प्रकाशितवाक्य 14:13 - ओङ राजपूत

¹³ ते मैं स्वर्ग़ कनु हा शब्द सुणला कि, “लिखती गे, जको बन्दी प्रभु मां मरली, वे हमा कनु धन्‍न छी।” आत्मा किहे, “हां, हाओ ठीक छै। वानु आपणी मेहनत करने उपर हमा आराम मिली कांकि वांचे कर्म, वांचे लारे छी।”

प्रकाशितवाक्य 14:13 ပူးပေါင်းရင်းမြစ်များ

मत्ती 3:17

ओही बेले हा आकाशवाणी हुली, “हा माया प्यारा पूत छै। ऐकनु मैं ब़ोहत खौश छै।”

लूका 16:25

“पर अब्राहम ने केहले, ‘हे पूत, याद कर कि तु आपणे जीन्दगी मां आच्छीया चीजा तां गेहती चुकला, ते यूंही लाजर बुरीया चीजा, पर हमा ओ इठे शान्ति लारे छै, ते तु तड़फी पला।

लूका 16:9

ते मैं तम्हानु किहे पला, कि संसारा चे धन लारे आपणे वास्ते मित्र बणाती गिहा, कांकि जिसे बेले धन सम्पत्ति खत्तम हुती जई, तां नरीकार ते ओचे लौक तम्चा अनन्त निवास मां स्वागत करी।

रोमियां 14:8

कांकि अगर अम्ही जीते छिऊं तां, प्रभु चे वास्ते जीते छिऊं, ते अगर मरु तां, प्रभु चे वास्ते ही मरु, बल्ति अम्ही जिऊं जा मरु, अम्ही प्रभु चे ही छिऊं।

1 कुरिन्थियां 15:18

तब तां जको मसीह मां नूहती रेहले, वे वी नाश हुले।

1 कुरिन्थियां 15:20

पर सच्‍चमां मसीह मुड़दा महु जीता ऊठला, ते जको नूहती रेहले वांचे महु, ओ पेहला फल हुला।

1 कुरिन्थियां 15:58

ऐवास्ते हे प्यारे भऊ, मजबूत ते अटल रिहा, ते प्रभु चे कामा मां सदा बधते जावा, तम्ही ईं जाणा, तम्ची मेहनत प्रभु मां बेकार कोनी।

2 कुरिन्थियां 5:8

ऐवास्ते अम्ही हिम्मत ब़ांहली रिहुं, ते शरीरा नु छोड़ती कर प्रभु चे लारे रेहणे होर वी आच्छे समझु।

फिलिप्पियां 2:17

अगर मनु तम्चे विश्‍वास रूपी बलिदान ते सेवा चे लारे आपणे लुहीं वी बाहणे पड़ो, तां वी मैं खौश छै, ते तम्चे सारा लारे मैं खुशी मनावी।

1 थिस्सलुनीकियां 4:14

कांकि अम्ही विश्‍वास करु, कि ईशु मरला, ते जीता वी हुती गेला, ते अम्ही यूंही विश्‍वास करु कि नरीकार वानु वी जको ईशु मां नूहती रेहले, नरीकार ईशु चे लारे वानु भेज़ी।

1 थिस्सलुनीकियां 4:16

कांकि प्रभु आप ही स्वर्ग़ा कनु उतरी ते ओ बेले ललकार, ते प्रधान दूता चा साङ सुणीजी, ते नरीकारा ची तुरही फूकली जई, ते जको मसीह मां विश्‍वास करने आले मरले, वे पेहले जीते हुती जाये।

1 थिस्सलुनीकियां 5:10

ईशु मसीह अम्चे वास्ते ऐ वजह मरला, कि अम्ही चाहे जीते रिहुं चाहे मरती जऊं जिसे बेले ओ पुठा आवी ओचे लारे जिऊं।

1 तीमुथियुस 5:24

कोच्छ बन्दा चे पाप प्रकट हुती जई, ते न्यां चे वास्ते पेहले कनु पुज़ती जई, पर ङुजा चे तां भांसु कनु आवी।

1 तीमुथियुस 5:25

यूंही कितने भले काम वी प्रकट हुवी, ते जको ङिसी ना, वे वी छौप्प वी ना सग़ी।

प्रकाशितवाक्य 1:11

“जको कोच्छ तु ङेखी पला ओनु किताबे मां लिखती कर साता कलीसिया चे नांवे भेज़ती ङे यानि इफिसुस ते स्मुरना ते पिरगमुन ते थुआतीरा ते सरदीस ते फिलदिलफिया ते लौदीकिया नु।”

प्रकाशितवाक्य 10:4

जिसे बेले सात गरजणे चीया अवाजी सुणाई ङिती चुकलीया, तां मैं लिखणे उपर हुता, पर मैं स्वर्ग़ा महु हा अवाज सुणली जको बाता गरजणे चे वां, “सात अवाजी लारे सुणलीया वानु गुप्त राख ते ना लेख।”

प्रकाशितवाक्य 11:15

ते जिसे बेले सातवें स्वर्ग़दूता ने तुरही बजाली, ते स्वर्ग़ा महु इसड़ी तेज अवाज आऊं लाग़ली कि, “हमा जग़त चा राज़ हमा अम्चे प्रभु चा छै, ते ओचे मसीह चा हुती गेला, ते हमेशा तक यानिकि युगानयुग तक राज़ करी।”

प्रकाशितवाक्य 11:19

ते नरीकारा चा मन्दर जको स्वर्ग़ा मां छै, ओ खोड़ला गेला, ते ओचे मन्दरा मां ओचे वायदे ची सन्दूक ङिसली, ते बिजलीया ते शब्द ते गरजण ते भूकम्प हुले, ते भयानक बङे-बङे ओले ढेले।

प्रकाशितवाक्य 16:17

ते सातवें स्वर्ग़दूता ने आपणा मुंगर हवाई मां रेड़ला, ते मन्दरा चे सिंहासन कनु हा बङी अवाज आली कि, “हुती चुकला।”

प्रकाशितवाक्य 19:9

ते ओणे मनु केहले, “ईं लेख, कि धन्‍न छै ओ, जको मैमणे चे बीहा चे भोज़ मां हकारले गेले।” बल्ति ओणे मनु केहले, “ये वचन नरीकारा चे सच्‍च वचन छी।”

प्रकाशितवाक्य 2:1

“इफिसुस ची कलीसिया चे दूता नु ईं लेख, “जको सात तारे आपणे सज़्ज़े हाथा मां गेहली फिरे ते सोने चे सात ङीवा चे जाला चे आधे मां फिरता रिहे, ओ ईं किहे पला कि,

प्रकाशितवाक्य 2:7

“जाये कान हो वे सुणती गिहो, कि आत्मा कलीसिया नु का किहे पला। “जको जीतती जई, मैं ओनु ओ जीवन चे दरख्ता कनु जको नरीकारा चे स्वर्ग़ लौक मां छै, फल खाणे नु ङी।

प्रकाशितवाक्य 20:6

वे धन्‍न ते पवित्र छी, जको पेहले पुनरुत्थान मां शामिल हुवे, इसड़ा लौका उपर ङुजी मौत उपर कुई अधिकार कोनी, पर वे नरीकार ते मसीह चे याजक हुवे, ते ओचे लारे हजार साला तक राज़ करे।

प्रकाशितवाक्य 21:5

ते जको सिंहासन उपर ब़ेहला हुता, ओणे केहले, “ङेखा, मैं सारे कोच्छ नवें करती ङिये पला।” बल्ति ओणे केहले कि ऐनू लिखती गे कि, “कांकि हा वचन विश्‍वास चे लायक ते सच्‍च छै।”

प्रकाशितवाक्य 22:17

ते पवित्र आत्मा, ते बीन्दणी ङोनी किही, “आ!” ते सुणने आला वी किहो कि, “आ!” जको तरसेला आला हो, ओ वी आओ। ते जको कुई चाहवे ऊं वी जीवन चे पाणी नु यूंही गिहो।

प्रकाशितवाक्य 6:11

वांचे महु हर-हेक नु चिट्टी ओढ़णी ङिली गेली, ते वानु केहले गेले कि, “नेरा थोड़ी देर तक आराम करा, जब तक कि तम्चे लारे चे दास ते भऊ जको तम्चे आलीकर मरीजणे आले छी, वांची वी गिणती पुरी ना हुती गिहो।”