रोमियां 1:16 - ओङ राजपूत

¹⁶ मैं सुसमाचार वास्ते शर्मिन्दा कोनी, कांकि हा सुसमाचार नरीकारा ची सामर्थ छै, जको विश्‍वास करने आला वास्ते, पेहले तां यहूदी, बल्ति नेरीया जातिया वास्ते, उद्धार चा मार्ग़ छै।

रोमियां 1:16 ပူးပေါင်းရင်းမြစ်များ

मरकुस 8:38

जको कुई ये व्यभिचार ते पापी जाति चे बीच माये कनु ते माया बाता कनु लज़ावी, मैं इन्साना चा पूत वी जिसे बेले पवित्र स्वर्ग़दूता चे लारे आपणे ब़ा नरीकारा ची महिमा लारे आवी, तब ओकनु वी लज़ावी।”

लूका 9:26

जको कुई माये कनु ते माया बाता कनु लज़ावी, मैं इन्साना चा पूत वी, जिसे बेले आपणी ते आपणे ब़ा नरीकारा ची ते पवित्र स्वर्ग़दूता ची महिमा लारे आवी, तां ओकनु वी लज़ावी।

यूहन्‍ना 7:35

यहूदिया ने आपस मां केहले, “हा किठे जई कि अम्ही ऐनू नी सोध सग़ु? का ओ वाकनु जई जको अम्चे लौक यूनानिया मां खिंडती-पुंडती कर रिही पले, ते यूनानिया नु वी उपदेश ङिही?

प्रेरितां चे काम 3:26

नरीकारा ने आपणे पूत ईशु नु मरला आला महु जीते करती कर सारा कनु पेहले तम्चे गोढु भेज़ले, कि तम्चे महु हर हेक नु तम्चे गन्दे कामा कनु हटाती कर आशीष ङियो।”

रोमियां 10:17

ऐवास्ते विश्‍वास सुणने लारे, ते सुणने मसीह चे वचन लारे हुवे।

रोमियां 15:19

ते चैन्ह ते अदभोत कामा ची सामर्थ लारे, ते पवित्र आत्मा ची सामर्थ लारे माये ही जरिये करले गेले। इठे तक मैं यरुशलेम कनु लाती कर चऊं पासु ते इल्‍लुरिकुम तक मसीह चे सुसमाचार चा पूरा-पूरा प्रचार करला।

रोमियां 15:29

ते मैं जाणे, कि जिसे बेले मैं तम्चे गोढु आवी, तां मसीह ची पुरी आशीष चे लारे आवी।

रोमियां 2:9

ते क्लेश ते मुसीबत हर-हेक इन्साना ची जेन्द उपर जको बुरे करी, आती पड़ी, पेहले यहूदिया उपर बल्ति नेरीया जातिया उपर पड़ी।

रोमियां 4:11

ते ओणे खतने चा चैन्ह पाला, जको विश्‍वास चे जरिये धार्मिकता ची छाप छै, जको ओणे बिना खतने दशा मां गेहली हुती। ऐवास्ते ओ वां सब चा ब़ा ठहरला, जको बिना खतने ची दशा मां विश्‍वास राखी, ताकि वे वी धर्मी ठहरो।

1 कुरिन्थियां 15:2

अगर तम्ही ओ सुसमाचार नु जको मैं तम्हानु सुणाला हुता ओचे मां बणले रिहा तां तम्चा उद्धार हुवी, ना तां तम्चे विश्‍वास करने बेकार छै।

1 कुरिन्थियां 2:2

कांकि मैं मना मां सराती गेलते, कि तम्चे मां ईशु मसीह, बल्कि क्रूसा उपर चढ़ाले हुले मसीह नु छोड़ती नेरी किसी बाते नु ना जाणे।

1 कुरिन्थियां 2:4

ते माये वचन, ते माये प्रचार मां ज्ञान ची लुभावणे आलीया बाता कोनी, पर पवित्र आत्मा ते सामर्थ चा सबूत हुता।

1 कुरिन्थियां 9:12

अगर तम्ची आमदनी महु हेंस्सा गेहणा ङुजा चा अधिकार छै तां का अम्चा अधिकार वांचे कनु बधती कर कोनी? बल्ति वी अम्ही ऐ अधिकारा नु कामा मां कोनी गेले उल्टा अम्ही सब कोच्छ सब्रा लारे सेहते रेहले कि मसीह चे सुसमाचार चे प्रचार मां कुई रुकावट ना हो।

1 कुरिन्थियां 9:18

तब का छै माया फल? हा छै कि सुसमाचार चा प्रचार मुफ्त मां करता रिहे इठे तक कि सुसमाचार मां जको माया अधिकार छै ओनु मैं आच्छी तरह कामा ना गिहे।

2 कुरिन्थियां 2:12

जिसे बेले मैं मसीह चा सुसमाचार सुणावणे वास्ते त्रोआस मां आला, तब प्रभु ने माये वास्ते हेक दरवाजे खोलती ङिले।

2 कुरिन्थियां 4:4

ते वा अविश्‍वासीया चे वास्ते, जाई ब़ुध्दि नु ऐ संसारा चे ईश्‍वर ने यानिकि शैताना ने अन्धी करती नाखली, ताकि मसीह जको नरीकारा चा प्रतिरुप छै, कि ओचे तेजोमय सुसमाचार चे सोज़ले वांचे उपर ना चमको।

2 कुरिन्थियां 9:13

तम्ची ये सेवा नु सबूत मनती कर वे नरीकारा ची महिमा करे, कांकि तम्ही मसीह चे सुसमाचार ची आज्ञा मनते हुले स्वीकार करले ते तम्ही नरीकारा चे लौका वास्ते ते सब ची सहायता करने मां उदारता ङिखाणली।

गलातियां 1:7

पर ओ ङुजा सुसमाचार छै ही कोनी, पर बात हा छै कि कितने इसड़े छी जको तम्हानु भरमाती नाखी, ते ईशु मसीह चे सुसमाचार नु बिगाड़ना चाहवी।

1 थिस्सलुनीकियां 2:13

ऐवास्ते अम्ही वी नरीकारा चा धन्यवाद लगातार करते रिहुं, कि जब अम्चे जरिये नरीकारा चे सुसमाचार चा वचन तम्चे गोढु पुज़ला, तां तम्ही ओ बन्दे चा ना, पर नरीकारा चा वचन समझती कर ग्रहण करला, ते ओ तम्चे मां जको विश्‍वास राखा, असरदार छै।

1 तीमुथियुस 1:11

हा खरा उपदेश, हाओ परमधन्य नरीकारा ची महिमा चे ओ सुसमाचार चे अनुसार, जको मनु सोंपला गेला।

2 तीमुथियुस 1:12

येही वजह मैं ऐ कैदखाने चे ङुखा नु चवे पला, पर शर्म ना करी, कांकि मैं ओनु जाये उपर मैं विश्‍वास करला, जाणे पला, ते मनु पक्‍के छै कि जको मनु सोंपला गेला ओ आखरी ङिओ तक रखवाली करी।

2 तीमुथियुस 1:16

उनेसिफुरुस चे घराणे उपर प्रभु दया करो, कांकि ओणे घणा वारी माये जीया नु ठाडे करले, ते माये संगला कनु शर्मसार कोनी हुला।

2 तीमुथियुस 1:8

ऐवास्ते अम्चे प्रभु ची ग़वाही चे लारे, ते माये कनु जको ओचा मैं कैदी छै, शर्मसार ना हो, पर वे नरीकारा ची ताकत चे अनुसार सुसमाचार चे वास्ते माये लारे ङोख चा।

इब्रानियां 4:12

कांकि नरीकारा चा वचन जीता, प्रबल, ते ङुंहु धारी तलवारी कनु वी तेज छै, जको अम्चे भीतर जती कर अम्ची आत्मा, प्राण नु जोड़ा नु ते गूदे-गूदे नु अलग़ करती कर, आर-पार छैदती ङिये ते मना चे भावना ते विचारा नु जांचे।

1 पतरस 4:16

पर मसीही हुवणे चे वजह कनु ङोख भोग़ो, तां शर्मसार ना हो। पर ऐ बाते चे वास्ते नरीकारा ची महिमा करो।