रोमियां 12:13 - ओङ राजपूत

¹³ नरीकारा चे लौका नु जको कोच्छ जरुरी हो, ओचे मां वांची सहायता करा। मेहमाना ची सेवा करने मां लाग़ले रिहा।

रोमियां 12:13 ပူးပေါင်းရင်းမြစ်များ

मत्ती 25:35

कांकि मैं भुक्‍का हुता, ते तम्ही मनु खाणे वास्ते ङिले। मैं तरसेला आला हुता, ते तम्ही मनु पाणी पिलाले। मैं प्रदेसी हुता, तम्ही मनु आपणे घरे रोकले।

प्रेरितां चे काम 10:4

ओणे ओनु ध्यानारीत ङेखले ते ङरती कर केहले, “हे प्रभु, का छै?” ओणे ओनु केहले, “दुधी प्राथना सुणीती गेली ते दुधे दान नरीकारा चे सामणे याद करले गेले।

प्रेरितां चे काम 4:35

ते जिसड़ी जाई जरुरत हुती, ओचे अनुसार हर-हेक नु बांटती ङिते।

रोमियां 12:8

जानु होंसला ब़न्धावणे चा वरदान मिड़ला, ओ होंसला ब़न्धाता रिहो, ते दान ङेणे आला खुले मना लारे दान करो, जको अगुवाई करे, ओ लगन लारे करो, जको दया करे, ओ खुशी लारे करो।

1 कुरिन्थियां 16:15

हे माये भऊ, तम्ही स्तिफनास चे घराणे नु जाणा कि ओ अखाया प्रदेस चा पेहला फल छै, ते नरीकारा चे लौका ची सेवा वास्ते तियार रिहे।

2 कुरिन्थियां 9:1

हमा वे सेवा चे बारे जको यहूदी प्रदेस मां नरीकारा चे लौका वास्ते करली जाये, मनु तम्चे वास्ते लिखणे जरुरी कोनी।

2 कुरिन्थियां 9:12

कांकि ऐ दान ची सेवा नु पुरे करने लारे, ना सेर्फ नरीकारा चे लौका चा कमीया पुरीया हुवी, पर लौका ची ओर कनु नरीकारा चा ब़ोहत धन्यवाद हुवे।

गलातियां 6:10

ऐवास्ते जिठे तक मौका मिले अम्ही सारा लारे भलाई करु इठे तक कि खास करती आपणे विश्‍वास करने आला भावां लारे।

1 तीमुथियुस 3:2

ऐवास्ते जरुरी छै कि मुखिया निर्दोष, ते हेकी ही घराआली चा मोणस, संयम राखणे आला, समझदार, इज्जत करने आला, मेहमानी करने आला, ते सिखावणे मां आच्छा हो।

1 तीमुथियुस 5:10

ते भले कामा मां सरनाम रेहली हो, जेह्णे ब़ाला चा पालन पोसण करला हो, मेहमाना ची सेवा करली हो, प्रभु चे पवित्र लौका चे पग़्ग़ धोले हो, ङुखीया ची सहायता करली हो, ते हर हेक भले कामा मां मन लाले हो।

तीतुस 1:8

पर मेहमानी करने आला, भलाई नु चाहणे आला, संयमी, न्यांयी, पवित्र ते आपणे शरीरा चे अंगा नु बसा मां करने आला हो।

तीतुस 3:14

ते अम्चे लौक वी जरुरता नु पुरीया करने वास्ते पुरे मना लारे आच्छे कामा मां लाग़ले रेहणे सिखो ताकि निक्‍कमे ना रिहो।

फिलेमोन 1:7

कांकि हे माये भऊ, मनु दुधे प्रेम लारे बङा आनन्द ते शान्ति मिड़ली, ऐवास्ते कि दुधे जरिये नरीकारा चे पवित्र लौका चे देल हरे भरे हुती गेले।

इब्रानियां 13:16

भलाई करने ते चीजा चा आपस मां मिलती कर बाटणे ना छोड़ा कांकि ये इसड़े बलिदान छै, जको नरीकारा नु खौश करे।

इब्रानियां 13:2

अतिथि-सत्कार करने ना भूलजा, कांकि इसड़े करने लारे कोच्छ लौका ने अणजाणे मां स्वर्ग़दूता चा अतिथि-सत्कार करला।

इब्रानियां 6:10

नरीकार अन्यायी कोनी, कांकि तम्चे काम ते ओ प्रेम नु भूलती ना जई, जको तम्ही ओचे नांवा वास्ते ओचे लौका ची सेवा करली ते करा वी पले।

1 पतरस 4:9

बिना बुड़कले हेके ङुजे ची मेहमानी ते कद्दर करा।

1 यूहन्‍ना 3:17

पर जाये कनु संसारा ची धन दौलत हो ते ऊं आपणा भावां ते ब़ेहणीया ची जरुरत नु ङेखती कर, वांचे उपर तरस खाणे ना चाहो, ते ओचे मां नरीकारा चा प्रेम किवें बणला रेह सग़ी?

3 यूहन्‍ना 1:5

हे माये प्यारे, जको कोच्छ तु विश्‍वास करने आला भावां चे वास्ते करी, जको प्रदेसी छी, ओनु विश्‍वास चे रूपा मां करी।