प्रकाशितवाक्य 2:13 - ओङ राजपूत

¹³ मैं ईं जाणे कि तु ओठे रिही जिठे शैताना चा सिंहासन छै, तु माये नांवा उपर मजबूत रिही, ते माये उपर विश्‍वास करने मां वां ङिहां मां वी भांसु कोनी हटला जाये मां माया विश्‍वास लायक ग़वाह अन्तिपास, तम्चे आधे मां वे जग़हा उपर मारला गेला जिठे शैतान रिहे।

प्रकाशितवाक्य 2:13 ပူးပေါင်းရင်းမြစ်များ

मत्ती 10:23

जिसे बेले वे तम्हानु हेके शहरा मां सतावी, तां ङुजे शहरा सनु द्रोड़ती जजा। मैं तम्हानु सच्‍च-सच्‍च किहे पला, तम्ही इस्राएल चे सारे शहरा मां ना फिरती चुका कि मैं इन्साना चा पूत आती जई।

मत्ती 24:9

“तब वे क्लेश ङेणे चे वास्ते तम्हानु पकड़वावे, ते तम्हानु मारती नाखे, ते माये नांवा ची वजह कनु सारीया जातिया चे लौक तम्चे लारे बैर राखे।

मत्ती 4:10

बल्ति ईशु ने केहले, “शैतान, दूर हुती जा! कांकि पवित्रशास्त्रा मां लिखले पले, ‘तु प्रभु आपणे नरीकारा नु प्रणाम कर, ते सेर्फ ओची ही उपासना कर।’ ”

लूका 21:17

माये नांवा ची वजह सारे लौक तम्चे लारे बैर राखे।

प्रेरितां चे काम 22:20

जब दुधे ग़वाह स्तिफनुस चे लुहीं बाहले जाये पलते तब मैं वी ओठे भिला हुता, ते ये बाते मां सहमत हुता, ते ओचे मारणे आला चे खेस चादरा ची रखवाली करे भीलता।’

प्रेरितां चे काम 9:14

ते इठे तक वी ऐनू प्रधान याजका चे तरफु अधिकार मिड़ला आला छै, कि जको लौक दुधे नां गिही, वां सारा नु ब़ांथी गेहती जाओ।”

1 थिस्सलुनीकियां 5:21

सारीया बाता नु परखा, जको आच्छीया छी वानु मजबूती लारे पकड़ली रिहा।

1 तीमुथियुस 5:8

पर अगर कुई आपणा ची ते खास करती कर आपणे घराणे ची चिन्ता ना करी, ते ओ विश्‍वास कनु मुकरती गेला, ते अविश्‍वासी कनु वी बुरा बणती गेला।

2 तीमुथियुस 1:13

जको खरिया बाता, तु माये कनु सुणलीया वानु ओ विश्‍वास ते प्रेम चे लारे जको ईशु मसीह मां छै, आपणे खौद्द चे वास्ते नमुना बणाती कर राख।

2 तीमुथियुस 2:12

अगर अम्ही ईशु मसीह चे वास्ते तसल्‍ली सहन करते रिहुं, ते ओचे लारे राज़ वी करु, अगर अम्ही ओचा इन्कार करु तां ओ वी अम्चा इन्कार करी।

इब्रानियां 10:23

हमा अम्ही बिना कुई शक्‍क चे आपणी वे आस मां अटल रिहुं, जको अम्ही स्वीकार करली, कांकि जेह्णे वायदा करला ओ विश्‍वास योग्य छै।

इब्रानियां 3:6

पर मसीह पूता आलीकर नरीकारा चे घरा चा अधिकारी छै। अगर अम्ही मजबूत विश्‍वासा उपर ते आपणी आस चे गर्व उपर अन्त तक मजबूती लारे बणले रिहुं, तां अम्ही ओचे घराणे छिऊं।

याकूब 2:7

का वे मसीह ईशु चे उत्तम नांवा ची निन्दा ना करी, जाये मां तम्ही हकारले गेले?

प्रकाशितवाक्य 1:5

ते ईशु मसीह चे तरफु जको भरोसेमन्द ग़वाही ते मरले आला महु जीता हुवणे आला महु पलेठी चा ते धरती चे राजा चा हाकिम छै तम्हानु अनुग्रह ते शान्ति मिलती रिहो। ओ अम्चे लारे प्रेम राखे ते ओणे आपणे लुहींया लारे अम्हानु पापा कनु छुड़ाले छै।

प्रकाशितवाक्य 11:3

ते मैं आपणे ङुंहु ग़वाहा नु हा अधिकार ङिही, कि वे ब़ोरी ची ओढ़णी घालती कर हेक हजार ङोन साऔ साठ ङिहां तक भविष्यवाणी करे।”

प्रकाशितवाक्य 12:11

ते वे मैमणे चे लुहींया ची वजह कनु, ते आपणी ग़वाही चे वचन ची वजह कनु, ओचे कनु जीतती गेले, ते वाणे आपणे प्राण नु प्यारे कोनी जाणले, इठे तक कि मौत नु वी सहन करती गेले।

प्रकाशितवाक्य 13:2

ते जको ङरावणे ढौर मैं ङेखले, ओ चीत्ते आलीकर हुता, ओचे पग़्ग़ रिछा चे पग़्ग़ा आलीकर हुते, ते मुँह शेरा आलीकर हुते। ते ओ अजगर ने आपणी शक्‍ति, ते आपणा सिंहासन, ते बङा अधिकार, ओनु ङिती ङिला।

प्रकाशितवाक्य 14:12

पवित्र लौका चा सब्र ऐचे मां छै, जको नरीकारा ची आज्ञा नु मने, ते ईशु उपर विश्‍वास राखी।

प्रकाशितवाक्य 17:14

वे मैमणे लारे योद्ध करे, ते मैमणे वांचे कनु जीतती जई, कांकि ओ प्रभुआं चा प्रभु ते राजा चा राजा छै, ते जको हकारले गेले, ते चुणले आले, ते विश्‍वासी छी ओ ओचे लारे छै, वे वी जीतती जाये।”

प्रकाशितवाक्य 17:6

ते मैं वे असतरी नु पवित्र लौका चे लुहीं ते ईशु उपर विश्‍वास करने आला लौका चे लुहीं पीती कर मतवाली हुली फिरेली, ते मैं विनु ङेखती कर हैरान हुती गेला।

प्रकाशितवाक्य 2:2

मैं दुधे काम, ते दुधी मेहनत, ते दुधे सब्रा नु जाणे। ते ईं वी कि तु बुरे लौका नु ङेख ना सग़ी, ते जको आपणे आप नु प्रेरित किही, ते छी कोनी, वानु तु परखती कर कूड़े ङेखले।

प्रकाशितवाक्य 3:11

मैं जल्दी ही आणे आला छै, जको कोच्छ दुधे गोढु छै विनु थामली रेह कि कुई दुधा मुग़ट खोसती ना गिहो।

प्रकाशितवाक्य 3:3

ऐवास्ते चैते कर कि तु किसड़ी शिक्षा गेहली ते सुणली हुती, ते विचे मां बणला रेह ते आपणे मन फिरा। अगर तु सुज़ाक नी रिहे तां मैं चोरा आलीकर आती जई, ते तु हरगिज नी जाण सग़े कि मैं केस घड़ी दुधे उपर आती पड़ी।