फिलिप्पियां 2:29 - ओङ राजपूत

²⁹ ऐवास्ते तम्ही प्रभु मां ओचे लारे घणी खुशी लारे ओचा स्वागत करा, ते इसड़ा बन्दा चा ज्यादा कनु ज्यादा कद्दर करले करा।

फिलिप्पियां 2:29 ပူးပေါင်းရင်းမြစ်များ

लूका 9:5

जको कुई तम्हानु ग्रहण ना करो, ओ शहरा महु निकलते हुले आपणे पग़्ग़ा ची धूड़ झाड़ती नाखा, कि वांचे उपर ग़वाही हो।”

यूहन्‍ना 13:20

मैं तम्हानु सच्‍च-सच्‍च किहे पला कि जको माये भेज़ले आले नु स्वीकार करे, ओ मनु स्वीकार करे, ते जको मनु स्वीकार करे, ओ माये भेज़णे आले नु स्वीकार करे।”

प्रेरितां चे काम 2:46

ते वे रोजाना हेक मन हुती कर मन्दरा मां भेले हुते, ते घरा-घरा मां जती कर बच्‍चड़ रोटी खाणे ते खुशी लारे मना ची सिधाई लारे रलती-मिलती कर खाणे खाते,

प्रेरितां चे काम 28:10

वाणे अम्चा ब़ोहत ज्यादा आदर सत्कार करला, ते जिसे बेले अम्ही टुरु लाग़ले, ते जको कोच्छ चीजा ची अम्हानु जरुरत हुती, ते वाणे वां चीजा नु जहाजा उपर मेहलती ङिलीया।

प्रेरितां चे काम 8:8

ते ओ शहरा चे लौका मां बङी खुशी आती गेली।

रोमियां 10:15

ते अगर प्रचारक भेज़ले ना जाओ, तां प्रचार किवें करे? जिसड़े कि पवित्रशास्त्रा मां लिखले पले, “वांचे पग़्ग़ कितने सुहावने छी, जको सुसमाचार सुणावी।”

रोमियां 16:2

तम्हानु जिसड़े कि नरीकारा चे लौका नु करने चाही छै, यूंही विनु प्रभु मां ग्रहण करा, ते जिसी कुई बाते मां विनु तम्चे कनु सहायता ची जरुरत हो, विची सहायता करा, कांकि खौद्द विणे कईयां ची सेवा करली ते माई वी सहायक हुली।

1 कुरिन्थियां 16:10

जिसे बेले तीमुथियुस तम्चे गोढु आती जाओ, तां ओचा ध्यान राखजा तम्चे इठे निश्‍चिन्त रिहो कांकि ओ माये आलीकर प्रभु चे काम करे।

1 कुरिन्थियां 16:18

ते वाणे माई ते तम्ची आत्मा नु चैन ङिला, ऐवास्ते इसड़ा नु मना।

2 कुरिन्थियां 10:18

कांकि जको आपणी बढ़ाई खौद्द करे, वा ना मनीजी, पर जाई बढ़ाई प्रभु करे, वा ही ग्रहण करली जई।

2 कुरिन्थियां 7:2

अम्हानु आपणे दिला मां जग़हा ङिया। अम्ही ना तां काये लारे अन्याय करला, ते ना ही कानु बिगाड़ले, ते ना ही कानु ठग़्ग़ले।

फिलिप्पियां 2:28

ऐवास्ते मैं ओनु होर वी जल्दी भेज़े पला ताकि तम्ही ओनु ङेखा हेक वारी बल्ति खौश हुती जावा ते माये ङोख वी कम हुती जाओ।

कुलुस्सियां 4:10

अरिस्तर्खुस जको माये लारे कैदी छै, ते मरकुस जको बरनबास चा भऊ लाग़े वांचा ङुंहु चा तम्हानु नमस्कार। मरकुस जाये बारे मां तम्हानु आज्ञा मिड़ली हुती कि अगर ओ तम्चे गोढु आती जाये, तां ओची आच्छी इज्जत करजा

1 थिस्सलुनीकियां 5:12

ते ओ माये भऊ ते ब़ेहणीया, अम्ही तम्हा कनु बिनती करु पले, कि जको तम्चे मां मेहनत करी वी, ते प्रभु मां तम्चे अग़ुवे छी, ते तम्हानु शिक्षा ङी, ते वानु मना।

1 तीमुथियुस 5:17

जको अग़ुवे आच्छा प्रबन्ध करते हो, खास करती वे जको वचन सुणावणे ते सिखावणे मां मेहनत करी, ङोन गुणा कद्दर चे लायक समझले जाओ।

इब्रानियां 13:17

आपणे अग़ुवा ची आज्ञापालन करा, वांचे अधीन रिहा, वे तम्ची आत्मा चे पाहरेदार छी, वानु तम्चे बारे मां हिसाब ङेणा, वांचे वास्ते ईं काम खुशी चा विषय बणला रिहो। अगर हेक कष्ट भरला बोझ बणा, तां ईं तम्चे वास्ते फायदेमन्द नी हुवी।

3 यूहन्‍ना 1:10

ऐवास्ते जिसे बेले मैं आवी, ते ओचे कामा नु जको ओ करता आला याद ङिवावी। वे बेकार मां अम्चे वास्ते गन्दिया-गन्दिया बाता केहती कर दोष लावे, इतने लारे वी जी ना भरीजी, विश्‍वास करने आला भावां चा ते ना ते खौद्द स्वागत करे, ते ना कानु करु ङिये, ते जको वांचा स्वागत करे, वानु कलीसिया कनु ब़ाहरु काढ़ती छोड़े।