प्रकाशितवाक्य 3:5 - ओङ राजपूत

⁵ जको जीतती जई ओनु यूं करती चिट्टी ओढ़णी घलाली जाये, ते मैं ओचे नां जीवन ची किताबे महु किसी रीति लारे नी कटी, पर ओचे नां आपणे ब़ा ते ओचे स्वर्ग़दूता चे सामणे मनती गिही।

प्रकाशितवाक्य 3:5 ပူးပေါင်းရင်းမြစ်များ

मत्ती 10:32

“जको कुई इन्साना चे सामणे मनु मनती गिही, ओनु मैं वी आपणे स्वर्ग़ीय ब़ा चे सामणे मनती गिही।

लूका 10:20

तां वी ऐवास्ते खौश ना हो, कि आत्मा तम्चे बसा मां छै, पर ये बाते कनु खौश हो, कि तम्चे नां स्वर्ग़ा उपर नरीकारा ने लिखले।”

लूका 12:8

“मैं तम्हानु किहे पला जको कुई इन्साना चे सामणे मनु मनती गिही ओनु मैं इन्सान चा पूत वी नरीकारा चे स्वर्ग़दूता चे सामणे मनती गिही।

फिलिप्पियां 4:3

हे सच्‍चा भईवाल, मैं दुधे कनु वी बिनती करे पला कि तु वां असतरीया ची सहायता कर। कांकि वाणे माये लारे सुसमाचार प्रचार करने मां, क्लेमेन्स ते माये नेरे भईवाला समेत मेहनत करली, जाये नां जीवन ची किताबे मां लिखले पले।

यहूदा 1:24

हमा नरीकार जको तम्हानु ठोकर खाणे कनु बचा सग़े, ते आपणी महिमा ची भरपूरी चे सामणे मगन ते निर्दोष करती कर खड़े कर सग़े,

प्रकाशितवाक्य 13:8

धरती चे सब रेहणे आले, जाई नांवे ओ मैमणे ची जीवन ची किताबे मां लिखली कोनी गेली, जको संसारा ची शुरुआत चे समय कनु ही बलिदान हुला, ओ ढौरा ची पूजा करे।

प्रकाशितवाक्य 17:8

जको ढौर तु ङेखले, ऊं पेहले तां हुते पर हमा कोनी, ते पताला महु निकलती कर विनाश मां ढी, ते धरती चे रेहणे आले जाई नांवे संसारा ची शुरुआत चे समय कनु जीवन ची किताबे मां लिखली कोनी गेली, ऐ ढौरा ची हा हालत ङेखती कर पेहले हुते ते हमा कोनी ते बल्ति आती जई, अचम्भा करे।

प्रकाशितवाक्य 19:8

ते विनु शोद्ध ते चमकदार ते मलमल ची ओढ़णी घालणे चा अधिकार ङिला गेला।” कांकि वे मलमल ओढ़णा चा हा मतलब छै, कि नरीकारा चे पवित्र लौका चे धर्म चे कामे छी।

प्रकाशितवाक्य 2:11

“जाये कान हो वे सुणती गिहो, कि आत्मा कलीसिया नु का किहे पला। “जको जीतती जई ओनु ङुजी मौत कनु नुकसान नी पुज़ी।

प्रकाशितवाक्य 2:7

“जाये कान हो वे सुणती गिहो, कि आत्मा कलीसिया नु का किहे पला। “जको जीतती जई, मैं ओनु ओ जीवन चे दरख्ता कनु जको नरीकारा चे स्वर्ग़ लौक मां छै, फल खाणे नु ङी।

प्रकाशितवाक्य 20:12

बल्ति मैं छोटे बङे सब मरला आला नु सिंहासन चे सामणे भिले आले ङेखले, ते किताबा खोड़लीया गेलीया, ते बल्ति हेक नेरी किताब खोड़ली गेली, यानि “जीवन ची किताब” ते जिंवे वां किताबा मां लिखले आले हुते, यूंही वांचे कामा चे अनुसार मरला आला चा न्यां करला गेला।

प्रकाशितवाक्य 20:15

ते जाये काये नां “जीवन ची किताबे” मां लिखले आले कोनी मिड़ले, ओ जाखते ची झील मां नाखला गेला।

प्रकाशितवाक्य 21:27

पर ओचे मां कुई अपवित्र चीज जा गन्दे काम करने आला, जा कूड़ घड़ने आला, कुई रीति लारे जा ना सग़ी, पर सेर्फ वे लौक जाई नांवे मैमणे ची जीवन ची किताबे मां लिखली आली छी।

प्रकाशितवाक्य 22:19

ते अगर कुई ऐ भविष्यवाणी ची किताबे चा बाता महु कहीं काढ़ती नाखे, ते नरीकार ओ जीवन चे पेड़ ते पवित्र शहर महु जाई चर्चा ऐ किताबे मां छै, ओचा हेंस्सा काढ़ती नाखी।

प्रकाशितवाक्य 3:12

जको जीतती जई, ओनु मैं आपणे नरीकारा चे मन्दरा मां हेक खम्बा बणावी, ते ओ बल्ति कङी ब़ाहर नी निकली, ते मैं आपणे नरीकारा चे नां ते आपणे नरीकारा चा शहर यानि नवें यरुशलेम शहरा चे नां, जको माये नरीकारा चे गोढु कनु स्वर्ग़ा कनु उतरने आला छै, ते आपणे नां, ओचे उपर लिखी।

प्रकाशितवाक्य 3:4

पर हव्वे, सरदीस मां दुधे इठे कोच्छ इसड़े लौक छी जेह्णे आपणी-आपणी ओढ़णी अशुद्ध कोनी करली। वे चिट्टी ओढ़णी घालती माये लारे घूमे कांकि वे ऐचे लायक छी।

प्रकाशितवाक्य 6:11

वांचे महु हर-हेक नु चिट्टी ओढ़णी ङिली गेली, ते वानु केहले गेले कि, “नेरा थोड़ी देर तक आराम करा, जब तक कि तम्चे लारे चे दास ते भऊ जको तम्चे आलीकर मरीजणे आले छी, वांची वी गिणती पुरी ना हुती गिहो।”