प्रकाशितवाक्य 11:18 - ओङ राजपूत

¹⁸ ते नेरीया जातिया ने गुस्सा करला, ते दुधा प्रकोप आती पड़ला, ते ओ समय आती पुज़ला, कि मरला आला चा न्यां करला जाओ, ते दुधे दास भविष्यवक्‍ता ते पवित्र लौका नु ते वां छोटे बङा नु जको दुधे नांवा लारे ङरी, बदला ङिला जाओ। ते धरती चे बिगाड़ने आले नाश करले जाओ।”

प्रकाशितवाक्य 11:18 ပူးပေါင်းရင်းမြစ်များ

मत्ती 5:12

ओ बेले आनन्द चे लारे मगन हुजा, कांकि तम्चे वास्ते स्वर्ग़ा मां बङा प्रतिफल छै। ऐवास्ते कि वाणे वां भविष्यवक्‍ता नु जको तम्चे कनु पेहले हुते यूंही सताले हुते।

लूका 1:50

ओची दया वांचे उपर जको ओचा कद्दर करी, पीढ़ी दर पीढ़ी बणली रिही।

इब्रानियां 9:27

ते जिंवे इन्साना वास्ते हेक वारी मरणे ते ओचे बाद न्यां चे हुवणे तय छै,

प्रकाशितवाक्य 10:7

बल्कि सातवें स्वर्ग़दूता चे तुरही बजाणे उपर हुवणे आली अवाज चे ङिहां मां नरीकारा ची गुप्त योजना ओ सुसमाचार चे अनुसार जको ओणे आपणे दास भविष्यवक्‍ता नु ङिला पूरा हुवी।”

प्रकाशितवाक्य 11:2

पर मन्दरा चे ब़ाहर चा बेहड़ा छोड़ती ङे, ओनु ना नाप, कांकि ओ नेरीया जातिया नु ङिला गेला, ते वे पवित्र शहरा नु ब़ियालीस मेहना तक लताड़े।

प्रकाशितवाक्य 13:10

जानु कैदखाने मां जाणे, ऊं कैदखाने मां जई, जको तलवारी लारे मारी, जरुरी छै कि ऊं वी तलवारी लारे मारले जई। पवित्र लौका चा सब्र ते विश्‍वास ऐचे मां छै।

प्रकाशितवाक्य 13:16

ते ओणे छोटे, बङे, कंगाल, आजाद, दास सारे चे सज़्ज़े हाथा उपर जा वांचे मत्थे उपर हेक-हेक मौहर लवाणे चे वास्ते मजबूर करले।

प्रकाशितवाक्य 14:10

ते ओ नरीकारा चे गुस्से ची मदिरा जको मुंगरा मां नाखली गेली पीयें, ते पवित्र स्वर्ग़दूता चे सामणे, ते मैमणे चे सामणे जाखते ते गन्धक चे दर्दा मां पड़ला रिही।

प्रकाशितवाक्य 15:1

बल्ति मैं स्वर्ग़ा मां बङा ते अचम्भे चा चैन्ह ङेखला, यानिकि सात स्वर्ग़दूत जाये कनु सात भांसलीया आफता हुतीया, कांकि वांचे हुती जाणे उपर नरीकारा चे गुस्से चा अन्त छै।

प्रकाशितवाक्य 15:7

ते वा चऊं जीते जींया महु हेके ने सात स्वर्ग़दूता नु जको सदा-मदा जीते रेहणे आले नरीकारा चे गुस्से लारे भरीले आले सात सोने चे मुंगर ङिले।

प्रकाशितवाक्य 18:6

जिसड़े ओणे तम्हानु ङिले, यूंही तम्ही ओनु भरती ङिया, ते ओचे कामा चे अनुसार ओनु दुगणे ङिया, जिसे मुंगरा मां ओणे भरती ङिलते ले। ओही मुंगरा मां ओनु दुगणे भरती ङिया।

प्रकाशितवाक्य 19:15

ते जाति-जाति नु मारणे चे वास्ते ओचे मुँहा कनु हेक तेज धार ची तलवार निकले पलती ली, ते ओ लोहे चा राज़ङण्ड चती कर वांचे उपर राज़ करी, ते ओ सर्वशक्‍तिमान नरीकारा चे खतरनाक गुस्से ची जलजलाहट चे मदिरा चे कुण्डे मां अंगूरा चे रसा नु निचोड़ी।

प्रकाशितवाक्य 19:18

जाये कनु तम्ही राजा चा मांस, ते सरदारा चा मांस, ते खास बङा लौका चा मांस, ते घोड़ा चा मांस, ते वांचे उपर सवार बन्दा चा मांस, ते का ही आजाद लौक, का दास, का छोटे, का बङे, सारे लौका चा मांस खावा।”

प्रकाशितवाक्य 19:5

तब सिंहासन महु हेक शब्द निकड़ला कि, “हे अम्चे नरीकारा कनु सारे जणे ङरणे आले दास, का छोटे, का बङे, तम्ही सारे ओची स्तुति करा।”

प्रकाशितवाक्य 20:12

बल्ति मैं छोटे बङे सब मरला आला नु सिंहासन चे सामणे भिले आले ङेखले, ते किताबा खोड़लीया गेलीया, ते बल्ति हेक नेरी किताब खोड़ली गेली, यानि “जीवन ची किताब” ते जिंवे वां किताबा मां लिखले आले हुते, यूंही वांचे कामा चे अनुसार मरला आला चा न्यां करला गेला।

प्रकाशितवाक्य 20:15

ते जाये काये नां “जीवन ची किताबे” मां लिखले आले कोनी मिड़ले, ओ जाखते ची झील मां नाखला गेला।

प्रकाशितवाक्य 22:12

ईशु ने केहले, “ङेखा, मैं ब़ोहत जल्दी आणे आला छै, ते हर-हेक नु ओचे कामा चे अनुसार बदला ङेणे चे वास्ते प्रतिफल माये कनु छै।