प्रकाशितवाक्य 14:6 - ओङ राजपूत

⁶ बल्ति मैं हेक नेरे स्वर्ग़दूता नु आसमाना चे आधे मां उङरते हुले ङेखले, जाये कनु धरती उपर रेहणे आला ची हर-हेक जाति, ते कोल्‍ल, ते भाषा, ते लौका नु सुणावणे वास्ते सनातन सुसमाचार हुता।

प्रकाशितवाक्य 14:6 ပူးပေါင်းရင်းမြစ်များ

मत्ती 10:27

जको मैं तम्हानु अन्धारे मां किहे, ओनु तम्ही सोज़ले मां किहा, ते जको कानो कान सुणा, ओनु छत्ता उपर कनु प्रचार करा।

मरकुस 16:15

ते ओणे वानु केहले, “तम्ही सारे संसारा मां जती कर ते सारी सृष्टि चे लौका नु सुसमाचार प्रचार करा।

रोमियां 16:25

हमा जको तम्हानु माया सुसमाचार यानिकि ईशु मसीह चे सनेसे चे प्रचार चे अनुसार मजबूत कर सग़े, ओ भेद चे प्रकाश चे अनुसार जको सनातन कनु लुकला रेहला,

कुलुस्सियां 1:23

ईं तां हो सग़े कि तम्ही विश्‍वास ची ढाल उपर मजबूत बणले रिहा ते ओ सुसमाचार ची आस नु जानु तम्ही सुणले, ना छोड़ा, जाया प्रचार आसमाना चे तले सारे संसारा मां करला गेला ते जाया मैं पौलुस सेवक बणला।

2 थिस्सलुनीकियां 2:16

अम्चा प्रभु ईशु मसीह आप ही, ते अम्चा ब़ा नरीकार, जेह्णे अम्चे लारे प्रेम राखला ते अनुग्रह चे लारे हमेशा ची शान्ति ते आच्छी आस ङिली,

इब्रानियां 13:20

शान्ति चा नरीकार, जेह्णे भेङा चे महान आजड़ी यानि मसीह ईशु, अम्चे प्रभु ईशु नु अनन्त वाचा चे लुहींया चे जरिये मरले आला महु जीते करले,

1 पतरस 1:25

पर प्रभु चा वचन हमेशा बणला रिही।” हा ओही सुसमाचार चा वचन छै जको तम्हानु सुणाला गेला हुता।

प्रकाशितवाक्य 10:11

बल्ति मनु ईं केहले गेले, “तनु ब़ोहत सारे लौका, ते जातिया ते भाषा, ते राजा चे बारे मां बल्ति भविष्यवाणी करनी पड़ी।”

प्रकाशितवाक्य 10:7

बल्कि सातवें स्वर्ग़दूता चे तुरही बजाणे उपर हुवणे आली अवाज चे ङिहां मां नरीकारा ची गुप्त योजना ओ सुसमाचार चे अनुसार जको ओणे आपणे दास भविष्यवक्‍ता नु ङिला पूरा हुवी।”

प्रकाशितवाक्य 13:7

ओनु हा वी अधिकार ङिला गेला कि पवित्र लौका लारे भिड़ो, ते वांचे कनु जीतती जाओ, ते ओनु हर हेक कोल्‍ल ते लौक ते भाषा ते जाति उपर अधिकार ङिला गेला।

प्रकाशितवाक्य 3:10

तु माये सब्रा चे वचना नु थामले, ऐवास्ते मैं वी तनु परीक्षा ची वे घड़ी कनु बचाती राखी जको धरती उपर रेहणे आला चे परखणे वास्ते सारे संसारा उपर आणे आली छै।

प्रकाशितवाक्य 5:9

वे ईं नवें गीत गाऊं लाग़ले, “तु ये किताबे नु गेहणे, ते ऐचीया मोहरा खोलणे चे लायक छी, कांकि तु बलि हुती कर, आपणे लुहींया लारे हर हेक कोल्‍ल ते भाषा ते लौक ते जाति महु नरीकारा वास्ते लौका नु मोल गेहले।

प्रकाशितवाक्य 8:13

जब मैं बल्ति ङेखले, तां आसमाना चे आधे मां हेक बाजा नु उङरते ते ऊंची अवाजी लारे ईं केहते सुणले, “वां तीन स्वर्ग़दूता ची तुरही ची अवाजी ची वजह जाये बजाणे हालि बाकि छै धरती चे रेहणे आला उपर हाय हाय हाय!”