रोमियां 1:20 - ओङ राजपूत

²⁰ जिसे बेले कनु संसारा ची रचना हुली, नरीकारा चे अणङेखले गोण, ते हमेशा ची शक्‍ति, ते नरीकारा चा सुभाव, साफ-साफ ङिसे ते सृष्टि चे जरिये नरीकारा नु जाणले वी जाये। ऐवास्ते लौका कनु कुई बहाना कोनी।

रोमियां 1:20 ပူးပေါင်းရင်းမြစ်များ

मत्ती 5:45

जाये कनु तम्ही आपणे स्वर्ग़ीय ब़ा ची ऊलाद्ध ठहराली जावा कांकि ओ भले ते बुरे ङुंहु उपर सूरज उग़ावे, ते धर्मी ते अधर्मी ङुंहु चे उपर मिंही बरसावे।

मरकुस 10:6

नरीकार ने सृष्टि ची शुरु कनु ही वानु मर्द ते असतरी चे रूपा मां बणाले।

यूहन्‍ना 1:18

नरीकारा नु कङी वी किह्णी कोनी ङेखले, पर हिकड़ाते पूत जको ब़ा ची गोङी मां छै, ते खौद्द नरीकार छै, ओणे नरीकारा नु प्रकट करले।

यूहन्‍ना 15:22

अगर मैं ना आवीया ते वांचे लारे बाता ना करियो, तां वे पापी ना बणी हा। पर हमा वानु वांचे पापा कनु बचणे वास्ते कुई बहाना कोनी।

प्रेरितां चे काम 17:29

“कांकि अम्ही नरीकारा ची ऊलाद्ध छिऊं, ऐवास्ते अम्हानु ईं कङी वी नी सोचणे चाही छै कि, परमात्मा सोने, जा चान्दी, जा पत्थर चे समान छै, जको बन्दे ची कारीगरी ते ओची सोच लारे बणाले गेले हो।

प्रेरितां चे काम 22:1

“हे माये भऊ, ते ङाङे-ब़ा, माया उत्तर सुणा, जको मैं हमा तम्चे सामणे किहे पला।”

रोमियां 1:19

ऐवास्ते नरीकारा चे बारे चा ज्ञान वांचे मना मां प्रकट छै, कांकि खौद्द नरीकारा ने वांचे उपर प्रकट करले।

रोमियां 16:26

पर हमा प्रकट हुती कर सनातन नरीकारा ची आज्ञा लारे भविष्यवक्‍ता चीया किताबा चे जरिये सब जातिया नु बावड़ला गेला कि वे विश्‍वासा लारे आज्ञा मनणे आले हुती जाओ।

रोमियां 2:1

ऐवास्ते हे दोष लावणे आले, तु चाहे कुई वी कां ना हो, तु कुई वी बहाना ना बणा सग़ी, कांकि जिसी बाते मां तु ङुजा उपर दोष लावी, वेही बाते मां आपणे नु वी दोषी बणावी, ऐवास्ते कि जको तु दोष लावी, खौद्द ही ऊंही काम करी।

रोमियां 2:15

वे आपणे कामा लारे व्यवस्था चा बाता आपणे आपणे दिला उपर लिखलीया हुलीया ङिखाणी, ते वांचे विवेक वी ग़वाही ङी, ते वांचे विचार कङी दोष लावे ते कङी वानु बेकसूर ठहरावे।

1 कुरिन्थियां 1:20

किठे रेहला ज्ञानवान? किठे रेहला शास्त्री? किठे रेहला ऐ संसारा चा विवाद करने आला? का नरीकारा चे सामणे संसारा चा सारा ज्ञान मूर्खता कोनी छै?

कुलुस्सियां 1:15

मसीह अणङेखले नरीकारा चा ङेखला आला रुप छै ते सारे संसारा मां पलेठी चा छै।

कुलुस्सियां 2:9

कांकि नरीकार आपणी परिपूर्णता चे लारे हमेशा मसीह ची देह मां रिहे।

1 तीमुथियुस 1:17

हमा सनातन राजा यानिकि अविनाशी, अणङेखले, हेको नरीकारा चा आदर ते महिमा युगानयुग हुती रिहो। आमीन।

1 तीमुथियुस 6:16

ते अमरता हेको नरीकारा ची ही छै, जको घणे चमकदार सोज़ले मां रिही, ओचे सोज़ले गोढु कुई ना जा सग़ी, ते ना ओनु कुई बन्दे ने ङेखले, ते ना कङी ङेख सग़े, ओचा मान-समान ते राज़ युगानयुग हुता रिहो। आमीन।

इब्रानियां 11:27

विश्‍वासा लारे ही ओ राजे चे क्रोधा कनु नी ङरला ते ओणे मिस्र देशा नु छोड़ती ङिले, कांकि ओ अणङेखले नरीकारा नु, मनती गेहले ङेखता हुला मजबूत रेहला।

इब्रानियां 9:14

तां मसीह चे लुहीं, जेह्णे आपणे आप नु अनन्त आत्मा चे जरिये खौद्द नु नरीकारा चे सामणे निर्दोष बलि चे रूपा मां भेंट करती ङिले, जीते नरीकारा ची सेवा वास्ते तम्चे विवेक नु मरले आले कामा कनु शोद्ध किवें नी करी?