रोमियां 1:13 - ओङ राजपूत

¹³ ते हे माये भऊ, मैं ना चाहवी कि तम्ही ऐचे कनु अणजाण रिहा कि मैं कई वारी तम्चे गोढु आणे चाह्‍ले कि, जिंवे मनु होर नेरीया जातिया कनु फल मिड़ला, यूहीं तम्चे महु वी मिलो, पर मैं हमा तक मजबूरी मां रुकला रेहला।

रोमियां 1:13 ပူးပေါင်းရင်းမြစ်များ

यूहन्‍ना 12:24

मैं तम्हानु सच्‍च-सच्‍च किहे, कि जब तक कणकी चा ङाणा भोंये मां ढेती कर खत्तम ना हुती जई, ओ हेकला रिहे। पर जिसे बेले खत्तम हुती जाये, ते ब़ोहत फल आणे।

यूहन्‍ना 15:16

“तम्ही मनु कोनी चुणले, पर मैं तम्हानु चुणले ते तम्हानु नियुक्‍त करले कि तम्ही जती कर फल आणा ते तम्चा फल बणला रिहो, कि तम्ही माये नांवा लारे जको कोच्छ ब़ा नरीकारा कनु मांगा, ते ओ तम्हानु ङिही।

यूहन्‍ना 4:36

बाढणे आला मजदूरी गिहे, ते अनन्त जीवन चे वास्ते फल भेले करता रिहे, कि राहवणे आला ते बाढणे आला ङोनी मिलती कर खुशी मनाओ।

प्रेरितां चे काम 1:15

वा ङिहां मां पतरस भावां चे आधी मां जको करीबन हेक साऔ बीस बन्दी भेली हुती भिले रेहती किहुं लाग़ला।

प्रेरितां चे काम 14:27

ओठे पुज़ती कर वाणे कलीसिया नु भेले करले ते वानु बावड़ले कि, “नरीकारा ने अम्चे लारे हुती कर किसड़ी बङी-बङी कामे करली, ते नेरीया जातिया चे वास्ते विश्‍वास चे दरवाजे खोलती नाखले।”

प्रेरितां चे काम 15:12

तब सारी सभा चोप-चाप हुती कर बरनबास ते पौलुस ची सुणु लाग़ली, कि नरीकारा ने वांचे जरिये नेरीया जातिया मां किसड़े-किसड़े बङे चैन्ह, ते अचम्भे ची कामे ङिखाणली।

प्रेरितां चे काम 19:21

जिसे बेले ये बाता हुती चुकलीया, ते पौलुस ने आत्मा मां ईं ठानले कि मकिदुनिया ते अखाया कनु हुती कर यरुशलेम सनु जाये, ते केहले, “ओठे जाणे चे बाद मनु रोम नु वी ङेखणे जरुरी छै।”

प्रेरितां चे काम 21:19

स्वागत चे बाद पौलुस ने हेक-हेक करती कर वे सारीया बाता बावड़नीया शुरु करती ङिलीया, जको काम नरीकारा ने ओची सेवकाई चे जरिये नेरीया जातिया मां करले हुते।

प्रेरितां चे काम 28:14

ओठे अम्हानु कोच्छ विश्‍वासी भऊ मिड़ले, ते वांचे केहणे लारे अम्ही ओठे सात ङिहें रेहले, ऐचे बाद अम्ही रोम सनु टुरती पले।

रोमियां 1:12

कि तम्ही ते मैं आपस मां हेके ङुजे विश्‍वास चे जरिये तसल्‍ली गिहुं।

रोमियां 11:25

हे माये भऊ, कङी इसड़े ना हो, कि तम्ही आपणे नु ब़ुध्दिमान समझती गिहा, ऐवास्ते मैं ना चाहवी कि तम्ही ऐ भेद कनु अणजाण रिहा, कि जब तक नेरीया जातिया पुरी तरह मसीह मां आती ना जई, तब तक इस्राएल चा हेक हेंस्सा इसड़ा ही कठोर रिही।

रोमियां 7:1

हे माये भऊ, का तम्ही ना जाणा, मैं व्यवस्था नु जाणने आला नु किहे पला कि जब तक बन्दे जीते रिहे, तब तक ओचे उपर व्यवस्था चा राज़ रिहे?

1 कुरिन्थियां 1:10

हे माई ब़ेहणी ते भऊ, आपणे प्रभु ईशु मसीह चे नांवा मां माई तम्चे कनु बिनती छै कि तम्ची आपस मां हेक बात हो ते तम्चे मां फूट ना हो, पर हेक मन ते हेक ही मत्त हुती कर मिड़ले रिहा।

1 कुरिन्थियां 10:1

हे माये भऊ, मैं ना चाहवी कि तम्ही ये बाते कनु अणजाण रिहा, कि अम्चे पुरखे बदला ची छईं मां सफर करते रेहले, ते सब चे सब समुन्दरा चे आधे महु पार हुती गेले।

1 कुरिन्थियां 12:1

हे माये भऊ, मैं ना चाहवी कि तम्ही आत्मिक वरदाना चे बारे मां अणजाण रिहा।

1 कुरिन्थियां 14:20

हे माये भऊ, तम्ही समझदारी मां ब़ाले ना बणा। बल्ति वी बुराई मां तां ब़ाले रिहा, पर समझदारी मां सियाणे बणा।

1 कुरिन्थियां 14:26

ऐवास्ते हे माये भऊ, का करने चाही छै? जिसे बेले तम्ही भेले हुवा, हर-हेक चे दिला मां भज़न, जा उपदेश, जा नेरीया भाषा, जा दर्शन, जा नेरीया भाषा चा मतलब बावड़ना रिहे सब कोच्छ आत्मिक बढोतरी वास्ते हुवणे चाही छै।

1 कुरिन्थियां 9:2

भले ही मनु नेरे लौक प्रेरित ना मनो पर तम्चे वास्ते तां छै कांकि तम्ही प्रभु मां माई प्रेरिताई ची मौहर छिवा।

2 कुरिन्थियां 1:8

हे माये भऊ, अम्ही ना चाहु कि तम्ही अम्चे ओ क्लेश कनु अणजाण रिहा, जको एशिया मां अम्चे उपर आती पले, अम्ही इसड़े बोझ मां दब़िती गेले हुते जको अम्चे सेहणे ची ताकत कनु ब़हार हुते, इठे तक कि अम्ही आपणी जीन्दगी कनु वी हाथ धोवणे आले हुते।

2 कुरिन्थियां 2:14

पर नरीकारा चा धन्यवाद हो, जको मसीह मां सदा अम्हानु जीत ची खुशी मां गेहली फिरे, ते आपणे ज्ञान ची खुश्बु अम्चे जरिये हर जग़हा मां खिन्डावे।

गलातियां 3:15

हे माये भऊ ते ब़ेहणी मैं तम्हानु हेक मिसाल ङिये कि जाये बारे मां तम्ही जाणा जिंवे कि अगर बन्दा ची वाचा वी पक्‍का हुती जाओ तां ओनु वी कुई ना टाल सग़ी ना ही घटा बधा सग़ी।

गलातियां 6:18

हे माये भऊ, अम्चे प्रभु ईशु मसीह चा अनुग्रह तम्ची आत्मा चे लारे सदा रिहो। आमीन।

फिलिप्पियां 1:22

अगर शरीरा मां जीते रेहणे ही माये कामा वास्ते फायदेमन्द छै तां मैं ना जाणी कि कानु चुणे।

फिलिप्पियां 4:17

हा बात कोनी कि मैं दान चाहवे, बल्कि तम्चे मां इसड़ी आशीष ङेखणा चाहवे जको दान ङेणे लारे आवे।

कुलुस्सियां 1:10

ताकि तम्चा चाल-चलन प्रभु चे लायक हो, ते ओह सारे प्रकार कनु खौश हो, ते तम्चे हर-प्रकार चे भले कामा चा फल लाग़ो, ते नरीकारा चे ज्ञान मां बढ़ते जावा।

कुलुस्सियां 1:6

हा सुसमाचार पुरे जग़त मां सफल हुवे पला, ते फैलता जाये, जिंवे तम्चे मां ओस समय कनु सफल हुं लाग़ला, जिसे बेले तम्ही नरीकारा ची कृपा चे बारे मां सुणले ते सच्‍चमां तम्ही समझले हुते।

1 थिस्सलुनीकियां 2:18

ऐवास्ते अम्ही हेक वारी नी, बल्कि मैं खौद्द पौलुस ङोन वारी तम्चे गोढु आवणे चाह्‍ले, पर शैतान अम्हानु रोकली रेहला।

1 थिस्सलुनीकियां 4:13

हे माये भऊ ते ब़ेहणीया अम्ही ना चाहु, कि तम्ही वांचे बारे मां जको विश्‍वास करने आला नूहती रिहे, ना समझ रिहा, इसड़े ना हो कि, तम्ही नेरा आलीकर शोक मनावा, जानु उम्मीद कोनी।

2 थिस्सलुनीकियां 2:7

कांकि अधर्म चा भेद हमा वी काम करे, पर हमा हेक रोकणे आला छै, ते जब तक ओ दूर ना हुती जई, ओ रोकली रिही।

2 तीमुथियुस 4:17

पर प्रभु माया सहायक रेहला, ते मनु सामर्थ ङिली, ताकि माये जरिये पूरा प्रचार हो, ते सारीया नेरीया जातिया सुणती गिहा ते मैं तां शेरा चे मुँहा कनु छुड़ाला गेला।