प्रकाशितवाक्य 2:3 - ओङ राजपूत

³ तु सब्र करी ते माये नांवा वास्ते ङोख चते-चते थाकला कोनी।

प्रकाशितवाक्य 2:3 ပူးပေါင်းရင်းမြစ်များ

मरकुस 15:21

सिकन्दर ते रूफुस चा ब़ा शमौन, हेक कुरेनी शक्स, जको गांवा कनु आवे पलता, उठु निकड़ला, वाणे ओनु बिंगारी मां पकड़ले कि ओचा क्रूस चली चालो।

लूका 14:27

ते जको कुई आपणा क्रूस ना चवी, ते माये भांसु ना आओ, ओ वी माया चैला ना हो सग़ी।

लूका 18:1

बल्ति ईशु ने ऐचे बारे मां केहले कि हमेशा प्राथना करनी ते हिम्मत नी छोड़नी चाही छै, वानु हा मिसाल ङिली,

लूका 21:19

आपणे सब्रा लारे तम्ही आपणी जीन्दगी नु बचाली राखा।

लूका 5:5

शमौन ने ओनु उत्तर ङिला, “हे स्वामी, अम्ही सारी रात मेहनत करली ते कोच्छ कोनी पकड़ले, तां वी दुधे केहले उपर जाल नाखी।”

लूका 8:15

पर आच्छी भोंये चे वे छी, जको वचन सुणती कर भले ते उत्तम मना मां सम्भालती राखे, ते धीरज लारे फल आणी।

यूहन्‍ना 15:21

पर ईं सब कोच्छ वे माये नांवा ची वजह कनु तम्चे लारे करे, कांकि वे माये भेज़णे आले नु ना जाणी।

रोमियां 12:12

आपणी आस चे बारे मां खौश रिहा, क्लेश चे बारे मां तसल्‍ली राखा ते प्राथना चे बारे मां मजबूत रिहा।

रोमियां 16:12

त्रूफेना ते त्रूफोसा नु जको प्रभु मां मेहनत करने आलीया नु नमस्कार। प्यारी पिरसिस प्रभु मां घणी मेहनत करने आली नु नमस्कार।

रोमियां 2:7

जको लगातार आच्छे काम करते हुले, महिमा ते आदर ते अनन्त जीवन ची खोज मां रिही, वानु नरीकार अनन्त जीवन ङिही।

रोमियां 8:25

पर जिसी चीजे नु अम्ही ना ङेखु, अगर विची आस राखु, तां तसल्‍ली लारे विचा इंतजार वी करु।

1 कुरिन्थियां 13:7

प्रेम हमेशा रक्षा करे, सब बाता उपर विश्‍वास राखे, सब बाता ची आस राखे, सारीया बाता सेहती गिहे।

1 कुरिन्थियां 16:16

ऐवास्ते मैं तम्हा कनु बिनती करे पला कि इसड़ा चे अधीन रिहा, बल्कि हर-हेक चे जको ऐ कामा मां मेहनती ते सहायक छी।

2 कुरिन्थियां 10:15

ते अम्ही हद्दी चे ब़ाहरु नेरा ची मेहनती पर घमण्ड ना करु। पर अम्हानु आस छै कि जिंवे-जिंवे तम्चा विश्‍वास बधता जई यूं-यूं अम्ही आपणी हद्दी चे अनुसार तम्ची वजह कनु होर वी बधते जऊं,

2 कुरिन्थियां 11:23

का वे ही मसीह चे सेवक छी? मैं पाग़ला आलीकर किहे मैं वांचे कनु बधती कर छै। ज्यादा मेहनत करने मां, बार-बार कैद हुवणे मां, कोड़े खाणे मां, बार-बार मौत चे जोखिम चवणे मां।

2 कुरिन्थियां 4:1

ऐवास्ते जब अम्चे उपर इसड़ी दया हुली कि अम्हानु हा सेवा मिड़ली, तां अम्ही हिम्मत ना छोड़ु।

2 कुरिन्थियां 4:16

ऐवास्ते अम्ही हिम्मत ना छोड़ु, अगर अम्चा ब़ाहरला इन्सानी रुप नाश हुता जाये, तां वी अम्चा भितरला इन्सानी रुप ङिओ उपर ङिओ नवां हुता जाये पला।

2 कुरिन्थियां 5:9

ऐवास्ते अम्चे मना ची बङी इच्छा हा छै कि, चाहे अम्ही शरीरा मां रिहुं, चाहे अम्ही ना रिहुं पर अम्ही ओनु भाते रिहुं।

2 कुरिन्थियां 6:5

कोड़े खाणे लारे, कैदी हुवणे लारे, दंगा लारे, मेहनती लारे, जाग़ते रेहणे लारे, उपवास करने लारे,

गलातियां 6:2

ङुखा बेले हेके ङुजे ची सहायता करा तां मसीह चे व्यवस्था नु पुरे करा।

गलातियां 6:9

ऐवास्ते आवा भलाई करते बेले कङी वी कोनी थाकु, कांकि अगर अम्ही भलाई करते रिहुं, तां आच्छा ब़ेहला आणे उपर अम्हानु ओचा फल मिली।

फिलिप्पियां 2:16

जब तम्ही जीन्दगी ङेणे आला सुसमाचार सुणावा तां तम्ही इसड़े ही करते रिहा, ताकि मसीह चे ङिओ मनु घमण्ड करने ची वजह हो कि ना माये द्रोड़ने ते ना माई मेहनत करले बेकार हुली।

फिलिप्पियां 4:3

हे सच्‍चा भईवाल, मैं दुधे कनु वी बिनती करे पला कि तु वां असतरीया ची सहायता कर। कांकि वाणे माये लारे सुसमाचार प्रचार करने मां, क्लेमेन्स ते माये नेरे भईवाला समेत मेहनत करली, जाये नां जीवन ची किताबे मां लिखले पले।

कुलुस्सियां 1:11

ते ओची महिमा ची शक्‍ति चे अनुसार सारे प्रकार ची सामर्थ कनु ताकतवार हुते जावा, खुशी लारे हर-प्रकार कनु धीरज ते सहनशीलता ङिखाण सग़ा।

1 थिस्सलुनीकियां 1:3

ते आपणे नरीकार ते ब़ा चे सामणे तम्चे विश्‍वास चे काम, ते प्रेम ची मेहनत, ते अम्चे प्रभु ईशु मसीह मां आशा ची धीरता नु लगातार प्राथना मां याद करु।

1 थिस्सलुनीकियां 2:9

कांकि, हे माये भऊ ते ब़ेहणीया, तम्ही अम्ची मेहनत ते ङुखा नु याद राखा, कि अम्ही ऐवास्ते रात-ङिओ काम धन्धा करते हुले तम्चे महु काये उपर वी बोझ कोनी बणने ची इच्छा लारे तम्हानु नरीकारा चा सुसमाचार प्रचार सुणाला।

1 थिस्सलुनीकियां 5:12

ते ओ माये भऊ ते ब़ेहणीया, अम्ही तम्हा कनु बिनती करु पले, कि जको तम्चे मां मेहनत करी वी, ते प्रभु मां तम्चे अग़ुवे छी, ते तम्हानु शिक्षा ङी, ते वानु मना।

2 थिस्सलुनीकियां 3:13

ते तम्ही, ओ माये भऊ ते ब़ेहणीया, भलाई करने मां हिम्मत ना छोड़ा।

2 थिस्सलुनीकियां 3:5

नरीकारा चा प्रेम ते मसीह चे सब्र ची ओर प्रभु तम्चे मना ची अगुवाई करो।

2 थिस्सलुनीकियां 3:8

ते काई रोटी मुफ्त मां कोनी खाली, पर मेहनत ते कष्ट लारे रात-ङिओ धन्धा करते, कि तम्चे महु काये उपर वी भार ना हो।

1 तीमुथियुस 4:10

कांकि अम्ही घणी मेहनत ते जत्तन ऐवास्ते करु कि, अम्ची आस ओ जीते नरीकारा उपर छै, जको सारा बन्दा चा छै, ते खास करती कर विश्‍वास करने आला चा उद्धारकर्ता छै।

1 तीमुथियुस 5:17

जको अग़ुवे आच्छा प्रबन्ध करते हो, खास करती वे जको वचन सुणावणे ते सिखावणे मां मेहनत करी, ङोन गुणा कद्दर चे लायक समझले जाओ।

इब्रानियां 10:36

कांकि तम्हानु सब्र करना जरुरी छै, कि नरीकारा ची इच्छा नु पुरी करती कर तम्ही वायदे चा फल गिहा।

इब्रानियां 12:1

ये वजह कनु जबकि ग़वाहा ची इसड़ी बङी भीड़ अम्हानु घेरले आले छै, तां आवा, हर हेक रोकणे आली चीज ते उलझाणे आले पापा नु दूर करती कर, वा द्रोड़ जिसे मां अम्हानु द्रोड़ने छै, धीरज लारे उग़ते बधते जऊं,

इब्रानियां 13:13

ऐवास्ते अम्ही वी ओचे लारे भेंट करु छावणी चे ब़ाहर उसड़ी ही निन्दा चवणे वास्ते चालु, जिंवे ओणे चली।

इब्रानियां 6:10

नरीकार अन्यायी कोनी, कांकि तम्चे काम ते ओ प्रेम नु भूलती ना जई, जको तम्ही ओचे नांवा वास्ते ओचे लौका ची सेवा करली ते करा वी पले।

इब्रानियां 6:12

तम्ही आलसी ना बणा, बल्कि वांचे कदमा उपर चला जको विश्‍वास ते सब्रा लारे वायदे चे वारिस छी।

इब्रानियां 6:15

ऐवास्ते अब्राहम सब्र करती कर इन्तजार करता रेहला ते ओनु ऊं मिड़ले, जाया वायदा करला गेलता।

2 पतरस 1:6

ते समझ उपर संयम ते संयम उपर धीरज ते धीरज उपर भग़ती।

प्रकाशितवाक्य 1:9

मैं यूहन्‍ना जको तम्चा भऊ, ते ईशु मसीह चे क्लेश, ते राज़ ते सब्रा मां तम्चा भईवाल छै, नरीकारा चे वचन ते ईशु ची ग़वाही ची वजह कनु पतमुस चे टापू मां मनु भेज़ले गेले हुते।

प्रकाशितवाक्य 3:10

तु माये सब्रा चे वचना नु थामले, ऐवास्ते मैं वी तनु परीक्षा ची वे घड़ी कनु बचाती राखी जको धरती उपर रेहणे आला चे परखणे वास्ते सारे संसारा उपर आणे आली छै।