प्रकाशितवाक्य 12:4 - ओङ राजपूत

⁴ ते ओची पूंछे ने आसमाना चे तारा ची हेक तिहाई भाग़ ब़ुहारती कर धरती उपर नाखती ङिले। वां असतरी जको ब़ाला नु पैदा करने आली हुती, ओ अजगर आती कर विचे सामणे भिला रेहती गेला ताकि जिंवे वा ब़ाला नु पैदा करी, ओ वे ब़ाला नु निग़लती जाओ।

प्रकाशितवाक्य 12:4 ပူးပေါင်းရင်းမြစ်များ

यूहन्‍ना 8:44

तम्ही आपणे ब़ा शैताना ची ऊलाद्ध छिवा, ते आपणे ब़ा ची इच्छा नु पुरी करने चाहवा। ओ तां शुरु कनु हत्यारा छै, ते सच्‍च उपर कोनी रुकला, कांकि सच्‍च ओचे मां छै ही कोनी। जिसे बेले ओ कूड़ मारे, तां आपणे सुभाव लारे ही कूड़ मारे, कांकि ओ कूड़ा छै, बल्कि कूड़ा चा ब़ा छै।

1 पतरस 5:8

सचेत हुवा ते जाग़ते रिहा कांकि तम्चा विरोधी शैतान गरजणे आले शेरा आलीकर ईं सोता रिहे कि कानु फाड़ती खाये

प्रकाशितवाक्य 12:7

बल्ति स्वर्ग़ा उपर लड़ाई हुली, खास मीकाईल ते ओचे स्वर्ग़दूत अजगर लारे लड़ाई करने चे वास्ते निकड़ले, अजगर ने वी ओचे दूता लारे योद्ध करला।

प्रकाशितवाक्य 12:9

ते ओ बङा अजगर यानिकि ओही पुराणा नाग़, जको इबलीस शैतान किहवावे, ते सारे संसारा नु भरमावे, धरती उपर ढाती ङिला गेला, ते ओचे दूत ओचे लारे तले भुकाती ङिले गेले।

प्रकाशितवाक्य 13:2

ते जको ङरावणे ढौर मैं ङेखले, ओ चीत्ते आलीकर हुता, ओचे पग़्ग़ रिछा चे पग़्ग़ा आलीकर हुते, ते मुँह शेरा आलीकर हुते। ते ओ अजगर ने आपणी शक्‍ति, ते आपणा सिंहासन, ते बङा अधिकार, ओनु ङिती ङिला।

प्रकाशितवाक्य 13:4

ते वाणे अजगर ची पूजा करली, कांकि ओणे ङरावणे ढौरा नु आपणा अधिकार ङिती ङिलता, ते ङरावणे ढौरा ची वी पूजा करली ते ईं वी केहले कि, “ऐ ढौरा आलीकर कूण छै? ते कूण ओचे लारे योद्ध कर सग़े?”

प्रकाशितवाक्य 16:13

ते बल्ति मैं ओ अजगर चे मुँहा कनु, ते ओ ङरावणे ढौरा चे मुँहा कनु ते ओचे कूड़े भविष्यवक्‍ता चा मुँहा कनु तीन दुष्टात्मा नु ङेङरा चे रूपा मां निकलते हुले ङेखले।

प्रकाशितवाक्य 17:18

ते वा असतरी, जानु तु ङेखले ओ बङा शहर छै, जको धरती चे राजा उपर राज़ करे।”

प्रकाशितवाक्य 20:2

ते ओणे ओ अजगर नु, यानिकि पुराणे नाग़ा नु, जको इबलीस ते शैतान छै, पकड़ती कर हजार साला चे वास्ते संगला लारे ब़ांथी नाखले।

प्रकाशितवाक्य 8:10

तीजे स्वर्ग़दूता ने तुरही बजाली ते हेक बङा तारा जको मशाली आलीकर ब़लता, आसमाना कनु तरुटला, ते नदीया चे तीजे हेंस्से उपर ते पाणीया चे झरना उपर आती ढेला।

प्रकाशितवाक्य 8:11

ओ तारे चे नां नागदौना छै, ते तीजा हेंस्सा पाणी नागदौने जिसड़े खारे जहर हुती गेले ते ब़ोहत सारी बन्दी ओ पाणीया चे खारे हुवणे लारे मरती गेली।

प्रकाशितवाक्य 8:12

चौथे स्वर्ग़दूता ने तुरही बजाली, ते सूरजा चा तीजा हेंस्सा, ते चाँदा चा तीजा हेंस्सा ते तारा चे तीजे हेंस्से उपर आफत आली, इठे तक कि वांचे तीजे हेंस्से मां अन्धारे हुती गेले ङिहां चे तीजे हेंस्से मां सोज़ले ना रेहले ते यूंही राती मां वी।

प्रकाशितवाक्य 8:7

पेहले स्वर्ग़दूता ने तुरही बजाली, ते लुहींया लारे मिड़ले आले ओले ते जाखते पैदा हुले, ते धरती उपर भुकाती ङिले गेले। ते धरती ची हेक तिहाई ब़लती गेली, ते दरख्ता ची हेक तिहाई ब़लती गेली ते सारे सावे खड़ वी ब़लती गेले।

प्रकाशितवाक्य 8:8

ङुजे स्वर्ग़दूता ने तुरही बजाली तां मना जाखते जिसड़ा ब़लता हुला हेक बङा पहाड़ समुन्दरा मां नाखला गेला ते सारे समुन्दरा चा तीजा हेंस्सा लुहीं हुती गेले।

प्रकाशितवाक्य 8:9

ते समुन्दरा ची तीजा हेंस्सा जींये मरती गेली ते तीजा हेंस्सा जहाजा चा नाश हुती गेले।

प्रकाशितवाक्य 9:10

वांची पूंछ बिच्छुवा जिसड़ी हुती ते वांचे मां ङंग हुते, ते वानु पाँचा मेहना तक बन्दा नु ङोख पुचाणे ची जको ताकत मिड़ली हुती वा वांची पूंछे मां हुती।

प्रकाशितवाक्य 9:19

कांकि वां घोड़ा ची ताकत वांचे मुँहा ते पूंछा मां हुती, ऐवास्ते कि वांचीया पूंछा नाग़ा जिसड़ीया हुतीया, ते वां पूंछा चे मुँह वी हुते ते वांचे लारे वे दर्द पुचाते।