रोमियां 1:8 - ओङ राजपूत

⁸ पेहले मैं तम्चे सब चे वास्ते ईशु मसीह चे जरिये आपणे नरीकारा चा धन्यवाद करे पला, कांकि तम्चे विश्‍वास ची चर्चा पुरे संसारा मां हुवे पली।

रोमियां 1:8 ပူးပေါင်းရင်းမြစ်များ

मत्ती 24:14

ते स्वर्ग़ राज़ चा हा सुसमाचार सारे संसारा चीया जातिया मां प्रचार करला जई कि सारीया जातिया उपर ग़वाही हो, तब अन्त आती जई।

लूका 2:1

वा ङिहां मां औगुस्तुस कैसर रोम चा राजे चे तरफु आज्ञा निकड़ली कि सारे रोम राज़ चे सारे देशा चे लौका चे नां लिखले जाओ।

प्रेरितां चे काम 11:28

वांचे महु अगबुस नांवा चे हेके ने खड़े हुते पवित्र आत्मा ची प्रेरणा लारे ईं बावड़ले कि सारे जग़त मां बङा अकाल पड़ी। ते ओ अकाल राजे क्लौदियुस चे समय मां पड़ला हुता।

प्रेरितां चे काम 28:22

पर हमा बावड़ दुधा का विचार छै? वाहो बात अम्ही दुधे कनु सुणने चाहु, कांकि अम्ही जाणु, कि हर जग़हा मसीह पंथ चे विरोध मां सारे लौक बाता करे पले।”

रोमियां 10:18

पर मैं किहे कि, “का वाणे अम्चा प्रचार कोनी सुणले?” सुणले तां सही, कांकि पवित्रशास्त्रा मां लिखले आले छै, “वांचे शब्द सारी धरती चे उपर, ते वांचे वचन संसारा चे कूणे तक पुज़ती गेले।”

रोमियां 16:19

तम्ची आज्ञा मनणे ची चर्चा सारा लौका मां फैलती गेली, ऐवास्ते मैं तम्चे बारे मां खुशी मनावे, पर मैं ईं चाहवे कि तम्ही भलाई चे वास्ते ब़ुध्दिमान पर बुराई चे वास्ते भोले बणले रिहा।

रोमियां 6:17

पर नरीकारा चा धन्यवाद हो कि, तम्ही जको पापा चे दास हुते, हमा आपणे सारे मना लारे ओ उपदेश नु मनणे आले हुती गेले, जको तम्हानु सोंपला गेला हुता।

1 कुरिन्थियां 1:4

मैं तम्चे बारे मां आपणे नरीकारा चा धन्यवाद सदा करे, ऐवास्ते कि नरीकारा चा ओ अनुग्रह तम्चे उपर मसीह ईशु मां हुला।

2 कुरिन्थियां 2:14

पर नरीकारा चा धन्यवाद हो, जको मसीह मां सदा अम्हानु जीत ची खुशी मां गेहली फिरे, ते आपणे ज्ञान ची खुश्बु अम्चे जरिये हर जग़हा मां खिन्डावे।

इफिसियां 1:15

ऐवास्ते, जिसे बेले मैं प्रभु ईशु मां तम्चे विश्‍वास ते सारे पवित्र लौका वास्ते तम्चे प्रेम चे बारे मां सुणले,

इफिसियां 1:16

तम्चे वास्ते धन्यवाद करने ना छोड़ी, ते आपणी प्राथना मां तम्हानु याद करता रिहे।

इफिसियां 3:21

कलीसिया मां ते मसीह ईशु मां ओची महिमा पीढ़ी कनु पीढ़ी तक युगानयुग हुती रिहो। आमीन।

इफिसियां 5:20

ते सदा सारीया बाता चे वास्ते अम्चे प्रभु ईशु मसीह चे नांवा लारे नरीकार ब़ा चा धन्यवाद करते रिहा।

फिलिप्पियां 1:11

धार्मिकता चे आच्छे गोण जको ईशु मसीह कनु मिले ओचे लारे तम्ही भरीले रिहा जाये कनु नरीकारा ची महिमा ते स्तुति हुती रिहो।

फिलिप्पियां 1:3

मैं जब-जब तम्हानु याद करे, तब-तब आपणे नरीकारा चा धन्यवाद करे।

कुलुस्सियां 1:3

अम्ही तम्चे वास्ते नेत्त प्राथना करती कर आपणे प्रभु ईशु मसीह चे ब़ा यानि नरीकारा चा धन्यवाद करु वी।

1 थिस्सलुनीकियां 1:2

अम्ही आपणी प्राथना मां तम्हानु याद करु ते सदा तम्चे सारा चे बारे मां नरीकारा चा धन्यवाद करु।

1 थिस्सलुनीकियां 2:13

ऐवास्ते अम्ही वी नरीकारा चा धन्यवाद लगातार करते रिहुं, कि जब अम्चे जरिये नरीकारा चे सुसमाचार चा वचन तम्चे गोढु पुज़ला, तां तम्ही ओ बन्दे चा ना, पर नरीकारा चा वचन समझती कर ग्रहण करला, ते ओ तम्चे मां जको विश्‍वास राखा, असरदार छै।

2 थिस्सलुनीकियां 1:3

हे माये भऊ, तम्चे बारे मां अम्हानु हर समय नरीकारा चा धन्यवाद करना चाही छै, ते ईं ठीक वी छै, ऐवास्ते कि तम्चा विश्‍वास घणा बढ़ता जाये पला, ते तम्चा सब प्रेम आपस मां घणा ही बढ़ता जाये पला।

2 तीमुथियुस 1:3

जिसे नरीकारा ची सेवा मैं आपणे ङाङा-ब़ा ची रीति उपर शोद्ध विवेक लारे करे पला, ओचा धन्यवाद हो कि आपणी प्राथना मां तनु लगातार याद करता रिहे।

फिलेमोन 1:4

मैं सदा आपणे नरीकारा चा धन्यवाद करे, ते आपणी प्राथना मां वी तम्हानु याद करे।

इब्रानियां 13:15

ऐवास्ते अम्ही ईशु चे जरिये नरीकारा नु लगातार अराधना चे बलिदान भेंट करु यानि वां होठा ची स्तुति, जको ओचे नांवा चे प्रति धन्यवाद प्रकट करी।

1 पतरस 2:5

तम्ही वी आप जीते पत्थरा आलीकर आत्मिक घर बणते जावा पले, जाये कनु याजका चा पवित्र समाज बणती कर, इसड़े आत्मिक बलिदान चढ़ावा, जको ईशु मसीह चे जरिये नरीकारा नु ग्रहण हो।

1 पतरस 4:11

अगर कुई ब़ोलो, तां इसड़े ब़ोलो मना नरीकारा चा वचन छै, अगर कुई सेवा करे, तां वे ताकती लारे करो जको नरीकार ङिये, जाये मां सारीया बाता ईशु मसीह चे जरिये, नरीकारा ची महिमा प्रकट हो। महिमा ते साम्राज्य युगानयुग ओचा छै। आमीन।