प्रकाशितवाक्य 3:18 - ओङ राजपूत

¹⁸ ऐवास्ते मैं तनु सलाह ङिये, कि जाखते मां तपले आले सोने माये कनु मोल गेहती गे कि तु धन्‍नी हुती जा। ते चिट्टी ओढ़णी गेहती गे कि तु घालती कर तनु आपणे उघाणेपन ची लाज़ ना आओ। ते आपणीया आँखीया मां लावणे वास्ते सुरमा गेहती गे, कि तु ङेखु लाग़ी।

प्रकाशितवाक्य 3:18 ပူးပေါင်းရင်းမြစ်များ

मत्ती 13:44

“स्वर्ग़ा चा राज़ खेता मां लुकले आले धन आलीकर छै, कुई बन्दे ने ओनु सोहले ते बल्ति लुकाती नाखले, ते खुशी लारे जती कर आपणे सारा कोच्छ बेचती नाखले ते ओ खेत मोल गेहती गेला।

मत्ती 25:9

“पर सियाणीया ने उत्तर ङिला, ‘हो सग़े अम्चे ते तम्चे वास्ते पुरे ना हो, भले तां ईं छै कि तम्ही बेचणे आला गोढु जती कर आपणे वास्ते मोल गेहती आवा।’

लूका 12:21

इसड़े ही ऊं बन्दे वी छै जको आपणे वास्ते जायजात भेली करे, पर नरीकारा ची नजरी मां धनवान कोनी।”

2 कुरिन्थियां 5:3

कांकि ओनु धारण करने चे बाद अम्ही उघाड़े नी रेहती जऊं।

2 कुरिन्थियां 8:9

कांकि तम्ही अम्चे प्रभु ईशु मसीह चा अनुग्रह जाणा वी, कि ओ धनवान हुती कर वी तम्चे वास्ते कंगाल बणती गेला ताकि ओचे कंगाल हुती जाणे लारे तम्ही धन्‍नी हुती जावा।

1 तीमुथियुस 6:18

ते भलाई करो, ते भले कामा मां धनी बणो, ते उधार ते सहायता ङेणे मां हमेशा तियार रिहो।

याकूब 2:5

हे माये प्यारे भऊ, सुणा, का नरीकारा ने ऐ संसारा चे कंगाला नु कोनी चुणले कि विश्‍वासा मां अमीर ते ओ स्वर्ग़ राज़ चे अधिकारी हो जाया वायदा ओणे वांचे लारे करला जको ओचे लारे प्रेम राखे?

1 पतरस 1:7

ईं ऐवास्ते हुले कि तम्चा परखला आला विश्‍वास जको जाखते मां नाशवान सोने कनु वी घणा कीमती छै, जिसे बेले ईशु मसीह उजागर हुवी, नरीकारा कनु तम्हानु प्रशंसा, महिमा ते कद्दर मिलो।

प्रकाशितवाक्य 16:15

ते, “ङेखा, मैं चोरा आलीकर आवी। धन्‍न छै ओ जको जाग़ता रिहे, ते आपणे ओढ़णा ची रखवाली करता हो, कि उघाड़ा ना फिरता रिहो, ते लौक ओचा नंगापन ना ङेखो।”

प्रकाशितवाक्य 19:8

ते विनु शोद्ध ते चमकदार ते मलमल ची ओढ़णी घालणे चा अधिकार ङिला गेला।” कांकि वे मलमल ओढ़णा चा हा मतलब छै, कि नरीकारा चे पवित्र लौका चे धर्म चे कामे छी।

प्रकाशितवाक्य 2:9

मैं दुधे क्लेश ते लाचारी नु जाणे, पर तु अमीर छी, ते जको लौक आपणे आप नु यहूदी किही ते छी कोनी, पर शैताना ची सभा छी, ते वांची निन्दा नु वी जाणे।

प्रकाशितवाक्य 3:17

तु जको किही ‘मैं, धन्‍नी छै, ते धनवान हुती गेला, ते मनु कुई चीजी ची कमी कोनी।’ ते ईं ना जाणी कि बेकिस्मता ते तोच्छ ते कंगाल ते अन्धा ते उघाड़ा छी।

प्रकाशितवाक्य 4:4

ओ सिंहासना चे चारो-तरफ चौबीस सिंहासन छी ते यां सिंहासना उपर चौबीस प्राचीन चिट्टी ओढ़णी घाली आले ब़ेहले ले। ते वांचे ठोङा उपर सोने चे मुग़ट छी।

प्रकाशितवाक्य 7:13

ऐचे उपर प्राचीना महु हेके ने मनु केहले “ये चिट्टी ओढ़णी घाली आले कूण छै? ते किठु आले?”