रोमियां 12:16 - ओङ राजपूत

¹⁶ आपस मां हेक जिसड़े मन राखा, घमण्डी ना हुवा, पर दीन-ङुखिया लारे मेल-मिलाप राखा, ते आपणी नजरी मां आपणे-आप नु ब़ुध्दिमान ना समझा।

रोमियां 12:16 ပူးပေါင်းရင်းမြစ်များ

मत्ती 11:5

कि अन्धे ङेखी ते लंगड़े टुरी-फिरी, ते कोहड़ी शोद्ध करले जई, ते बेहरे सुणी, ते मुड़दे जीते करले जई ते कंगाला नु सुसमाचार सुणाला जाये।

मत्ती 26:11

कंगाल तां तम्चे लारे सदा रिही, पर मैं तम्चे लारे सदा नी रिही।

लूका 14:13

पर जब तु भोज़ करी, तां कंगाल, टुन्डे, लंगड़े, ते अन्धा नु हकार।

लूका 6:20

तब ओणे आपणे चैला ची तरफ ङेखती कर केहले, “धन्‍न छिवा तम्ही जको दीन छिवा, कांकि नरीकारा चा राज़ तम्चा छै।

प्रेरितां चे काम 4:32

ते विश्‍वास करने आली कलीसिया हेक चेत्त ते हेक मन चीया हुतीया इठे तक कि कुई वी आपणी जायजात आपणी ना केहते, पर सब कोच्छ साझे चे हुते।

रोमियां 11:20

हा सच्‍च बात छै, कि वे तां अविश्‍वास चे वजह भांलीया गेलीया, पर तु विश्‍वासा मां बणला रिही। ऐवास्ते घमण्डी ना हो, पर भय राख।

रोमियां 11:25

हे माये भऊ, कङी इसड़े ना हो, कि तम्ही आपणे नु ब़ुध्दिमान समझती गिहा, ऐवास्ते मैं ना चाहवी कि तम्ही ऐ भेद कनु अणजाण रिहा, कि जब तक नेरीया जातिया पुरी तरह मसीह मां आती ना जई, तब तक इस्राएल चा हेक हेंस्सा इसड़ा ही कठोर रिही।

रोमियां 12:3

कांकि मैं ओ अनुग्रह चे वजह जको मनु मिड़ला, तम्चे महु हर-हेक नु किहे पला, कि जिसड़े समझणे चाही छै, ओचे कनु बढ़ती कर आपणे-आप नु ना समझो, पर जिसड़े नरीकारा ने हर-हेक नु काबलीयत चे अनुसार बांटती ङिले, उसड़े ही ओचे अनुसार आपणे-आप नु समझणे चाही छै।

रोमियां 15:5

ते सब्र, ते हिम्मत चा दाता नरीकार तम्हानु हा वरदान ङियो, कि मसीह ईशु चे अनुसार आपस मां हेक मन रिहा,

रोमियां 6:2

कङी वी कोनी। अम्ही जब पापा वास्ते मरती गेले तां बल्ति आग़ु कनु ओचे मां किवें जीवन बिताऊं?

1 कुरिन्थियां 1:10

हे माई ब़ेहणी ते भऊ, आपणे प्रभु ईशु मसीह चे नांवा मां माई तम्चे कनु बिनती छै कि तम्ची आपस मां हेक बात हो ते तम्चे मां फूट ना हो, पर हेक मन ते हेक ही मत्त हुती कर मिड़ले रिहा।

1 कुरिन्थियां 3:18

कुई आपणे आप नु धोक्‍का ना ङियो। अगर तम्चे महु कुई ऐ संसारा मां आपणे आप नु ज्ञानी समझे, तां मूर्ख बणो कि ज्ञानी हुती जाओ।

1 कुरिन्थियां 4:10

अम्ही मसीह वास्ते बेवकूफ ङिसु, ताकि तम्ही मसीह मां ब़ुध्दिमान बणा, अम्ही कमजोर छियुं पर तम्ही ताकतवार छिवा। तम्हानु कद्दर मिले, पर अम्ची बेकदरी हुती जाये।

1 कुरिन्थियां 6:5

मैं तम्हानु कायल करने वास्ते ईं किहे पला। का सच्‍चमां तम्चे महु हेक वी दिमाकदार कोनी जको आपणे भावां चा न्यां कर सग़ो?

1 कुरिन्थियां 8:2

अगर कुई ईं समझे कि, “मैं कोच्छ जाणे,” तां वास्तव मां ओ हमा तक उसड़े जाण ही ना सग़ला जिसड़े जाणने ओचे वास्ते जरुरी छै।

2 कुरिन्थियां 13:11

हमा, हे माये भऊ, तम्ही खौश रिहा। सेद्ध बणते जावा, तसल्‍ली राखा, हेक मन राखा, मेल-मिलाप लारे रिहा, ते प्रेम ते शान्ति चा दाता नरीकार तम्चे लारे रिही।

फिलिप्पियां 1:27

तम्चा चाल-चलन ईशु मसीह चे सुसमाचार चे लायक हो, चाहे मैं आवे चाहे ना आवे, तम्चे बारे मां ईं सुणे कि तम्ही हेक ही पवित्र आत्मा मां मजबूत छिवा, हेक ही मन हुती कर सुसमाचार चे विश्‍वास चे वास्ते मेहनत करते रिहा।

फिलिप्पियां 3:16

पर याद राखा कि ऐवास्ते जिसी सच्‍चाई तक अम्ही पुज़ले, ओचे अनुसार दस्तुरा लारे चलु।

फिलिप्पियां 4:2

मैं यहूदिया ते संतुखे कनु बिनती करे पला के तम्ही प्रभु मां हेक समान विचार बणाली राखा।

इब्रानियां 13:5

आपणे जीवन नु धन चे लालच कनु दूर राखा, ते जको तम्चे गोढु छै, ओचे उपर संतुष्टी करा, कांकि नरीकारा ने आप केहले, “मैं तनु कङी ना छोड़ी, ते ना कङी तनु त्याग़ी।”

1 पतरस 3:8

ऐचा मतलब हा छै कि तम्ही सारे चे सारे हेक मन हुती कर, दयालु, ते भाईचारे ची प्रीति राखणे आले, ते दयावन्त ते नर्म बणा।

1 पतरस 5:3

जको लौक तम्हानु सोंपले गेले वांचे उपर अधिकार ना जतावा बल्कि वांचे वास्ते नमुना बणा।

3 यूहन्‍ना 1:9

मैं कलीसिया नु कहीं लिखले हुते, पर दियुत्रिफेस जको वांचे मां बङा बणना चाहवे, अम्ची ना मनी।