फिलिप्पियां 3:6 - ओङ राजपूत

⁶ जोश चे बारे अगर किहा तां कलीसिया नु सतावणे आला, ते व्यवस्था ची धार्मिकता चे बारे अगर किहा तां मैं निर्दोष हुता।

फिलिप्पियां 3:6 ပူးပေါင်းရင်းမြစ်များ

मत्ती 23:25

“हे कप्पटी शास्त्री ते फरीसी, तम्चे उपर हाय! तम्ही मुंगर ते थाली नु उपर-उपर कनु तां मांझा पर वे भीतर अन्धेर ते असंयम लारे भरले आले छी।

मत्ती 5:20

कांकि मैं तम्हानु सच्‍च किहे कि अगर तम्ची धार्मिकता, शास्त्रीया ते फरीसिया ची धार्मिकता कनु बढ़ती कर ना हो, तम्ही स्वर्ग़ चे राज़ मां कङी वी ना जा सग़ा।

लूका 1:6

ते वे ङोनी नरीकारा चे सामणे धर्मी हुती, ते प्रभु चीया सारीया आज्ञा ते विधिया उपर निर्दोष चलणे आली हुती।

प्रेरितां चे काम 21:20

वाणे ईं सुणती कर नरीकारा ची महिमा करली ते बल्ति ओनु केहले कि, “हे भऊ पौलुस, तु ङेखी पला, कि यहूदिया महु कई हजार लौका ने विश्‍वास करला। वे सारे व्यवस्था चे पक्‍के समर्थक वी छी।

प्रेरितां चे काम 22:5

“ये बाते चे वास्ते महायाजक ते सारे बङके ग़वाह छी, कि वांचे कनु, मैं भावां चे नांवा उपर चिठ्ठीया गेहती कर दमिश्क नु जाये पलता, कि जको ओठे हो वानु वी ङण्ड ङिवाणे चे वास्ते ब़ांथी कर यरुशलेम गेहती आवे।

प्रेरितां चे काम 26:5

अगर वे ग़वाही ङेणा चाहवी, तां शुरु कनु मनु पेहचाणी कि मैं फरीसी हुती कर आपणे धर्म चे सबकनु खरे पंथ चे अनुसार टुरला।

प्रेरितां चे काम 8:3

पर शाऊल कलीसिया नु उज़ाड़े पलता, ते घरे-घरे घिरती कर मर्दा ते असतरीया नु घींसती-घींसती कर कैदखाने मां नाखती ङिता।

रोमियां 7:9

मैं तां व्यवस्था चे बिना पेहले जीता हुता, पर जिसे बेले आज्ञा आली, तां पाप जीता हुती गेला, ते मैं मरती गेला।

1 कुरिन्थियां 10:32

तम्ही ना यहूदिया वास्ते, ना नेरीया जातिया ते ना नरीकारा ची कलीसिया वास्ते ठोकर ची वजह बणा।

1 कुरिन्थियां 15:9

कांकि मैं प्रेरितां महु सबकनु छोटा छै, बल्कि प्रेरित किहवाणे चे वी काबिल कोनी, कांकि मैं नरीकारा ची कलीसिया नु सताले हुते।

फिलिप्पियां 2:15

ताकि तम्ही भोले-भाले ते पवित्र बणती जावा। बल्ति टेढे ते हठीले लौका चे बीच नरीकारा ची निष्कलंक ऊलाद्ध बणती जावा। वांचे बीच मां तम्ही जीवन चा वचन चते हुले दुनिया मां तारा आलीकर चमकते ङिसा।

फिलिप्पियां 3:9

ते ओचे मां ही लाभे माई वे धार्मिकता ची वजह कनु ना जको व्यवस्था चे विधान उपर टिकली हुती, बल्कि वे धार्मिकता ची वजह कनु जको मसीह मां विश्‍वास ची वजह कनु मिले, जको नरीकारा कनु मिले ते जाया अधार विश्‍वास छै।

1 तीमुथियुस 1:13

मैं तां पेहले निन्दा करने आला, ते सतावणे आला, ते अन्धेर करने आला हुता, तां वी माये उपर दया हुली, कांकि मैं अविश्‍वास ची दशा मां बिना सोचले समझले, ये कामे करली हुती।