फिलेमोन 1:5 - ओङ राजपूत

⁵ कांकि मैं पवित्र लौका वास्ते दुधे ओह प्रेम ते ईशु मसीह मां दुधे विश्‍वास चे बारे मां सुणे।

फिलेमोन 1:5 ပူးပေါင်းရင်းမြစ်များ

प्रेरितां चे काम 20:21

बल्ति मैं यहूदिया नु ते यूनानिया नु चिताता रेहला कि नरीकारा सनु मन फिरावा, ते अम्चे प्रभु ईशु मसीह उपर विश्‍वास करा।

रोमियां 12:13

नरीकारा चे लौका नु जको कोच्छ जरुरी हो, ओचे मां वांची सहायता करा। मेहमाना ची सेवा करने मां लाग़ले रिहा।

1 कुरिन्थियां 16:1

हमा नरीकारा चे लौक जको यहूदिया प्रदेस मां छी वांची सहायता वास्ते दान चे बारे मां जको आज्ञा मैं गलातिया प्रदेस ची कलीसिया नु ङिली हुती, वे आज्ञा चा पालन तम्ही वी करा।

गलातियां 5:6

मसीह ईशु मां ना खतना ते ना बिना खतना कुई कामा चा छै, पर सेर्फ विश्‍वास, जको प्रेम चे जरिये असर नाखे।

इफिसियां 1:15

ऐवास्ते, जिसे बेले मैं प्रभु ईशु मां तम्चे विश्‍वास ते सारे पवित्र लौका वास्ते तम्चे प्रेम चे बारे मां सुणले,

कुलुस्सियां 1:4

कांकि अम्ही सुणले छै कि मसीह ईशु उपर तम्चा विश्‍वास छै, ते सब पवित्र लौका लारे तम्ही प्रेम राखा वी।

1 थिस्सलुनीकियां 3:6

पर हमा तीमुथियुस ने जको तम्चे उठु अम्चे इठे आती कर तम्चा विश्‍वास ते प्रेम चा सुसमाचार सुणाला ते ये बाते नु वी सुणाले, कि तम्ही सदा प्रेम लारे अम्हानु याद करा, ते अम्हानु ङेखणे ची इच्छा करते रिहा, जिंवे अम्ही वी तम्हानु ङेखणे ची।

फिलेमोन 1:7

कांकि हे माये भऊ, मनु दुधे प्रेम लारे बङा आनन्द ते शान्ति मिड़ली, ऐवास्ते कि दुधे जरिये नरीकारा चे पवित्र लौका चे देल हरे भरे हुती गेले।

1 यूहन्‍ना 3:23

नरीकारा ची आज्ञा हा छै कि अम्ही नरीकारा चा पूत ईशु मसीह चे सामर्थी नांवा उपर विश्‍वास करु, ते जिसड़ा ईशु ने अम्हानु आज्ञा ङिली ओचे अनुसार आपस मां प्रेम राखु।