रोमियां 12:10 - ओङ राजपूत

¹⁰ भाईचारे चे प्रेम लारे हेके-ङुजे उपर दया करो, आपस मां हेके-ङुजे नु आदर चे लारे आपणे आप कनु ज्यादा समान ङिया।

रोमियां 12:10 ပူးပေါင်းရင်းမြစ်များ

मत्ती 20:26

पर तम्चे मां इसड़े नी हुवी। पर जको कुई तम्चे मां बङे हुवणे चाहवे, ओ तम्चा सेवक बणो।

लूका 14:10

पर जिसे बेले तु हकरीला जई, तां सबकनु तड़ली जग़हा मां जती ब़ेस जब ओ जेह्णे तनु छेड़ा ङिला आवी, तां तनु किहो, ‘हे सज़्ज़ण, उग़ते हुती ब़ेस,’ तब दुधे लारे ब़ेसणे आला चे सामणे दुधी बढ़ाई हुवी।

यूहन्‍ना 15:17

मैं तम्हानु हा आदेश ङिये पला कि तम्ही हेके ङुजे लारे प्रेम राखा।

यूहन्‍ना 17:21

हे ब़ा मैं प्राथना करे पला कि वे सब हेक हो, जिंवे तु माये मां छी ते मैं दुधे मां छै। यूंही वे वी अम्चे मां हो जाये कनु संसार विश्‍वास करो कि तु ही मनु भेज़ले।

प्रेरितां चे काम 4:32

ते विश्‍वास करने आली कलीसिया हेक चेत्त ते हेक मन चीया हुतीया इठे तक कि कुई वी आपणी जायजात आपणी ना केहते, पर सब कोच्छ साझे चे हुते।

रोमियां 13:7

ऐवास्ते जाई कोच्छ उधार छै ओनु चुकाती ङे, जानु लगान चाही छै, ओनु लगान ङिया, जानु चुंगी ङेणी चाही छै, ओनु चुंगी ङिया, जाये कनु ङरणे चाही छै, ओचे कनु ङरा, जाया आदर करना चाही छै, ओचा आदर करा।

गलातियां 5:13

हे माये भऊ, तम्ही आजाद हुवणे वास्ते हकारले गेले छिवा, पर इसड़े ना कि ये आजादी नु शरीरा चे कामा चे वास्ते मौका बणावा, बल्कि प्रेमा लारे हेके ङुजे चे दास बणा।

गलातियां 5:22

पर आत्मा चा फल प्रेम, आनन्द, शान्ति, धीरज, कृपा, भलाई, विश्‍वास चे लायक,

गलातियां 5:6

मसीह ईशु मां ना खतना ते ना बिना खतना कुई कामा चा छै, पर सेर्फ विश्‍वास, जको प्रेम चे जरिये असर नाखे।

फिलिप्पियां 2:3

आपणे स्वार्थ जा कूड़ी बढ़ाई वास्ते कहीं ना करा, पर नरमाई लारे हेके ङुजे नु आपणे कनु आच्छे समझा।

कुलुस्सियां 1:4

कांकि अम्ही सुणले छै कि मसीह ईशु उपर तम्चा विश्‍वास छै, ते सब पवित्र लौका लारे तम्ही प्रेम राखा वी।

1 थिस्सलुनीकियां 4:9

पर भाईचारे चे भरोसे चे बारे मां ईं जरुरी कोनी, कि मैं तम्चे सनु कहीं लिखे, कांकि आपस मां प्रेम राखणे तम्ही आप ही नरीकारा कनु सिखले।

2 थिस्सलुनीकियां 1:3

हे माये भऊ, तम्चे बारे मां अम्हानु हर समय नरीकारा चा धन्यवाद करना चाही छै, ते ईं ठीक वी छै, ऐवास्ते कि तम्चा विश्‍वास घणा बढ़ता जाये पला, ते तम्चा सब प्रेम आपस मां घणा ही बढ़ता जाये पला।

इब्रानियां 13:1

विश्‍वासी भावां आलीकर हेके ङुजे लारे प्रेम राखा।

1 पतरस 1:22

हमा ङेखा, जिसे बेले तम्ही सच्‍चाई चा पालन करते हुले, सच्‍चे भाईचारे चे प्रीति नु उजागर करने चे वास्ते आपणी आत्मा नु पवित्र करते गेले ते पवित्र मना लारे हेके ङुजे लारे प्रेम राखा।

1 पतरस 2:17

सारा चा कद्दर करा, विश्‍वासी भावां चे लारे प्रेम राखा, नरीकारा चा आदरभाव करते रिहा, राजे चा कद्दर करा।

1 पतरस 5:5

यूं करती हे जवान, तम्ही वी अग़ुवा चे अधीन रिहा, बल्कि तम्ही सब चे सब हेके ङुजे ची सेवा चे वास्ते नरमाई लारे कमर कसली रिहा, कांकि, “नरीकार घमण्डीया चा विरोध करे, पर दीन-दयाला उपर अनुग्रह करे।”

2 पतरस 1:7

ते भग़ती उपर भाईचारा, ते भाईचारे चे प्रेम मां बधते जावा।

1 यूहन्‍ना 4:11

हे प्यारे, जिसे बेले नरीकारा ने अम्चे लारे इसड़ा प्रेम करला, ते अम्हानु वी आपस मां इसड़ा प्रेम राखणा चाही छै।

1 यूहन्‍ना 4:20

अगर कुई किहे, “मैं नरीकारा लारे प्रेम राखे,” ते आपणे ब़ेहण भावां लारे बैर राखे, तां ऊं कूड़े छै। कांकि जको आपणे ब़ेहण भावां लारे, जानु ओणे ङेखले, प्रेम ना राखी, तां ऊं नरीकारा लारे वी जानु ओणे कोनी ङेखले, प्रेम ना राख सग़ी।