रोमियां 11:7 - ओङ राजपूत

⁷ बल्ति नतीजा का हुला? हा कि इस्राएली जाई खोज मां छी, ओ वानु कोनी मिड़ला। पर चुणला आला नु मिड़ला, ते बाकि लौक कठोर करले गेले छै।

रोमियां 11:7 ပူးပေါင်းရင်းမြစ်များ

मरकुस 6:52

कांकि वांचे मन कठोर हुती गेलते, ऐवास्ते वे रोटीया चे आश्‍चर्य कर्म चे बारे मां कोनी समझले हुते।

लूका 13:24

“सकड़े दरवाजे कनु जाणे वास्ते जत्तन करा, कांकि मैं तम्हानु किहे पला कि ब़ोहत से भीतर जाणा चाहवे, ते नी जा सग़े।

यूहन्‍ना 12:40

“ओणे वांची आंखी अन्धीया ते वांचे मन कठोर करती ङिले, कङी इसड़े ना हो कि वे आंखीया लारे ङेखो, ते मन लारे समझो, ते माये सनु फिरो ते मैं वानु चंगा करे।”

रोमियां 10:3

कांकि वे नरीकारा ची धार्मिकता लारे अणजाण हुती कर, आपणी धार्मिकता स्थापित करने चा जत्तन करती कर, नरीकारा ची धार्मिकता चे अधीन कोनी हुले।

रोमियां 11:25

हे माये भऊ, कङी इसड़े ना हो, कि तम्ही आपणे नु ब़ुध्दिमान समझती गिहा, ऐवास्ते मैं ना चाहवी कि तम्ही ऐ भेद कनु अणजाण रिहा, कि जब तक नेरीया जातिया पुरी तरह मसीह मां आती ना जई, तब तक इस्राएल चा हेक हेंस्सा इसड़ा ही कठोर रिही।

रोमियां 11:5

यूं करती ऐ समय वी अनुग्रह चे वजह चुणले आले छी कोच्छ लौक बाकि छी।

रोमियां 3:9

ते बल्ति का हुले? का अम्ही वांचे कनु आच्छे छिऊं? कङी वी ना, कांकि अम्ही यहूदिया ते यूनानिया उपर ईं बावड़ती चुकले कि वे सारे चे सारे पाप चे वशा मां छी।

रोमियां 6:15

तां का हुले? का अम्ही ऐवास्ते पाप करु कि अम्ही व्यवस्था चे अधीन कोनी बल्कि अनुग्रह चे अधीन छिऊं? बेलकोल कोनी!

रोमियां 9:18

ते बल्ति, नरीकार जाये उपर चाहे, ओचे उपर दया करे, ते जानु चाहवे, ओनु कठोर करती नाखे।

रोमियां 9:23

जाये कनु जको दया चे ठां छै जानु ओणे आपणी महिमा वास्ते पेहले कनु तियार करले हुते, वांचे उपर आपणी महिमा चे धन्‍न नु प्रकट करो?

1 कुरिन्थियां 10:19

का छै माये केहणे चा मतलब? का मूर्ति नु चढ़ाली आली चीजे कुई महत्व छै जा वे मूर्ति चा कुई महत्व छै?

2 कुरिन्थियां 3:14

पर इस्राएली लौका चे मन मसतोरे हुती गेलते, आज़ तक पुराणे नियम चे पढ़ते बेले वांचे मना उपर ओही पड़दा पला रिहे, पर ओ मसीह मां ही चवीज सग़े।

2 कुरिन्थियां 4:4

ते वा अविश्‍वासीया चे वास्ते, जाई ब़ुध्दि नु ऐ संसारा चे ईश्‍वर ने यानिकि शैताना ने अन्धी करती नाखली, ताकि मसीह जको नरीकारा चा प्रतिरुप छै, कि ओचे तेजोमय सुसमाचार चे सोज़ले वांचे उपर ना चमको।

इफिसियां 1:4

जिंवे नरीकारा ने अम्हानु संसारा ची उत्पत्ति कनु पेहले ओचे महु चुणती गेहले कि अम्ही ओचे गोढु, प्रेम मां पवित्र ते निर्दोष हुं,

इफिसियां 4:18

जको बेकार ची बाता करी वांचे दिमाका उपर अन्धकार छै वांचे मूर्खता ते मना ची कठोरता चे वजह वे नरीकारा कनु मिलणे आले जीवन कनु दूर छी।

फिलिप्पियां 1:18

पर ऐचे लारे कुई फर्क ना पड़ी, जरुरी तां ईं छै कि चाहे बहाने लारे चाहे सच्‍चाई लारे प्रचार तां मसीह चा ही हुवे, ऐकनु मनु आनन्द मिले ते मिलता ही रिही।

इब्रानियां 12:17

तम्हानु पता ही छै कि ओचे बाद जब ओणे वा आशीष दुबारा गेहणी चाह्‍ली, ओनु नालायक समझले गेले। बल्ति ओणे हींजवे बाहती कर वे आशीष नु गेहणे चाह्‍ले, पर पश्‍चयाताप करने चा मौका नी मिड़ला।

1 पतरस 1:2

ते नरीकार ब़ा चे भविष्य ज्ञान चे अनुसार, पवित्र आत्मा चे पवित्र करने चे जरिये आज्ञा मनणे ते ईशु मसीह चे लुहींया चे छिड़कले जाणे चे वास्ते चुणले गेले। तम्हानु अनुग्रह ते शान्ति ब़ोहत मिलती रिहो।