प्रकाशितवाक्य 8:10 - ओङ राजपूत

¹⁰ तीजे स्वर्ग़दूता ने तुरही बजाली ते हेक बङा तारा जको मशाली आलीकर ब़लता, आसमाना कनु तरुटला, ते नदीया चे तीजे हेंस्से उपर ते पाणीया चे झरना उपर आती ढेला।

प्रकाशितवाक्य 8:10 ပူးပေါင်းရင်းမြစ်များ

मत्ती 25:1

बल्ति ईशु ने केहले, “स्वर्ग़ चा राज़ वां ङस कुंवारीया आलीकर छै, जको मशाला चती बीन्दा चे दर्शन वास्ते निकड़लीया।

लूका 10:18

ईशु ने वानु केहले, “मैं शैताना नु बिजली चे समान स्वर्ग़ा कनु तले ढेते ङेखे पलता।

यहूदा 1:13

ये समुन्दर ची भयानक लहरा आलीकर छी, जको आपणी लाज़ चा झग़ उछाली, ये मार्ग़ कनु भटकले आले तारे छी, जाये वास्ते हमेशा तक घौर अन्धकार राखला गेला।

प्रकाशितवाक्य 1:20

यानि वां सात तारा चा भेद जानु तु माये सज़्ज़े हाथा मां ङेखले हुते, ते वे सात सोने चे ङीवा चा भेद वे सात तारे सात कलीसिया चे दूत छी, ते वे सात ङीवे सात कलीसिया छी।

प्रकाशितवाक्य 12:4

ते ओची पूंछे ने आसमाना चे तारा ची हेक तिहाई भाग़ ब़ुहारती कर धरती उपर नाखती ङिले। वां असतरी जको ब़ाला नु पैदा करने आली हुती, ओ अजगर आती कर विचे सामणे भिला रेहती गेला ताकि जिंवे वा ब़ाला नु पैदा करी, ओ वे ब़ाला नु निग़लती जाओ।

प्रकाशितवाक्य 14:7

ते ओणे बङी अवाजी लारे केहले, “नरीकारा कनु ङरा ते ओची स्तुति करा। कांकि ओचे न्यां करने चा समय आती गेला, ते भज़न गांवा, ते जेह्णे स्वर्ग़ ते धरती ते समुन्दर ते पाणीया चे सोते बणाले।”

प्रकाशितवाक्य 16:4

ते तीजे स्वर्ग़दूता ने आपणा मुंगर नदीया मां, ते पाणीया चे झरना उपर रेड़ती ङिला। ते वे लुहीं बणती गेले।

प्रकाशितवाक्य 6:13

आसमाना चे तारे धरती उपर यूं ढेती पले जिंवे बङी अन्धारी लारे अंजीरा चे दरख्ता चे हलणे कनु कच्‍चे फल किर्ती पड़ी।

प्रकाशितवाक्य 8:7

पेहले स्वर्ग़दूता ने तुरही बजाली, ते लुहींया लारे मिड़ले आले ओले ते जाखते पैदा हुले, ते धरती उपर भुकाती ङिले गेले। ते धरती ची हेक तिहाई ब़लती गेली, ते दरख्ता ची हेक तिहाई ब़लती गेली ते सारे सावे खड़ वी ब़लती गेले।

प्रकाशितवाक्य 9:1

जिसे बेले पाँचवे स्वर्ग़दूता ने तुरही बजाली, तां मैं स्वर्ग़ा कनु धरती उपर हेक तारा ढेते ङेखला, ते ओनु पताल कोण्ड ची कुंजी ङिली गेली।

प्रकाशितवाक्य 9:15

वे चाहरी दूता नु खोलती ङिले गेले, जको वे घड़ी, ते ङिओ, ते मेहने, ते साल वास्ते बन्दा चा तीजा हेंस्सा मारणे वास्ते तियार करले गेले हुते।

प्रकाशितवाक्य 9:18

यां तीन महामारी यानि जाखते ते धूंऐ ते गन्धक लारे जको वांचे मुँहा महु निकले पलती बन्दा चा तीजा हेंस्सा मारती नाखला गेला।