प्रकाशितवाक्य 10:11 - ओङ राजपूत

¹¹ बल्ति मनु ईं केहले गेले, “तनु ब़ोहत सारे लौका, ते जातिया ते भाषा, ते राजा चे बारे मां बल्ति भविष्यवाणी करनी पड़ी।”

प्रकाशितवाक्य 10:11 ပူးပေါင်းရင်းမြစ်များ

प्रकाशितवाक्य 10:10

तां मैं वा छोटी किताब ओ स्वर्ग़दूता चे हाथु गेहती कर खाती गेली। वा माये मुँहा मां मिसरी आलीकर मीठ्ठी तां लाग़ली, पर जिसे बेले मैं विनु खाती गेला ते माये ढिड्डा मां भाह लाग़ु लाग़ती गेली।

प्रकाशितवाक्य 11:1

ते मनु नापणे वास्ते हेक कान्‍नै ङिले, ते केहणी केहले, “ऊठ, नरीकारा चा मन्दर ते वेदी नु नापती गे, ते ओचे मां जको बन्दी महिमा करी पली वानु गिणती गे।

प्रकाशितवाक्य 11:9

ते सारे लौक, ते कोल्‍ल, ते भाषा, ते जातिया चे लौक वांचीया लाशा नु साढे तीन ङिहां तक ङेखते रिहे, ते वांचीया लाशा नु कब्रा मां मेहलु नी ङिये।

प्रकाशितवाक्य 14:6

बल्ति मैं हेक नेरे स्वर्ग़दूता नु आसमाना चे आधे मां उङरते हुले ङेखले, जाये कनु धरती उपर रेहणे आला ची हर-हेक जाति, ते कोल्‍ल, ते भाषा, ते लौका नु सुणावणे वास्ते सनातन सुसमाचार हुता।

प्रकाशितवाक्य 17:10

ते वे सात राजे वी छी, पाँच चा खातमा हुती चुकला, ते हेक हालि छै, ते हेक हालि तक आला कोनी, ते जिसे बेले आवी, ते कोच्छ समय तक ओचे रेहणे जरुरी छै।

प्रकाशितवाक्य 17:12

“ते जको ङस सींगे तु ङेखली वे ङस राजा छी, जेह्णे हालि तक आपणा राज़ शुरु कोनी करला, पर ढौरा चे लारे घड़ी भर राज़ करने चे वास्ते वानु अधिकार ङिला जई।

प्रकाशितवाक्य 17:15

बल्ति ओणे मनु केहले, “जको पाणीया चीया नदीया तु ङेखलीया, जाये उपर वेश्या ब़ेहली, वे तां लौक, ते भीड़, ते जातिया, ते भाषा छी।

प्रकाशितवाक्य 5:9

वे ईं नवें गीत गाऊं लाग़ले, “तु ये किताबे नु गेहणे, ते ऐचीया मोहरा खोलणे चे लायक छी, कांकि तु बलि हुती कर, आपणे लुहींया लारे हर हेक कोल्‍ल ते भाषा ते लौक ते जाति महु नरीकारा वास्ते लौका नु मोल गेहले।