प्रकाशितवाक्य 17:16 - ओङ राजपूत

¹⁶ वे ङस सींगे जको तु ङेखली, ङरावणे ढौर वे वेश्या कनु बैर राखी, ते विनु लाचार ते ऊघाड़ी करती नाखी, ते विचा मांस खाती जई, ते विनु जाखते मां ब़ालती नाखी।

प्रकाशितवाक्य 17:16 ပူးပေါင်းရင်းမြစ်များ

प्रकाशितवाक्य 12:3

ते हेक नेरा चैन्ह स्वर्ग़ा मां ङिसला, ते ङेखा, हेक बङा लाल अजगर हुता, जाया सात ठोङीया ते ङस सींगे हुती, ते ओचे ठोङा उपर सात राजमुङक हुते।

प्रकाशितवाक्य 16:12

ते छेवें स्वर्ग़दूता ने आपणा मुंगर फरात नांवा ची महा नदी मां रेड़ला, ते विचे पाणी सूखती गेले कि पूरब ची दिशा मां रेहणे आले राजा चे वास्ते मार्ग़ तियार हुती जाओ।

प्रकाशितवाक्य 17:10

ते वे सात राजे वी छी, पाँच चा खातमा हुती चुकला, ते हेक हालि छै, ते हेक हालि तक आला कोनी, ते जिसे बेले आवी, ते कोच्छ समय तक ओचे रेहणे जरुरी छै।

प्रकाशितवाक्य 18:19

ते आपणे आपणे ठोङा उपर माटी नाखे, ते रोते हुले ते धाड़-धाड़ करते हुले किहे, “ ‘हाय! हाय! हा बङा शहर जाई सम्पत्ति ची वजह कनु सारे जहाज चलाणे आले धन्‍नी हुती गेलते ले ङेखा, थोड़ी ही देरी मां उज़ड़ती गेला।’

प्रकाशितवाक्य 18:8

येही वजह कनु हेक ही ङिओ ओचे उपर आफता आती पड़े, यानिकि मौत, ते ङोख, ते अकाल, ते वा जाखते मां भसम करती नाखली जई, कांकि विचा न्यां करने आला प्रभु नरीकार शक्‍तिमान छै।

प्रकाशितवाक्य 19:18

जाये कनु तम्ही राजा चा मांस, ते सरदारा चा मांस, ते खास बङा लौका चा मांस, ते घोड़ा चा मांस, ते वांचे उपर सवार बन्दा चा मांस, ते का ही आजाद लौक, का दास, का छोटे, का बङे, सारे लौका चा मांस खावा।”