प्रकाशितवाक्य 22:17 - ओङ राजपूत

¹⁷ ते पवित्र आत्मा, ते बीन्दणी ङोनी किही, “आ!” ते सुणने आला वी किहो कि, “आ!” जको तरसेला आला हो, ओ वी आओ। ते जको कुई चाहवे ऊं वी जीवन चे पाणी नु यूंही गिहो।

प्रकाशितवाक्य 22:17 ပူးပေါင်းရင်းမြစ်များ

यूहन्‍ना 1:37

बल्ति यूहन्‍ना चे वे ङोन चैला ने ओनु ईं केहते सुणती कर, वे ईशु चे भांसु टुरती पले।

यूहन्‍ना 4:10

ईशु ने विनु केहले, “अगर तु नरीकारा चे वरदाना नु जाणीया तां ईं वी जाणीया कि ऊं कूण छै जको तनु किहे ‘मनु पाणी पीला,’ तां तु ओकनु मांगीहा ते ओ तनु जीवन चे पाणी ङिया।”

यूहन्‍ना 4:11

असतरी ने ओनु केहले, “हे गुरु जी, दुधे कनु पाणी भरने वास्ते कहीं छै वी कोनी खुऊ घणा झिका छै। तां बल्ति ऊं जीवन चे पाणी दुधे कनु किवें हो सग़े?

यूहन्‍ना 4:14

पर जको कुई ओ पाणीया महु पिही जको मैं ओनु ङिही ओह बल्ति कङी तरसेला नी रिही। पर जको पाणी मैं ओनु ङिही ओचे महु हेक स्रोत बणती जई जको अनन्त जीवन तक उमड़ता रिही।”

यूहन्‍ना 4:29

“आवा, हेक इन्साना नु ङेखा, जेह्णे सब कोच्छ जको मैं करले मनु बावड़ती ङिले। किठी हाओ तां मसीह कोनी?”

यूहन्‍ना 7:37

तेंहवारा चे आखरी ङिओ जको खास ङिओ छै, ईशु भिला रेहती ते ऊंची अवाजी मां केहले, “अगर कुई तरसेले छै तां माये कनु आती कर पीयो।

रोमियां 3:24

पर ओचे अनुग्रह लारे, ओ छुटकारे चे जरिये जको मसीह ईशु मां छै, सेंत मेंत धर्मी ठहराले जई।

1 कुरिन्थियां 2:12

अम्ही संसारा ची आत्मा कोनी, पर वा आत्मा गेहली छै, जको नरीकारा चे तरफु छै कि अम्ही वां बाता नु जाणु, जको नरीकारा ने अम्हानु ङिलीया।

प्रकाशितवाक्य 14:13

ते मैं स्वर्ग़ कनु हा शब्द सुणला कि, “लिखती गे, जको बन्दी प्रभु मां मरली, वे हमा कनु धन्‍न छी।” आत्मा किहे, “हां, हाओ ठीक छै। वानु आपणी मेहनत करने उपर हमा आराम मिली कांकि वांचे कर्म, वांचे लारे छी।”

प्रकाशितवाक्य 2:7

“जाये कान हो वे सुणती गिहो, कि आत्मा कलीसिया नु का किहे पला। “जको जीतती जई, मैं ओनु ओ जीवन चे दरख्ता कनु जको नरीकारा चे स्वर्ग़ लौक मां छै, फल खाणे नु ङी।

प्रकाशितवाक्य 21:2

बल्ति मैं पवित्र शहर नवें यरुशलेम नु स्वर्ग़ा कनु ते नरीकारा चे गोढु कनु तले उतरते ङेखले, ते ओ शहर वे बीन्दणी आलीकर हुता, जको आपणे मुणसा चे वास्ते सिंगार करली आली बीन्दणी हो।

प्रकाशितवाक्य 21:6

बल्ति ओणे मनु केहले, “ये बाता पुरीया हुती गेलीया। मैं अल्फा ते ओमेगा, आदि ते अन्त छै। मैं तरसेले नु जीवन चे पाणीया चे सोते महु मुफ्त पिलावी।

प्रकाशितवाक्य 21:9

बल्ति जिसा सात स्वर्ग़दूता कनु सात आखरी आफता चे लारे भरीले आले सात मुंगर हुते, वांचे महु हेक स्वर्ग़दूत माये गोढु आला, ते माये लारे बाता करु लाग़ला ते मनु केहले, “इठे आ। मैं तनु बीन्दणी यानिकि मैमणे ची घराआली ङिखाणी।”

प्रकाशितवाक्य 22:1

बल्ति ओ स्वर्ग़दूता ने मनु बिल्‍लौर जिसड़ी शीशे आलीकर झलकती हुली, जीवन चे पाणीया ची नदी ङिखाणली। जको नरीकार ते मैमणे चे सिंहासन कनु निकलती कर ओ शहरा ची सड़के चे आधी मां बेहती।

प्रकाशितवाक्य 22:16

“मैं, खौद्द ईशु, दुधे ते कलीसिया चे वास्ते, यां बाता ची ग़वाही ङेणे चे वास्ते, मैं आपणा स्वर्ग़दूत भेज़े पला। मैं दाऊद चे परिवारा चा वंश छै। ते सवेले चा चमकणे आला तारा छै।”

प्रकाशितवाक्य 7:17

कांकि मैमणे जको सिंहासना चे आधे मां छै वांची ङेखभाल करी, ते जीवन रूपी पाणीया चे सौत्ते चे गोढु गेहती गेले करी, ते नरीकार वांचीया आँखीया महु सारी हींजवे लूहती नाखी।”