प्रकाशितवाक्य 7:9 - ओङ राजपूत

⁹ ऐचे बाद मैं नजर करली, ते ङेखा, हर हेक जाति, ते कोल्‍ल, ते लौक ते भाषा महु हेक इसड़ी बङी भीड़, जानु कुई गेण ना सग़ते। चिट्टी ओढ़णी घाली आले ते आपणे हाथा मां खज्जी चा लड़ीया चले हुले सिंहासना चे सामणे ते मैमणे चे सामणे भिली।

प्रकाशितवाक्य 7:9 ပူးပေါင်းရင်းမြစ်များ

लूका 12:1

इतने मां जब हजारा ची भीड़ लाग़ती गेली, इठे तक कि हेके ङुजे उपर ढी पलते, तां ओणे सबकनु पेहले चैला नु केहले, “फरीसिया चे दोग़लेपणे खमीर कनु चौकस रेहजा।

लूका 21:36

ऐवास्ते जाग़ते रिहा ते हर समय प्राथना करते रिहा कि तम्ही यां सारीया आणे आलीया आफता कनु बचणे ते मैं इन्साना चे पूता चे सामणे भिले रेहणे चे लायक बणा।”

यूहन्‍ना 12:13

वे खज्जी चा लड़ीया चती कर ओनु मिलणे वास्ते टुरती पले, वे ऊंची अवाजी मां किही पलते, “होशना! धन्‍न छै ओ जको प्रभु चे नांवा लारे आवे पला ओ जको इस्राएल चा राजा छै!”

रोमियां 11:25

हे माये भऊ, कङी इसड़े ना हो, कि तम्ही आपणे नु ब़ुध्दिमान समझती गिहा, ऐवास्ते मैं ना चाहवी कि तम्ही ऐ भेद कनु अणजाण रिहा, कि जब तक नेरीया जातिया पुरी तरह मसीह मां आती ना जई, तब तक इस्राएल चा हेक हेंस्सा इसड़ा ही कठोर रिही।

इफिसियां 6:13

ऐवास्ते नरीकारा चे सारे हथियार ब़ांथी गिहा कि तम्ही बुरे ङिहां मां दुष्टता चा सामना कर सग़ा, ते सब कोच्छ पुरे करती कर अन्त तक टिकले रिहा।

इब्रानियां 11:12

ऐ वजह कनु हेक ही अब्राहम कनु जको मरले आले जिसड़ा हुता, इतने वंश पैदा हुले, जितने आसमाना मां तारे ते समुन्दरा चे किनारे उपर रेता चे कण छी।

इब्रानियां 12:22

पर तम्ही सिय्योन पहाड़ा चे गोढु, जीते नरीकारा चे शहर, स्वर्ग़ीय यरुशलेम चे गोढु आती गेले ते अणगिणत स्वर्ग़दूता ची खौश करने आली सभा चे गोढु आती गेले,

प्रकाशितवाक्य 11:15

ते जिसे बेले सातवें स्वर्ग़दूता ने तुरही बजाली, ते स्वर्ग़ा महु इसड़ी तेज अवाज आऊं लाग़ली कि, “हमा जग़त चा राज़ हमा अम्चे प्रभु चा छै, ते ओचे मसीह चा हुती गेला, ते हमेशा तक यानिकि युगानयुग तक राज़ करी।”

प्रकाशितवाक्य 22:3

ते ओठे कङी श्राप नी हुवी ते नरीकारा चा ते मैमणे चा सिंहासन ओ पवित्र शहर मां हुवी, ते ओचे दास ओची सेवा करे।

प्रकाशितवाक्य 3:18

ऐवास्ते मैं तनु सलाह ङिये, कि जाखते मां तपले आले सोने माये कनु मोल गेहती गे कि तु धन्‍नी हुती जा। ते चिट्टी ओढ़णी गेहती गे कि तु घालती कर तनु आपणे उघाणेपन ची लाज़ ना आओ। ते आपणीया आँखीया मां लावणे वास्ते सुरमा गेहती गे, कि तु ङेखु लाग़ी।

प्रकाशितवाक्य 4:4

ओ सिंहासना चे चारो-तरफ चौबीस सिंहासन छी ते यां सिंहासना उपर चौबीस प्राचीन चिट्टी ओढ़णी घाली आले ब़ेहले ले। ते वांचे ठोङा उपर सोने चे मुग़ट छी।

प्रकाशितवाक्य 5:11

जब मैं ङेखले, तां ओ सिंहासन ते वां चाहरी जीते जींया ते वा प्राचीन चे चुधारु ब़ोहत सारे स्वर्ग़दूता ची अवाज सुणली जाई गिणती लखा ते करोड़ा ची हुती।

प्रकाशितवाक्य 5:9

वे ईं नवें गीत गाऊं लाग़ले, “तु ये किताबे नु गेहणे, ते ऐचीया मोहरा खोलणे चे लायक छी, कांकि तु बलि हुती कर, आपणे लुहींया लारे हर हेक कोल्‍ल ते भाषा ते लौक ते जाति महु नरीकारा वास्ते लौका नु मोल गेहले।

प्रकाशितवाक्य 6:11

वांचे महु हर-हेक नु चिट्टी ओढ़णी ङिली गेली, ते वानु केहले गेले कि, “नेरा थोड़ी देर तक आराम करा, जब तक कि तम्चे लारे चे दास ते भऊ जको तम्चे आलीकर मरीजणे आले छी, वांची वी गिणती पुरी ना हुती गिहो।”

प्रकाशितवाक्य 7:8

जबूलून चे गोत्रा महु ब़ारहा हजारा उपर, यूसुफ चे गोत्रा महु ब़ारहा हजार उपर, ते बिन्यामीन चे गोत्रा महु ब़ारहा हजारा उपर मौहर लाली गेली।