं, कांकि अम्ही सारे वे हेक रोटी मां भईवाल छिऊं।

1 कुरिन्थियां 10:33

ठीक जिंवे मैं वी सब बाता मां सब नु खौश राखे ते मैं आपणे भले ची ना। पर ङुजा चे भले चा ध्यान राखे कि वे उद्धार गे सग़ो।

1 कुरिन्थियां 12:20

पर हमा अंग तां ब़ोहत से छी, पर शरीर हेक ही छै।

1 कुरिन्थियां 6:15

का तम्ही ना जाणा कि तम्चे सब शरीर मसीह चे अंग छी? तां का मैं मसीह चे अंगा नु वेश्या चे अंग बणावे? कङी वी ना।

इफिसियां 1:23

कलीसिया मसीह चे शरीर छै ते ओची भरपूरी छै जको सब मां मसीह खौद्द सब कोच्छ पूरा करे।

इफिसियां 4:12

ओणे इसड़े करले कि नरीकारा चे पवित्र लौक सेवा करने चे लायक बणो ताकि मसीह ची देह जको कलीसिया छै विनु मजबूत करो।

इफिसियां 4:25

ऐवास्ते कूड़ मारणे छोड़ती ङिया ते पड़ोसीया लारे सच्‍च ब़ोला कांकि अम्ही हेके शरीरा चे अंग छिऊं।

इफिसियां 5:23

कांकि मोणस, घराआली चा ठोङ छै, यूंही ही मसीह कलीसिया चा ठोङ छै, जको खौद्द ची देह ते कलीसिया चा उद्धारकर्ता छै।

इफिसियां 5:30

ऐवास्ते अम्ही ओचे शरीरा चे अंग छिऊं।

कुलुस्सियां 1:24

हमा मैं वां ङुखा चे वजह खुशी मनावे, जको तम्चे वास्ते चवे, मसीह ची देह रूपी कलीसिया चे क्लेश मां हमेशा भईवाल हुता रिहे।

कुलुस्सियां 2:19

ते वे शिरोमणी नु पकड़ती ना रिही जाये लारे सारी देह जोड़ ते मांसपेसिया चे लारे हेक लारे ग़ठती, नरीकारा ची तरफा कनु बढ़ती जाये।