प्रकाशितवाक्य 16:7 - ओङ राजपूत

⁷ बल्ति मैं वेदी कनु हा शब्द सुणला, “हां ओ सर्वशक्‍तिमान प्रभु नरीकार, दुधे फैंसले सच्‍चे ते ठीक छी।”

प्रकाशितवाक्य 16:7 ပူးပေါင်းရင်းမြစ်များ

प्रकाशितवाक्य 1:8

प्रभु नरीकार, जको छै ते जको हुता ते जको आणे आला छै, जको सर्वशक्‍तिमान छै, ईं किहे, “मैं ही अल्फा ते ओमेगा छै।”

प्रकाशितवाक्य 13:10

जानु कैदखाने मां जाणे, ऊं कैदखाने मां जई, जको तलवारी लारे मारी, जरुरी छै कि ऊं वी तलवारी लारे मारले जई। पवित्र लौका चा सब्र ते विश्‍वास ऐचे मां छै।

प्रकाशितवाक्य 14:10

ते ओ नरीकारा चे गुस्से ची मदिरा जको मुंगरा मां नाखली गेली पीयें, ते पवित्र स्वर्ग़दूता चे सामणे, ते मैमणे चे सामणे जाखते ते गन्धक चे दर्दा मां पड़ला रिही।

प्रकाशितवाक्य 14:18

बल्ति हेक नेरा स्वर्ग़दूत, जानु जाखते उपर अधिकार हुता, वेदी महु निकड़ला, ते जाये कनु तेज धारी ची ङातरी हुती, ओनु ऊंची अवाजी लारे केहले, “आपणी तेज धारी ची ङातरी लारे धरती चे अंगूरा चे ग़ुच्छे बाढती गे, कांकि यिचे अंगूर पकती चुकले।”

प्रकाशितवाक्य 19:2

कांकि ओचे फैंसले सच्‍चे ते ठीक छी, ऐवास्ते कि ओणे वे बङी वेश्या नु जको आपणे व्यभिचार लारे धरती नु गन्दे करती, फैंसला करला, ते विचे कनु आपणे दासा चे लुहींया चा बदला गेहला।”

प्रकाशितवाक्य 6:9

जब मैमणे ने पाँचवी मौहर खोड़ली, तां मैं वेदी चे तले वांची आत्मा नु ङेखले, जको नरीकारा चे वचना ची वजह ते, वे ग़वाही ची वजह कनु जको वाणे ङिली हुती, मारती नाखले गेलते।