प्रकाशितवाक्य 7:1 - ओङ राजपूत

¹ ऐचे बाद मैं धरती चे चाहरी कूणा उपर चार स्वर्ग़दूत भिले ङेखले, वे धरती चीया चाहरी हवाईया नु झड़ली भिलते कि धरती जा समुन्दर जा कुई दरख्ता उपर हवा ना चलो।

प्रकाशितवाक्य 7:1 ပူးပေါင်းရင်းမြစ်များ

मत्ती 24:31

ओ तुरही ची बङी अवाजी लारे आपणे स्वर्ग़दूता नु भेज़ी, ते वे आसमाना चे ऐ कूणे कनु ओ कूणे तक चारो दिशा कनु नरीकारा चे चुणले आले लौका नु भेले करी।

मरकुस 13:27

ओस समय ओ आपणे स्वर्ग़दूता नु भेज़ती कर धरती चे ऐ कूणे कनु आसमाना चे ओ कूणे तक चारो दिशा कनु नरीकारा चे चुणले आले लौका नु भेले करी।

प्रकाशितवाक्य 20:8

ते ओ सारीया जातिया नु जको धरती चे चारो-तरफ रिही, जको गोग ते मागोग किहवावे, जाई गिणती समुन्दरा चे रेता आलीकर हुवी, याहनु भरमाती कर लड़ाई करने चे वास्ते भेले करी।

प्रकाशितवाक्य 6:6

ते मैं वां चाहरी जीते जींया चे बिचु हेक अवाज हा केहते हुले सुणली, “आणे आले समय उपर धरती उपर अकाल पड़ी, हेके ङिहां ची ङिहाड़ी चे बदले ब़स हेके ङिहां चे खाणे ची कणक मेल सग़ी, ते हेके ङिहां ची ङिहाड़ी चे बदले ब़स तीन ङिहां चे खाणे चे जाओ मेल सग़े। पर जैतून चे तेल ते दाखरस चे कीमत मां कुई बदलावट नी हुवी।”

प्रकाशितवाक्य 7:3

“जब तक अम्ही आपणे नरीकारा चे दासा चे मत्थे उपर मौहर ना लाती गिहुं बल्ति तक धरती ते समुन्दर ते दरख्ता नु नुकसान ना पुचाजा।”

प्रकाशितवाक्य 8:7

पेहले स्वर्ग़दूता ने तुरही बजाली, ते लुहींया लारे मिड़ले आले ओले ते जाखते पैदा हुले, ते धरती उपर भुकाती ङिले गेले। ते धरती ची हेक तिहाई ब़लती गेली, ते दरख्ता ची हेक तिहाई ब़लती गेली ते सारे सावे खड़ वी ब़लती गेले।

प्रकाशितवाक्य 9:14

मना कुई छेवें स्वर्ग़दूता नु जाये कनु तुरही हुती किहे पला, “वां चार स्वर्ग़दूता नु जको बङी नदी फरात चे गोढु ब़झले आले छी खोलती ङे।”

प्रकाशितवाक्य 9:4

ते वानु केहले गेले, कि ना धरती चे खड़ा नु, ना कुई सावली नु, ना कुई दरख्ता नु नुकसान पुचाओ, हेको वां इन्साना नु जाये मत्थे उपर नरीकारा ची मौहर कोनी।