प्रकाशितवाक्य 4:5 - ओङ राजपूत

⁵ ओ सिंहासन महु बिजलीया ते गाज निकले ते सिंहासन चे सामणे जाखते चे सात ङीवे ब़ली पले। ये नरीकारा चीया सात आत्मा छी।

प्रकाशितवाक्य 4:5 ပူးပေါင်းရင်းမြစ်များ

मत्ती 25:1

बल्ति ईशु ने केहले, “स्वर्ग़ चा राज़ वां ङस कुंवारीया आलीकर छै, जको मशाला चती बीन्दा चे दर्शन वास्ते निकड़लीया।

मत्ती 3:11

मैं तां तम्हानु मन फिरावणे वास्ते पाणीया लारे बपतिस्मा ङिये, पर ओ जको माये बाद मां आणे आला छै, ओ माये कनु महान छै कि मैं ओचे ब़ूटा नु चवणे चे लायक कोनी, ओ तम्हानु खौद्द पवित्र आत्मा ते जाखते लारे बपतिस्मा ङी।

प्रेरितां चे काम 2:3

वानु जाखते जिसड़ीया लपटा ङिसलीया, ते वांचे महु हर हेक चे उपर आती कर रुकती गेलीया।

प्रकाशितवाक्य 1:4

यूहन्‍ना ची ओर कनु आसीया चीया सात कलीसिया चे नांवे: ओची ओर कनु जको छै ते जको हुता ते जको आणे आला छै, ते वां सात आत्मा ची ओर कनु जको ओचे सिंहासन चे सामणे छी,

प्रकाशितवाक्य 10:3

ते इसड़ी बङी अवाजी लारे रड़ला, जिंवे शेर गरजे ते ओ जिसे बेले रड़ला तां गरजण चा सात अवाजी सुणाई ङिलीया।

प्रकाशितवाक्य 11:19

ते नरीकारा चा मन्दर जको स्वर्ग़ा मां छै, ओ खोड़ला गेला, ते ओचे मन्दरा मां ओचे वायदे ची सन्दूक ङिसली, ते बिजलीया ते शब्द ते गरजण ते भूकम्प हुले, ते भयानक बङे-बङे ओले ढेले।

प्रकाशितवाक्य 3:1

“सरदीस ची कलीसिया चे दूता नु ईं लेख, “जाये गोढु नरीकारा चीया सात आत्मा, ते सात तारे छी, ओ ईं किहे पला कि मैं दुधे कामा नु जाणे, तु जीता तां किहवावी, पर छी मरला आला।

प्रकाशितवाक्य 5:6

तब मैं ओ सिंहासन ते चाहरी जींया ते प्राचीना चे बीच मां, हेक मैमणे भिले आले ङेखले, ऊं इसड़े ङिसे भिलते ले जिंवे कि बलि चढ़ाले गेले हो, ओचे सात सींगे ते सात आँख हुतीया ये नरीकारा चीया सात आत्मा छी जको सारी धरती उपर भेज़लीया गेलीया।

प्रकाशितवाक्य 8:5

बल्ति स्वर्ग़दूता ने धूपदान चती कर ओचे मां वेदी चे जाखते भरले ते धरती उपर भुकाती ङिले ते गाज ते अवाज ते बिजलीया ते भूकम्प हुं लाग़ले।