प्रकाशितवाक्य 6:2 - ओङ राजपूत

² जिसे बेले मैं नजर घूमाती कर ङेखले, ते ङेखा, हेक चिट्टा घोड़ा छै ते ओचा सवार तीर कमाण चली भिला, ते ओनु हेक मुग़ट ङिला गेला ते ओ जय करता हुला निकड़ला कि नेरी वी जय गेहती गिहो।

प्रकाशितवाक्य 6:2 ပူးပေါင်းရင်းမြစ်များ

मत्ती 28:18

ईशु ने वांचे गोढु आती कर केहले, “स्वर्ग़ ते धरती चा सारा अधिकार मनु ङिला गेला।

1 कुरिन्थियां 15:25

ईं जरुरी छै कि ओ ओस बेले तक राज़ करो जब तक ओ आपणे सारे दुश्मना नु आपणे अधीन ना करती गिहो।

प्रकाशितवाक्य 11:15

ते जिसे बेले सातवें स्वर्ग़दूता ने तुरही बजाली, ते स्वर्ग़ा महु इसड़ी तेज अवाज आऊं लाग़ली कि, “हमा जग़त चा राज़ हमा अम्चे प्रभु चा छै, ते ओचे मसीह चा हुती गेला, ते हमेशा तक यानिकि युगानयुग तक राज़ करी।”

प्रकाशितवाक्य 11:18

ते नेरीया जातिया ने गुस्सा करला, ते दुधा प्रकोप आती पड़ला, ते ओ समय आती पुज़ला, कि मरला आला चा न्यां करला जाओ, ते दुधे दास भविष्यवक्‍ता ते पवित्र लौका नु ते वां छोटे बङा नु जको दुधे नांवा लारे ङरी, बदला ङिला जाओ। ते धरती चे बिगाड़ने आले नाश करले जाओ।”

प्रकाशितवाक्य 14:14

बल्ति मैं ङेखले कि माये सामणे ओठे हेक चिट्टा बदल हुता। ते ओ बदला उपर हेक बन्दे ब़ेहले हुते जको इन्साना चे पूता आलीकर ङिसे पलता। जाये ठोङा उपर सोने चा मुग़ट ते हाथा मां तेज धारी ची ङातरी छै।

प्रकाशितवाक्य 15:2

बल्ति मैं हेक शीशे जिसड़ा समुन्दर ङेखला, ओ यूं हुता जिंवे ओचे मां जाखते मिड़ले आले हो, ते ओ ङरावणे ढौरा उपर, ते वे मूर्ति उपर, ते ओचे नांवा चे अंक उपर जीतले हुते, वानु मैं शीशे चे समुन्दरा चे गोढु नरीकारा ची वीणा नु चली भि ले ङेखले।

प्रकाशितवाक्य 17:14

वे मैमणे लारे योद्ध करे, ते मैमणे वांचे कनु जीतती जई, कांकि ओ प्रभुआं चा प्रभु ते राजा चा राजा छै, ते जको हकारले गेले, ते चुणले आले, ते विश्‍वासी छी ओ ओचे लारे छै, वे वी जीतती जाये।”

प्रकाशितवाक्य 19:14

ते स्वर्ग़ा ची सैना चिट्टा घोड़ा उपर सवार हुती कर, शोद्ध चिट्टी मलमल ची ओढ़णी घालती कर ओचे भांसु-भांसु छै।

प्रकाशितवाक्य 3:21

जको जीतती जई, मैं ओनु आपणे लारे आपणे सिंहासना उपर ब़िसाणी, जिंवे मैं वी जीतती कर आपणे ब़ा चे लारे ओचे सिंहासना उपर ब़ेसती रेहला।

प्रकाशितवाक्य 9:7

वां तिङीया चा नमुना लड़ाई वास्ते तियार करले आले घोड़ा जिसड़ा हुता, ते वांचे ठोङा उपर मना सोने चे मुग़ट हुते, ते वांची मुँहे बन्दा चे जिसड़ी हुती।