फिलिप्पियां 4:12 - ओङ राजपूत

¹² मैं घटी कमी मां रेहणे चा भेद वी जाणे, ते हा वी जाणे जिसे बेले सारे कोच्छ हो ते किवें रेहले जाये वे, किसड़ा वी समय हो किसड़ी वी दशा हो चाहे ढेड्ड भरीले आले हो चाहे भुक्‍के हो, चाहे ब़ोहत हो जा ते बल्ति कहीं वी ना हो, मैं वा सारा मां खौश हुवणे चा भेद सिखती गेला।

फिलिप्पियां 4:12 ပူးပေါင်းရင်းမြစ်များ

मत्ती 11:29

माये जूले नु आपणे उपर चती गिहा ते माये कनु सिखा, कांकि मैं नर्म ते मना मां दीन छै, ते तम्ही आपणे मना मां आराम गिहा।

मत्ती 13:52

ईशु ने वानु केहले, “ऐवास्ते हर हेक शास्त्री जको स्वर्ग़ा चे राज़ ची शिक्षा पाती चुकला, ओ घरा आलीकर छै, जको आपणे भीतरु नवींया ते पुराणीया चीजा नु काढ़ी।”

2 कुरिन्थियां 10:1

मैं पौलुस तम्हानु मसीह ची नरमाई, ते दयालुता चे वजह निवेदन करे पला। पर कोच्छ लौक किहे कि, मैं तम्चे सामणे नरमाई लारे बर्ताव करे, पर तम्चे कनु दूर हुवणे पर सख्ताई लारे बर्ताव करे।

2 कुरिन्थियां 10:10

कांकि कोच्छ लौक तां किही कि, “ओचीया चिठ्ठीया तां कठिन ते असरदार छी, ते जिसे बेले ओ आप आवे तां ओचे शरीर कमजोर लाग़े ते ओची ब़ोलणे ची ताकत ना चे बराबर छै।”

2 कुरिन्थियां 11:27

मैं कई राती जाग़ती कर, खास करती भुक्‍का तरसेला रेहती कर, ते ठड्डी ची वजह कनु ते कम ओढ़णा ची वजह कनु मैं घणीया मुसीबता सहन करलीया।

2 कुरिन्थियां 11:7

का ऐचे मां मैं कुई पाप करला कि, मैं तम्हानु नरीकारा चा सुसमाचार मुफ्त मां सुणाला, ते आपणे आप नु झिके करले, कि तम्ही ऊंचे हुती जावा?

2 कुरिन्थियां 11:9

ते जब मैं तम्चे लारे हुता, ते मनु कमी पेशी हुली तां मैं काये उपर बोझ कोनी नाखला, कांकि भावां ने मकिदुनिया कनु आती कर माई जरुरता नु पुरे करले। मैं हर बाते मां आपणे आप नु तम्चे उपर बोझ हुवणे कनु रोकले, ते रोकली वी रिही।