प्रकाशितवाक्य 19:8 - ओङ राजपूत

⁸ ते विनु शोद्ध ते चमकदार ते मलमल ची ओढ़णी घालणे चा अधिकार ङिला गेला।” कांकि वे मलमल ओढ़णा चा हा मतलब छै, कि नरीकारा चे पवित्र लौका चे धर्म चे कामे छी।

प्रकाशितवाक्य 19:8 ပူးပေါင်းရင်းမြစ်များ

मत्ती 17:2

ओठे वांचे सामणे ईशु चा रुप बदलती गेला, ते ओचे मुँह सूरजा आलीकर चमकले ते ओची ओढ़णी सोज़ले आलीकर चिट्टी हुती गेली।

मत्ती 22:12

ओणे ओकनु पूछले, ‘हे मित्र, तु बीहा ची ओढ़णी घाले बगैर इठे किवें आती गेला?’ ओचे मुँह बन्द हुती गेले।

मरकुस 9:3

ते ओची ओढ़णी इसड़ी चमकु लाग़ली ते इठे तक चमक पली, कि धरती उपर कुई धोब़ी वी उसड़ी चिट्टी ना कर सग़ी।

लूका 24:4

जब वे ये बाते कनु चकराती गेलीया, तां ङेखा, ङोन मर्द झलकती ओढ़णी घाले हुले, वांचे गोढु आती भिले रेहले।

प्रेरितां चे काम 1:10

ते ओचे जते बेले वे आसमाना सनु तकी पलते, तां ङेखा ङोन शक्स चिट्टी ओढ़णी घाले आले वांचे गोढु आती भिले रेहले,

रोमियां 13:14

बल्कि ईशु मसीह चे सुभाव नु धारण करती गिहा, ते शरीरा चीया इच्छा नु पुरीया करने मां ही ना लाग़ले रिहा।

रोमियां 3:22

यानिकि नरीकारा ची वा धार्मिकता जको वां सब वास्ते छै, जको मसीह ईशु उपर विश्‍वास करी, वां सब विश्‍वास करने आला वास्ते बिना कुई भेद-भाव लारे छै।

प्रकाशितवाक्य 15:4

हे प्रभु दुधे कनु कूण नी ङरी? ते दुधे नांवा ची महिमा कूण नी करी? कांकि सेर्फ तु ही पवित्र छी, ते सारीया जातिया आती कर दुधे सामणे ङण्डवत करे, कांकि दुधे न्यां चे काम उजागर हुती गेले।”

प्रकाशितवाक्य 15:6

ते वे सात स्वर्ग़दूत जाये कनु सात आफता हुतीया, ते वाणे साफ शोद्ध चमकते हुले ओढ़णी घाले आले ते वे छात्ती उपर सोने चे पट्टे ब़ांहले आले मन्दरा महु ब़ाहरु निकड़ले।

प्रकाशितवाक्य 19:14

ते स्वर्ग़ा ची सैना चिट्टा घोड़ा उपर सवार हुती कर, शोद्ध चिट्टी मलमल ची ओढ़णी घालती कर ओचे भांसु-भांसु छै।

प्रकाशितवाक्य 3:18

ऐवास्ते मैं तनु सलाह ङिये, कि जाखते मां तपले आले सोने माये कनु मोल गेहती गे कि तु धन्‍नी हुती जा। ते चिट्टी ओढ़णी गेहती गे कि तु घालती कर तनु आपणे उघाणेपन ची लाज़ ना आओ। ते आपणीया आँखीया मां लावणे वास्ते सुरमा गेहती गे, कि तु ङेखु लाग़ी।