प्रकाशितवाक्य 18:8 - ओङ राजपूत

⁸ येही वजह कनु हेक ही ङिओ ओचे उपर आफता आती पड़े, यानिकि मौत, ते ङोख, ते अकाल, ते वा जाखते मां भसम करती नाखली जई, कांकि विचा न्यां करने आला प्रभु नरीकार शक्‍तिमान छै।

प्रकाशितवाक्य 18:8 ပူးပေါင်းရင်းမြစ်များ

1 कुरिन्थियां 10:22

का अम्ही प्रभु नु क्रोध ङिवाणे ची जुर्रत कर सग़ु? का अम्ही प्रभु कनु ज्यादा ताकतवार छिऊं?

प्रकाशितवाक्य 11:17

हा किहुं लाग़ले, “हे सर्वशक्‍तिमान प्रभु नरीकार, जको छै, ते जको हुता, अम्ही दुधा धन्यवाद करु पले, कि तु आपणी बङी सामर्थ नु कामा मां गेहती कर राज़ करला।

प्रकाशितवाक्य 17:16

वे ङस सींगे जको तु ङेखली, ङरावणे ढौर वे वेश्या कनु बैर राखी, ते विनु लाचार ते ऊघाड़ी करती नाखी, ते विचा मांस खाती जई, ते विनु जाखते मां ब़ालती नाखी।

प्रकाशितवाक्य 17:18

ते वा असतरी, जानु तु ङेखले ओ बङा शहर छै, जको धरती चे राजा उपर राज़ करे।”

प्रकाशितवाक्य 18:17

थोड़ी जा देरी मां ओचा इसड़ा भारी धन खत्तम हुती गेला।’ “ते हर-हेक ब़ेड़ी चलाणे आला, ते पाणीया मां सफर करने आली बन्दी, ते मल्‍लाह, ते जितने वी समुन्दरा कनु कमाती कर आपणे घर चलाते, वे सारे दूर भिले रेहले।

प्रकाशितवाक्य 18:19

ते आपणे आपणे ठोङा उपर माटी नाखे, ते रोते हुले ते धाड़-धाड़ करते हुले किहे, “ ‘हाय! हाय! हा बङा शहर जाई सम्पत्ति ची वजह कनु सारे जहाज चलाणे आले धन्‍नी हुती गेलते ले ङेखा, थोड़ी ही देरी मां उज़ड़ती गेला।’

प्रकाशितवाक्य 19:3

बल्ति ङुजा वारी वाणे केहले, “हालेलुय्याह! ते विचे ब़लणे चा धूंआ युगानयुग तक यानिकि सदा-मदा उङरता रिही।”