प्रकाशितवाक्य 14:2 - ओङ राजपूत

² ते स्वर्ग़ कनु मैं हेक इसड़ा शब्द सुणला, जको पाणीया चा पछाड़ा ते बदला चे गरजणे ची अवाजी आलीकर हुता। ते जको शब्द मैं सुणला, ओ इसड़ा हुता, मनाकि वीणा बजाणे आले जिंवे वीणा बजावी पले।

प्रकाशितवाक्य 14:2 ပူးပေါင်းရင်းမြစ်များ

1 कुरिन्थियां 13:1

अगर मैं इन्साना ते स्वर्ग़दूता ची ब़ोलीया ब़ोले ते प्रेम ना राखे, तां मैं टनटनाता हुला पित्तल, ते छिणकते हुले छिणकणे छै।

प्रकाशितवाक्य 1:10

मैं प्रभु चे ङिओ पवित्र आत्मा मां आती गेला, ते आपणे भांसु तुरही जिसड़ी बङी अवाज ईं केहते सुणले,

प्रकाशितवाक्य 1:15

ओचे पग़्ग़ खरे पित्तला आलीकर हुते जिंवे मनती गिहा भट्टी मां तपाले गेले हो ते ओची अवाज घणे पाणीया चे खड़कारा आलीकर हुती।

प्रकाशितवाक्य 11:12

ते वानु स्वर्ग़ा कनु हेक बङा साङ सुणीला कि, “इठे उपर आवा।” हा सुणती कर वे बदला उपर सवार हुती कनु स्वर्ग़ा सनु चाह्‍ले गेले ते वांचे बैरी वानु जते ङेखते रेहले।

प्रकाशितवाक्य 11:15

ते जिसे बेले सातवें स्वर्ग़दूता ने तुरही बजाली, ते स्वर्ग़ा महु इसड़ी तेज अवाज आऊं लाग़ली कि, “हमा जग़त चा राज़ हमा अम्चे प्रभु चा छै, ते ओचे मसीह चा हुती गेला, ते हमेशा तक यानिकि युगानयुग तक राज़ करी।”

प्रकाशितवाक्य 15:2

बल्ति मैं हेक शीशे जिसड़ा समुन्दर ङेखला, ओ यूं हुता जिंवे ओचे मां जाखते मिड़ले आले हो, ते ओ ङरावणे ढौरा उपर, ते वे मूर्ति उपर, ते ओचे नांवा चे अंक उपर जीतले हुते, वानु मैं शीशे चे समुन्दरा चे गोढु नरीकारा ची वीणा नु चली भि ले ङेखले।

प्रकाशितवाक्य 18:22

ते वीणा बजाणे आले, ते गायककार, ते तुरही बजाणे आला चा शब्द बल्ति दुधे मां नी सुणीजी, ते कुई कला चा कारीगर वी बल्ति दुधे मां नी मिली, ते चक्‍की चलणे ची अवाज बल्ति कङी वी दुधे मां नी सुणीजी।

प्रकाशितवाक्य 5:8

जिसे बेले ओणे किताब चती गेली, ते वे चाहरी जीती जींये ते चौबीस प्राचीन ओ मैमणे चे सामणे ढेती पले। वांचे महु हर-हेक चे हाथा मां वीणा ते धूप, जको पवित्र लौका चीया प्राथना चे लारे भरले आले सोने चे मुंगर हुते।

प्रकाशितवाक्य 6:1

बल्ति मैं ङेखले कि मैमणे ने वां सात मौहरा महु हेक नु खोड़ले। ते वां चार जीते जींया महु हेके ची गाज जिसड़ी अवाज सुणली, “आ।”

प्रकाशितवाक्य 8:7

पेहले स्वर्ग़दूता ने तुरही बजाली, ते लुहींया लारे मिड़ले आले ओले ते जाखते पैदा हुले, ते धरती उपर भुकाती ङिले गेले। ते धरती ची हेक तिहाई ब़लती गेली, ते दरख्ता ची हेक तिहाई ब़लती गेली ते सारे सावे खड़ वी ब़लती गेले।