रोमियां 1:32 - ओङ राजपूत

³² वे तां नरीकारा ची ये विधि नु जाणी कि इसड़े-इसड़े काम करने आले मौत चे ङण्ड चे लायक छी, पर खौद्द वी करी ते इसड़े काम करने आला चे लारे सहमत वी हुवी।

रोमियां 1:32 ပူးပေါင်းရင်းမြစ်များ

लूका 11:48

तां तम्ही ग़वाह छिवा, ते आपणे ङाङा-ब़ा चे कामा मां सहमत छिवा, कांकि वाणे वानु मारती नाखले ते तम्ही वांचीया कब्रा बणावा।

प्रेरितां चे काम 22:20

जब दुधे ग़वाह स्तिफनुस चे लुहीं बाहले जाये पलते तब मैं वी ओठे भिला हुता, ते ये बाते मां सहमत हुता, ते ओचे मारणे आला चे खेस चादरा ची रखवाली करे भीलता।’

प्रेरितां चे काम 8:1

ओही ङिओ यरुशलेम ची कलीसिया उपर बङा सताव हुं लाग़ती गेला, ते प्रेरितां नु छोड़ती कर सारे चे सारे जणे यहूदिया ते सामरिया देशा मां खिंडती-पुंडती गेले।

रोमियां 1:18

नरीकारा चा गुस्सा तां वा लौका ची सब पाप ते बुराई उपर स्वर्ग़ा कनु प्रकट हुवे, जको सच्‍चाई नु बुराई लारे दब़ाली राखी।

रोमियां 1:21

ऐ वजह कनु कि नरीकारा नु जाणने उपर वी वाणे नरीकारा चे लायक बढ़ाई ते धन्यवाद कोनी करला, पर गलत सोच-विचार करु लाग़ले, इठे तक कि वांचे मूर्ख मन मां अन्धारे हुती गेले।

रोमियां 6:21

ते जिसा बाता लारे हमा तम्ही शर्मिन्दे छिवा, वांचे कनु ओ समय तम्ही का फल पाते? कांकि वांचा अन्त तां मौत छै।

रोमियां 6:23

कांकि पाप ची मजदूरी तां मौत छै, पर नरीकारा चा सेंत मेंत चा वरदान अम्चे प्रभु मसीह ईशु मां अनन्त जीवन छै।

2 थिस्सलुनीकियां 2:12

ते जितनी बन्दी सच्‍चाई उपर भरोसा ना राखी, अधर्म चे कामा कनु खौश हुवी, वे सारे ङण्ड चे भाग़ी हुवे।