रोमियां 1:9 - ओङ राजपूत

⁹ नरीकार, जाई सेवा मैं आपणी आत्मा लारे ओचे पूता चे सुसमाचार चे बारे मां करे, ओही माया ग़वाह छै कि, मैं किवें आपणी प्राथना मां लगातार तम्हानु याद करता रिहे।

रोमियां 1:9 ပူးပေါင်းရင်းမြစ်များ

मरकुस 1:1

नरीकारा चा पूत ईशु मसीह चे सुसमाचारा ची शुरुआत,

लूका 18:1

बल्ति ईशु ने ऐचे बारे मां केहले कि हमेशा प्राथना करनी ते हिम्मत नी छोड़नी चाही छै, वानु हा मिसाल ङिली,

प्रेरितां चे काम 12:5

कैदखाने मां पतरस ची रखवाली हुवे पलते, पर कलीसिया ओचे वास्ते हेक मन लाती कर नरीकारा कनु प्राथना करे पलती।

प्रेरितां चे काम 19:21

जिसे बेले ये बाता हुती चुकलीया, ते पौलुस ने आत्मा मां ईं ठानले कि मकिदुनिया ते अखाया कनु हुती कर यरुशलेम सनु जाये, ते केहले, “ओठे जाणे चे बाद मनु रोम नु वी ङेखणे जरुरी छै।”

प्रेरितां चे काम 24:14

“पर हा मैं दुधे सामणे मनती गिहे कि, मैं आपणे पुरखा चे नरीकारा ची अराधना आपणे ईशु चे पंथ चे अनुसार करे, जानु ये गलत किही। मैं हर हेक वे बाते मां विश्‍वास राखे जको व्यवस्था बावड़े ते जको भविष्यवक्‍ता चा किताबा मां लिखले पले।

प्रेरितां चे काम 27:23

कांकि नरीकार जाया मैं छै, ते ओची सेवा करे, ओचे स्वर्ग़दूता ने आज़ राती नु माये गोढु आती कर केहले कि,

प्रेरितां चे काम 3:26

नरीकारा ने आपणे पूत ईशु नु मरला आला महु जीते करती कर सारा कनु पेहले तम्चे गोढु भेज़ले, कि तम्चे महु हर हेक नु तम्चे गन्दे कामा कनु हटाती कर आशीष ङियो।”

रोमियां 9:1

मैं मसीह मां सच्‍च किहे, कूड़ ना मारी, ते माया विवेक वी पवित्र आत्मा मां ग़वाही ङिये,

2 कुरिन्थियां 1:23

नरीकार माया ग़वाह छै कि मैं हमा तक दुबारा कुरिन्थुस मां कोनी आला, कांकि मैं तम्हानु ङोख ङेणा ना चाहवें ला।

2 कुरिन्थियां 11:31

अम्चे प्रभु ईशु मसीह ब़ा नरीकार जको हमेशा तक धन्‍न छै, आप खौद्द ग़वाह छै कि मैं कूड़ कोनी मारे पला।

गलातियां 1:20

जको बाता मैं तम्हानु लिखे पला, ङेखा, नरीकारा नु ग़वाह मनती कर किहे पला कि वे कूड़ीया कोनी।

इफिसियां 6:18

ते हर हेक समय ते हर तरह प्राथना ते बिनती लारे पवित्र आत्मा मां हर बेले प्राथना करते रिहा, हा ध्यान राखती कर होशियार रिहा, कि कोशिस करा सारे पवित्र लौका वास्ते प्राथना करले करा।

फिलिप्पियां 1:3

मैं जब-जब तम्हानु याद करे, तब-तब आपणे नरीकारा चा धन्यवाद करे।

फिलिप्पियां 1:4

ते जिसे बेले कङी तम्चे सब वास्ते विनती करे, तां सदा खुशी लारे विनती करता रिहे।

फिलिप्पियां 2:22

तम्ही तीमुथियुस चे चरित्र नु जाणा कि सुसमाचार चे प्रचार मां माये लारे ओणे यूंही सेवा करली, जिंवे हेक पूत आपणे ब़ा लारे करे।

फिलिप्पियां 3:3

कांकि सच्‍चे खतने आले तां अम्ही ही छिऊं जको नरीकारा ची आत्मा ची अगुवाई लारे उपासना करु, ते मसीह ईशु उपर गर्व करु, ते शरीरा चे खतने जिसड़ी बाता पर भरोसा ना राखु।

1 थिस्सलुनीकियां 1:2

अम्ही आपणी प्राथना मां तम्हानु याद करु ते सदा तम्चे सारा चे बारे मां नरीकारा चा धन्यवाद करु।

1 थिस्सलुनीकियां 3:10

अम्ही रात-ङिओ ब़ोहत ही प्राथना करते रिहुं, कि तम्चे मुँह बल्ति ङेखु, ते तम्चे विश्‍वास ची कमी पुरी करु।

1 थिस्सलुनीकियां 5:17

लगातार प्राथना मां लाग़ले रिहा।

1 तीमुथियुस 2:7

मैं सच्‍च किहे पला, कूड़ कोनी मारे पला, कि मैं ऐह मकसद लारे प्रचारक ते प्रेरित ते नेरीया जातिया चे वास्ते विश्‍वास ते सच्‍चाई चा उपदेशक ठहराला गेला।

2 तीमुथियुस 1:3

जिसे नरीकारा ची सेवा मैं आपणे ङाङा-ब़ा ची रीति उपर शोद्ध विवेक लारे करे पला, ओचा धन्यवाद हो कि आपणी प्राथना मां तनु लगातार याद करता रिहे।

फिलेमोन 1:4

मैं सदा आपणे नरीकारा चा धन्यवाद करे, ते आपणी प्राथना मां वी तम्हानु याद करे।