रोमियां 11:20 - ओङ राजपूत

²⁰ हा सच्‍च बात छै, कि वे तां अविश्‍वास चे वजह भांलीया गेलीया, पर तु विश्‍वासा मां बणला रिही। ऐवास्ते घमण्डी ना हो, पर भय राख।

रोमियां 11:20 ပူးပေါင်းရင်းမြစ်များ

लूका 18:14

“मैं तम्हानु किहे पला कि ओ ङुजा कोनी, पर ऊंही इन्सान धर्मी ठहराले गेलते आपणे घरे गेले, कांकि जको कुई आपणे आप नु बङे बणावी, ऊं छोटे करले जई, ते जको आपणे आप नु छोटे बणावी, ऊं बङे करले जई।”

प्रेरितां चे काम 18:6

जिसे बेले वाणे ओचा विरोध करला ते ओची निन्दा करली, ते पौलुस ने आपणी ओढ़णी झाड़ती कर वानु केहले कि, “तम्चे लुहीं तम्चे ही ठोङा उपर ही हो! मैं तां निर्दोष छै। हमा मैं नेरीया जातिया चे गोढु जई।”

रोमियां 11:18

तां लड़ीया उपर घमण्ड ना करियो। ते अगर तु घमण्ड करी, ते जाणती गे कि तु ज़हड़ नु ना, पर ज़हड़ तनु सम्भालती गिहे।

रोमियां 11:21

कांकि जिसे बेले नरीकारा ने मूल लड़ीया नु कोनी छोड़ले, ते तनु वी नी छोड़ी।

रोमियां 12:16

आपस मां हेक जिसड़े मन राखा, घमण्डी ना हुवा, पर दीन-ङुखिया लारे मेल-मिलाप राखा, ते आपणी नजरी मां आपणे-आप नु ब़ुध्दिमान ना समझा।

रोमियां 12:3

कांकि मैं ओ अनुग्रह चे वजह जको मनु मिड़ला, तम्चे महु हर-हेक नु किहे पला, कि जिसड़े समझणे चाही छै, ओचे कनु बढ़ती कर आपणे-आप नु ना समझो, पर जिसड़े नरीकारा ने हर-हेक नु काबलीयत चे अनुसार बांटती ङिले, उसड़े ही ओचे अनुसार आपणे-आप नु समझणे चाही छै।

रोमियां 3:3

अगर कोच्छ वांचे महु विश्‍वासयोग ना निकड़ले तां का हुले? का वांचे विश्‍वासयोग ना हुवणे लारे नरीकारा ची विश्‍वासयोगता खत्तम हुती जई? कङी वी ना।

1 कुरिन्थियां 10:12

ऐवास्ते ऊं जको ईं समझे कि, “मैं विश्‍वास मां मजबूत छै,” चौकस रिहो कि किठी विश्‍वास कनु भटकती ना जाओ।

1 कुरिन्थियां 15:1

हे माये भऊ, मैं तम्हानु ओही सुसमाचार बावड़े पला जको पेहले सुणाती चुकला जको तम्ही मनती वी चुकले हुते, ते जाये मां तम्ही मजबूत वी छिवा।

1 कुरिन्थियां 16:13

जाग़ते रिहा, विश्‍वासा मां मजबूत रिहा, बेधड़क बणा, ताकतवार बणा।

2 कुरिन्थियां 1:24

ऐचा मतलब हा कोनी कि अम्ही तम्चे विश्‍वास उपर आपणा अधिकार जताऊं, कांकि तम्ही आपणे विश्‍वास मां मजबूत भिले। अम्ही तां तम्ची ही खुशी वास्ते तम्चे सहायक छिऊं।

2 कुरिन्थियां 10:5

ऐवास्ते अम्ही विचारा नु, ते हर हेक ऊंची बाते नु, जको नरीकारा ची पिछाण चे विरोध मां उठे, ढाती नाखु, ते हर हेक भावना नु कैद करती कर मसीह चा आज्ञाकारी बणाती ङिऊं।

फिलिप्पियां 2:12

ऐवास्ते हे प्यारे, तम्ही जिंवे माई आज्ञा चा पालन करते जिसे बेले मैं तम्चे लारे हुता हमा जबकि मैं तम्चे लारे कोनी, तां हमा तम्ही होर ज्यादा लगन लारे वांचा पालन करा। नरीकारा चे प्रति आज्ञाकारी ते पुरे कद्दर-भाव लारे आपणे उद्धार नु पूरा करने वास्ते तम्ही काम करते जावा।

कुलुस्सियां 2:7

ते ओचे मां ज़हड़ पकड़ती कर बढ़ते जावा जिंवे तम्ही सिखाले गेले यूंही विश्‍वास मां मजबूत हुते जावा, ते घणा धन्यवाद करते रिहा।

2 थिस्सलुनीकियां 2:4

जको विरोध करे, ते हर हेक कनु जको ईश्‍वर जा पूजनीये किहवावे, आपणे आप नु बङे ठहरावे, इठे तक कि ओ नरीकारा चे मन्दरा मां ब़ेसती कर आपणे आप नु ईश्‍वर ठहरावे।

1 तीमुथियुस 6:17

ऐ संसारा चे धनवाना नु हा आज्ञा ङे, कि वे अंहकारी ना हो ते चंचल धन उपर आस ना राखो, पर नरीकारा उपर आस राखो जको अम्चे सुखा चे वास्ते सारे कोच्छ ब़ोहत ज्यादा ङिये।

इब्रानियां 3:12

हे माये भऊ, चौकस रिहा, कि तम्चे मां इसड़े बुरे ते अविश्‍वासी मन ना हो जको जीते नरीकारा कनु दूर हुती जाये।

इब्रानियां 3:19

तां अम्ही ङेखु कि वे अविश्‍वास ची वजह वांचे जाणे ना हो सग़ले।

इब्रानियां 4:11

ऐवास्ते अम्ही ओ विश्राम मां जाणे वास्ते पूरा जत्तन करु, कि कुई जन वांचे आलीकर आज्ञा ना मनणे उपर वंचित रेहती जाओ।

इब्रानियां 4:6

ऐवास्ते कि कईयां वास्ते हा प्रवेश, हमा वी खुला ब़ुलावा छै। पर जानु ऐचे पेहले सुसमाचार सुणाला तां गेला वे आपणी अनाज्ञाकारिता ची वजह कनु प्रवेश ना कर सग़ले।

याकूब 2:19

तनु विश्‍वास छै कि हेक ही नरीकार छै। तु आच्छे करी। दुष्टात्मा वी विश्‍वास राखी, ते कांपतीया रिही।

याकूब 4:6

ओ तां नेरा वी अनुग्रह ङिये, ये वजह पवित्रशास्त्र मां लिखले पले, “नरीकार घमण्डीया चा विरोध करे, पर दीन-दयाला उपर अनुग्रह करे।”

1 पतरस 1:17

ते जिसे बेले तम्ही, “हे ब़ा,” केहती कर प्राथना करा, जको बिना पक्षपात हर हेके चे कामा चे अनुसार न्यां करी, ऐवास्ते ये दुनिया मां प्रदेसी हुवणे चा समय नरीकारा चा आदर करते हुले जीवन बितावा।

1 पतरस 5:12

मैं सिलवानुस चे हाथे, जानु मैं विश्‍वासयोग भऊ समझे, साफ-साफ लिखती कर तम्हानु समझाले, ते हा ग़वाही ङिली छै कि नरीकारा चा सच्‍चा अनुग्रह हाओ छै। ऐचे मां मजबूत रिहा।

1 पतरस 5:9

विश्‍वासा मां मजबूत हुती कर ओचा सामना करा, कांकि तम्ही ईं जाणा तम्चे भऊ संसारा मां छी यूंही ङोख सीही पले।

प्रकाशितवाक्य 18:7

जितनी ओणे आपणी बढ़ाई करली ते सोख-भोगला, उतना ही दर्द विनु, ते ङोख ङिया, कांकि वा आपणे मना मां किहे, ‘मैं राणी हुती गेली, बांढी कोनी, ते ङुखा मां कङी वी नी पड़ी।’

प्रकाशितवाक्य 3:17

तु जको किही ‘मैं, धन्‍नी छै, ते धनवान हुती गेला, ते मनु कुई चीजी ची कमी कोनी।’ ते ईं ना जाणी कि बेकिस्मता ते तोच्छ ते कंगाल ते अन्धा ते उघाड़ा छी।