प्रकाशितवाक्य 13:12 - ओङ राजपूत

¹² ते हा ओ पेहले ङरावणे ढौरा चा सारा अधिकार कामा मां गेहता। ओणे धरती ते धरती उपर सारे रेहणे आला कनु ओ पेहले ङरावणे ढौरा ची उपासना करवाली हुती जाया खतरनाक जखम ठीक हुती चुकला हुता।

प्रकाशितवाक्य 13:12 ပူးပေါင်းရင်းမြစ်များ

2 थिस्सलुनीकियां 2:4

जको विरोध करे, ते हर हेक कनु जको ईश्‍वर जा पूजनीये किहवावे, आपणे आप नु बङे ठहरावे, इठे तक कि ओ नरीकारा चे मन्दरा मां ब़ेसती कर आपणे आप नु ईश्‍वर ठहरावे।

प्रकाशितवाक्य 13:2

ते जको ङरावणे ढौर मैं ङेखले, ओ चीत्ते आलीकर हुता, ओचे पग़्ग़ रिछा चे पग़्ग़ा आलीकर हुते, ते मुँह शेरा आलीकर हुते। ते ओ अजगर ने आपणी शक्‍ति, ते आपणा सिंहासन, ते बङा अधिकार, ओनु ङिती ङिला।

प्रकाशितवाक्य 13:8

धरती चे सब रेहणे आले, जाई नांवे ओ मैमणे ची जीवन ची किताबे मां लिखली कोनी गेली, जको संसारा ची शुरुआत चे समय कनु ही बलिदान हुला, ओ ढौरा ची पूजा करे।

प्रकाशितवाक्य 14:11

ते वांचे दर्दा चा धूंआ हमेशा तक चवीता रिही, ते जको ओ ङरावणे ढौरा ची ते मूर्ति ची पूजा करी, ते जको ओचे नांवा ची मौहर लवावे, वानु रात-ङिओ चैन नी मिली।”

प्रकाशितवाक्य 14:9

बल्ति तीजा स्वर्ग़दूत बङी अवाजी लारे हा केहता हुला आला कि, “जको कुई ओ ङरावणे ढौरा ची ते मूर्ति ची पूजा करे, ते आपणे मत्थे जा आपणे हाथा उपर ओची मौहर ची छाप लवावी,

प्रकाशितवाक्य 16:2

ते पेहले स्वर्ग़दूता ने जती कर आपणा मुंगर धरती उपर रेड़ती ङिला। ते वा बन्दा चे जको जानु ओ ङरावणे ढौर ची मौहर लाग़ली हुती, ते जको मूर्ति ची पूजा करते, हेक तरह चे गन्दे ते खतरनाक छाल्‍ले निकड़ले।

प्रकाशितवाक्य 17:8

जको ढौर तु ङेखले, ऊं पेहले तां हुते पर हमा कोनी, ते पताला महु निकलती कर विनाश मां ढी, ते धरती चे रेहणे आले जाई नांवे संसारा ची शुरुआत चे समय कनु जीवन ची किताबे मां लिखली कोनी गेली, ऐ ढौरा ची हा हालत ङेखती कर पेहले हुते ते हमा कोनी ते बल्ति आती जई, अचम्भा करे।

प्रकाशितवाक्य 19:20

ते ऊं ङरावणे ढौर ते ओचे लारे ओ कूड़ा भविष्यवक्‍ता पकड़ीला गेला, जेह्णे ओचे सामणे इसड़े चैन्ह ङिखाणले हुते, जाये जरिये ओणे वानु भरमाले हुते, जाणे ओ ङरावणे ढौरा ची मौहर लवाली हुती, ते जको वे मूर्ति ची पूजा करते। ऊं ङरावणे ढौर ते कूड़े भविष्यवक्‍ता नु जीते-जी ओ जाखते ची झील मां जको गन्धक लारे ब़लती रिहे, नाखती ङिले गेले।

प्रकाशितवाक्य 20:4

बल्ति मैं कोच्छ सिंहासन ङेखले, ते वांचे उपर लौक ब़ेसती रेहले, ते वानु फैंसला करने चा अधिकार ङिला गेला। तां वा लौका चीया आत्मा वी मैं ङेखलीया, जाई ठोङे वी ईशु ची ग़वाही ङेणे ते नरीकारा चे वचना ची वजह बाढली गेलती, ते जाणे ना ही ओ ङरावणे ढौरा ची, ते ना ही ओ मूर्ति ची पूजा करली हुती, ते ना ही ओची मौहर आपणे मत्था उपर ते हाथा उपर लवाली हुती। वे जीते हुती कर मसीह चे लारे हजार साला तक राज़ करते रेहले।