रोमियां 1:26 - ओङ राजपूत

²⁶ ऐवास्ते नरीकारा ने वानु नीच कामना चे वशा मां छोड़ती ङिले। इठे तक कि वांचीया असतरीया वी सुभाविक यौन सम्बन्धा नु छोड़ती कर असुभाविक यौन सम्बन्ध करु लाग़लीया।

रोमियां 1:26 ပူးပေါင်းရင်းမြစ်များ

रोमियां 1:24

ऐ वजह कनु नरीकारा ने वानु वांचे मना ची बुरी इच्छा वास्ते सोंपती ङिले कि, वे आपस मां वे हेके ङुजे शरीरा चा अनादर करो।

रोमियां 1:28

ते जिसे बेले वाणे नरीकारा नु सुजाणने ची कीमत ही ना जाणली, ऐवास्ते नरीकारा ने वी वानु वांचे निक्‍कमे मना उपर छोड़ती ङिले, कि अनुचित काम करो।

1 कुरिन्थियां 6:9

का तम्ही ना जाणा, कि अन्यायी लौक नरीकारा चे राज़ चे वारिस नी हुवे? धोक्‍का ना खावा, ना वेश्यागामी, ना मूर्तिपूजक, ना परअसतरी गामी, ना लुच्‍चे, ना पुरुषगामी,

इफिसियां 4:19

वे सोन्‍न हुती कर गन्दे कामा मां लाग़ती गेले, सारे गन्दे काम आपणी मर्जी चे लारे करने वास्ते तियार रिही।

इफिसियां 5:12

कांकि वांचे लुकले आले कामा ची चर्चा करनी वी बेइज्जती चे लायक छै,

1 थिस्सलुनीकियां 4:5

ते ईं काम बुरी नीति लारे ना, ते जिंवे वां नेरीया जातिया आलीकर, जको नरीकारा नु ना जाणी।

1 तीमुथियुस 1:10

व्यभिचार करने आले, पुरुषगमन करने आले, बन्दा नु बेचणे आले, कूड़ मारणे आले, ते कूड़ी कसम खाणे आले, ते याहनु छोड़ती कर खरे उपदेश चे सारे विरोधीया चे वास्ते ठहराली गेली।

यहूदा 1:10

पर ईं लौक जिसीया बाता नु ना जाणी, वानु बुरे-भले किही। पर जिसीया बाता नु बेसमझ ढौरा आलीकर सुभाव कनु ही जाणी वांचे मां आपणे आप नु नाश करी।

यहूदा 1:7

जिंवे करती सदोम ते अमोरा ते वांचे आस-पास चे शहर, जको वांचे आलीकर व्यभिचारी हुती गेलते ते बुराई चे मार्ग़ उपर टुरती पले। वानु कङी ना ब़िझणे आले जाखते मां नाखती ङेणे चा ङण्ड ङिला गेला, वे अम्चे वास्ते मिसाल चे रुप मां ठहराले गेले।