रोमियां 1:11 - ओङ राजपूत

¹¹ मैं तम्चे लारे मिलणे ची इच्छा राखे, कि मैं तम्हानु कुई आत्मिक वरदान ङिये, जाये कनु तम्ही मजबूत हुती जावा,

रोमियां 1:11 ပူးပေါင်းရင်းမြစ်များ

प्रेरितां चे काम 16:5

यूं करती कर कलीसिया विश्‍वास मां मजबूत हुती गेली ते गिणती मां हर ङिओ बढ़ोतरी हुती गेली।

प्रेरितां चे काम 19:21

जिसे बेले ये बाता हुती चुकलीया, ते पौलुस ने आत्मा मां ईं ठानले कि मकिदुनिया ते अखाया कनु हुती कर यरुशलेम सनु जाये, ते केहले, “ओठे जाणे चे बाद मनु रोम नु वी ङेखणे जरुरी छै।”

प्रेरितां चे काम 19:6

ते जिसे बेले पौलुस ने वांचे उपर हाथ मेहले, ते वांचे उपर पवित्र आत्मा उतरती आला, ते वे अलग़-अलग़ भाषा ब़ोलु लाग़ती गेले ते भविष्यवाणीया करु लाग़ले।

रोमियां 1:12

कि तम्ही ते मैं आपस मां हेके ङुजे विश्‍वास चे जरिये तसल्‍ली गिहुं।

रोमियां 15:23

पर हमा यां देशा मां माये काम करने ची जग़हा कोनी रेहली, ते ब़ोहत साला कनु मनु तम्चे गोढु आणे ची इच्छा छै।

रोमियां 15:29

ते मैं जाणे, कि जिसे बेले मैं तम्चे गोढु आवी, तां मसीह ची पुरी आशीष चे लारे आवी।

रोमियां 15:32

तां मैं नरीकारा ची इच्छा लारे तम्चे गोढु खुशी लारे आती कर तम्चे लारे आराम कर सग़े।

रोमियां 16:25

हमा जको तम्हानु माया सुसमाचार यानिकि ईशु मसीह चे सनेसे चे प्रचार चे अनुसार मजबूत कर सग़े, ओ भेद चे प्रकाश चे अनुसार जको सनातन कनु लुकला रेहला,

2 कुरिन्थियां 1:15

ते ऐ भरोसे लारे मैं चाहवें ला, कि पेहले तम्चे गोढु आवे, कि तम्हानु हेक नेरा आशीर्वाद मिलो।

2 कुरिन्थियां 1:21

ओही नरीकार अम्हानु तम्चे लारे मसीह मां मजबूत करे, ते ओणे ही अम्हानु अभिषेक करले।

2 कुरिन्थियां 11:4

कांकि अगर कुई तम्चे गोढु आती कर जिसे ईशु चा सुसमाचार अम्ही तम्हानु सुणाला, ओचे अलावा कुई ङुजे ईशु चा सुसमाचार सुणावे, जा जको आत्मा तम्हानु मिड़ला, ओचे कनु अलग़ कुई नेरी आत्मा नु ग्रहण करा तां तम्ही छुटकारे चे समाचार नु कोनी अपनाले, ओचे कनु अलग़ कुई ङुजे समाचार नु अपनावा तां तम्ही बङी आसानी लारे वानु अपनाती गिहा।

2 कुरिन्थियां 9:14

ते वे तम्चे वास्ते प्राथना करते रिही, ते कांकि तम्चे उपर नरीकारा ची बङी ही दया हुली, तम्ची लालसा करते रिही।

फिलिप्पियां 1:8

“नरीकार माया ग़वाह छै” मैं तम्हानु सच्‍च किहे पला कि मसीह ईशु जिसड़ा प्रेम करती तम्हा सारा वास्ते ललचावें।

फिलिप्पियां 2:26

कांकि ओचे मन तम्चे सारा वास्ते लाग़ले रेहते, ऐवास्ते ओ उदास रेहता कांकि तम्ही ओची बिमारी चा हाल सुणला हुता।

फिलिप्पियां 4:1

ऐवास्ते माये प्यारे भऊ ते ब़ेहणीया, तम्ही जको माई खुशी ते माया मान-समान छिवा। तम्हानु ङेखणे चे वास्ते माये मन तरसे पले, जिसड़े मैं तम्हानु बावड़ले यूंही प्रभु मां टिकले रिहा।

1 थिस्सलुनीकियां 3:13

कि ईशु तम्चे मना नु इसड़े मजबूत करो, कि जब अम्चा प्रभु ईशु मसीह आपणे सारे पवित्र लौका लारे आओ, तां वे अम्चे नरीकार ते ब़ा चे सामणे पवित्रता मां बेकसूर बणाती नाखो।

1 थिस्सलुनीकियां 3:2

ते अम्ही तीमुथियुस नु जको मसीह चे सुसमाचार मां अम्चा भऊ, ते नरीकारा चा सेवक छै, ऐवास्ते भेज़ले, कि ओ तम्हानु मजबूत करो, ते तम्चे विश्‍वास चे बारे मां तम्हानु समझाओ।

2 थिस्सलुनीकियां 2:17

तम्चे मना मां शान्ति ङियो, ते तम्हानु हर हेक आच्छे काम, ते वचन मां पक्‍के करो।

2 थिस्सलुनीकियां 3:3

पर प्रभु सच्‍चा छै, ओ तम्हानु मजबूती लारे खड़ा करी, ते ओ दुष्ट कनु सम्भालती कर राखी।

इब्रानियां 13:9

बदड़ली आली विचित्र प्रकार ते अणजाण शिक्षा चे बहकावे मां ना बहकजा। दिला वास्ते सही छै कि ऊं अनुग्रह चे जरिये मजबूत करले जाओ, ना कि खाणे चे चीजा जरिये, खान-पान चे सम्बन्धी प्रथा चे जरिये काये भले कोनी हुले।

1 पतरस 5:10

हमा नरीकार जको सारे अनुग्रह चा दाता छै, जेह्णे तम्हानु मसीह मां आपणी अनन्त महिमा वास्ते हकारले, तम्चे थोड़ी देरी तक ङोख चवणे चे बाद आप ही तम्हानु सेद्ध ते मजबूत ते बलवन्त करी।

1 पतरस 5:12

मैं सिलवानुस चे हाथे, जानु मैं विश्‍वासयोग भऊ समझे, साफ-साफ लिखती कर तम्हानु समझाले, ते हा ग़वाही ङिली छै कि नरीकारा चा सच्‍चा अनुग्रह हाओ छै। ऐचे मां मजबूत रिहा।

2 पतरस 1:12

ऐवास्ते तम्ही ये बाता जाणा, ते जको सच्‍चा वचन तम्हानु मिड़ला आला छै, ओचे मां बणले रिहा, तां वी मैं तम्हानु यां बाता चा चैता ङिवाणे वास्ते सदा तियार रिही।