प्रकाशितवाक्य 11:2 - ओङ राजपूत

² पर मन्दरा चे ब़ाहर चा बेहड़ा छोड़ती ङे, ओनु ना नाप, कांकि ओ नेरीया जातिया नु ङिला गेला, ते वे पवित्र शहरा नु ब़ियालीस मेहना तक लताड़े।

प्रकाशितवाक्य 11:2 ပူးပေါင်းရင်းမြစ်များ

मत्ती 27:53

ते ईशु चे जीते हुवणे चे बाद वे कब्रा महु निकलती कर पवित्र शहरा मां गेले ते घणा नु ङिसले।

मत्ती 4:5

बल्ति शैतान ओनु पवित्र शहर यरुशलेम मां गेहती गेला ते मन्दरा चे कंगूरे उपर खड़े करले,

मत्ती 5:13

“तम्ही धरती चे लूण छिवा, पर अगर लूणा चा स्वाद बिगड़ती जाये, तां ऊं बल्ति किसी चीजे लारे नमकीन करले जई? बल्ति ऊं कुई कामा चे कोनी, सेर्फ ऐचे कि ब़ाहर भुकाले जई ते बन्दा चे पग़्ग़ा तले लुथोड़ले जाओ।

लूका 21:24

वे तलवारी चे गिरां हुती जाये, ते सारे देशा चे लौका मां कैदी हुती कर पुचाले जाये, ते जब तक नेरीया जातिया चा समय पूरा ना हो, तब तक यरुशलेम नेरीया जातिया कनु लताड़ला जई।

इब्रानियां 10:29

तां सोचती गिहा कि ओ कितने भारी ङण्ड चा भाग़ी बणी, जेह्णे नरीकारा चे पूता चा अनादर करला ते वाचा चे लुहींया नु जाये जरिये ओ पवित्र ठहराला गेलता, अपवित्र जाणले ते अनुग्रह ची आत्मा चा अपमान करला।

प्रकाशितवाक्य 11:11

ते साढे तीन ङिहां चे बाद नरीकारा ची ओर कनु जीवन ची आत्मा वांचे मां घिरती गेली, ते वे आपणे पग़्ग़ा चे दमा उपर भिले रेहती गेले, ते वानु जको ङेखी भिलते ले वे ब़ोहत घणे ङरती गेले।

प्रकाशितवाक्य 11:3

ते मैं आपणे ङुंहु ग़वाहा नु हा अधिकार ङिही, कि वे ब़ोरी ची ओढ़णी घालती कर हेक हजार ङोन साऔ साठ ङिहां तक भविष्यवाणी करे।”

प्रकाशितवाक्य 12:6

ते वा असतरी वे बरब्यान जग़हा मां नासती गेली, जिठे नरीकारा ची ओर कनु विचे वास्ते हेक जग़हा तियार करली गेलती ली, कि ओठे वा हेक हजार ङोन साऔ साठ ङिहां तक पाड़ली-पोसली जाओ।

प्रकाशितवाक्य 21:10

नरीकारा ची आत्मा मां ओ स्वर्ग़दूत मनु हेक बङे ते ऊंचे पहाड़ा उपर गेहती गेला, ते पवित्र शहर यरुशलेम नु स्वर्ग़ा कनु नरीकारा चे सामणे कनु तले उतरते ङिखाणले।

प्रकाशितवाक्य 21:2

बल्ति मैं पवित्र शहर नवें यरुशलेम नु स्वर्ग़ा कनु ते नरीकारा चे गोढु कनु तले उतरते ङेखले, ते ओ शहर वे बीन्दणी आलीकर हुता, जको आपणे मुणसा चे वास्ते सिंगार करली आली बीन्दणी हो।

प्रकाशितवाक्य 22:19

ते अगर कुई ऐ भविष्यवाणी ची किताबे चा बाता महु कहीं काढ़ती नाखे, ते नरीकार ओ जीवन चे पेड़ ते पवित्र शहर महु जाई चर्चा ऐ किताबे मां छै, ओचा हेंस्सा काढ़ती नाखी।