फिलिप्पियां 1:4 - ओङ राजपूत

⁴ ते जिसे बेले कङी तम्चे सब वास्ते विनती करे, तां सदा खुशी लारे विनती करता रिहे।

फिलिप्पियां 1:4 ပူးပေါင်းရင်းမြစ်များ

मरकुस 5:5

ओ रात-ङिओ कब्रस्ताना ते पहाड़ा मां चीकता-रोल मचाता ते भटकता रेहता आपणे आप नु पत्थरा लारे जखमी करता।

लूका 15:10

मैं तम्हानु किहे पला कि यूंही हेक मन फिरावणे आले पापी चे बारे मां नरीकारा चे स्वर्ग़दूता चे सामणे खुशी हुवे।”

लूका 15:7

“मैं तम्हानु किहे पला कि यूंही करती कर हेक मन फिरावणे आले पापीया चे बारे मां वी स्वर्ग़ा मां इतनी ही खुशी हुवी, जितना कि वां निन्याणवे इसड़े धर्मीया चे बारे मां नी हुवी, जानु मन फिरावणे ची जरुरत कोनी।

रोमियां 1:9

नरीकार, जाई सेवा मैं आपणी आत्मा लारे ओचे पूता चे सुसमाचार चे बारे मां करे, ओही माया ग़वाह छै कि, मैं किवें आपणी प्राथना मां लगातार तम्हानु याद करता रिहे।

फिलिप्पियां 2:2

तां माई हा खुशी पुरी करा के हेक मन रिहा, ते हेक ही प्रेम, हेक चेत्त, हेक ही मन्सा राखा।

फिलिप्पियां 3:18

कांकि ब़ोहत से इसड़ी चाल चली, जाई चर्चा मैं तम्हानु बार-बार करली, ते हमा वी रोती-रोती कर किहे पला कि वे आपणी चाल-चलन लारे मसीह चे क्रूसा चे बैरी छी।

फिलिप्पियां 4:1

ऐवास्ते माये प्यारे भऊ ते ब़ेहणीया, तम्ही जको माई खुशी ते माया मान-समान छिवा। तम्हानु ङेखणे चे वास्ते माये मन तरसे पले, जिसड़े मैं तम्हानु बावड़ले यूंही प्रभु मां टिकले रिहा।

कुलुस्सियां 2:5

कांकि मैं अगर शरीर चे भाव लारे तम्हा कनु दूर छै, तां वी आत्मिक रीति लारे तम्चे लारे छै, ते तम्चे विधि चे अनुसार आचरण ते तम्चा विश्‍वास जको मसीह मां छै मजबूत ङेखती कर खौश हुवे।

1 थिस्सलुनीकियां 1:2

अम्ही आपणी प्राथना मां तम्हानु याद करु ते सदा तम्चे सारा चे बारे मां नरीकारा चा धन्यवाद करु।

फिलेमोन 1:7

कांकि हे माये भऊ, मनु दुधे प्रेम लारे बङा आनन्द ते शान्ति मिड़ली, ऐवास्ते कि दुधे जरिये नरीकारा चे पवित्र लौका चे देल हरे भरे हुती गेले।

2 यूहन्‍ना 1:4

मैं ब़ोहत खौश हुला कि मैं दुधे कोच्छ ब़ाला नु वे आज्ञा चे अनुसार, जको अम्चे ब़ा ची ओर कनु मिड़ली हुती, वे सच्‍चाई उपर टुरते हुले पाले।