प्रकाशितवाक्य 21:1 - ओङ राजपूत

¹ बल्ति मैं हेक नवां स्वर्ग़ ते हेक नवीं धरती ङेखली। कांकि पेहला स्वर्ग़ ते पेहली धरती खत्तम हुती गेलती। ते समुन्दर वी कोनी रेहला।

प्रकाशितवाक्य 21:1 ပူးပေါင်းရင်းမြစ်များ

रोमियां 8:21

कि सृष्टि वी आप ही विनाश ची गुलामी कनु छुटती कर, नरीकारा ची ऊलाद्धी ची महिमा ची आजादी हांसिल करी।

2 पतरस 3:10

पर प्रभु चा ङिओ चोरा आलीकर आती जई। ओ ङिओ आसमान बङी हड़बड़ाहट ची अवाजी लारे जता रिही ते सारीया चीजा तपती कर पिघलती जाये ते धरती ते विचे उपर चे सारे काम ब़लती जाये।

2 पतरस 3:13

पर ओचे वायदे चे अनुसार अम्ही हेक नवें आसमान ते नवीं धरती ची आस ङेखु पले जाये मां धार्मिकता वास करी।

प्रकाशितवाक्य 13:1

ते मैं हेक ङरावणे ढौरा नु समुन्दरा महु निकलते हुले ङेखले, जाये ङसां सींगा उपर ङस मुग़ट हुते, ते सात ठोङीया हुतीया, ते ओचीया हर-हेक ठोङीया चे उपर नरीकारा ची निन्दा ची नांवे लिखली पलती।

प्रकाशितवाक्य 20:11

बल्ति मैं हेक बङा चिट्टा सिंहासन ते ओचे उपर जको ब़ेहला हुता ङेखले, जाये सामणे कनु धरती ते आसमान नासती गेले, पर वांचा किठी पता तक कोनी लाग़ला।

प्रकाशितवाक्य 21:5

ते जको सिंहासन उपर ब़ेहला हुता, ओणे केहले, “ङेखा, मैं सारे कोच्छ नवें करती ङिये पला।” बल्ति ओणे केहले कि ऐनू लिखती गे कि, “कांकि हा वचन विश्‍वास चे लायक ते सच्‍च छै।”

प्रकाशितवाक्य 6:14

आसमान यूं सरकती गेला, जिंवे कागस बलेठणे लारे सरकती जाये। ते हर हेक पहाड़ ते टापू आपणे आपणे जग़हा कनु टलती गेले।